MATIUS 6:13 - Allah Wene Fano Wene Hupla Inane

¹³ Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

MATIUS 6:13 ပူးပေါင်းရင်းမြစ်များ

KEJADIAN 22:1

Inenggi ekhe inom welagaukwasigen Allah nen Abraham obabut paligeluk, ”Abraham,” iluk woletikhemo at Abraham en he, ”Woi! Neisena. Nebe yi welagi,” iluk yagatikhemo,

1RAJA-RAJA 1:36

A'nogo yagaisasikhemo, at Yoyada amlogo Benaya nen he, mel isikhe, ”Noe. Wene andi eberogoat hilinglasuak! Wene haren egen andi heisena Tuhan Allah anggikhebaat egen o.

1 TAWARIKH 16:36

Allah afuni Israel mene ineisena andi nek fogerati logoni, Yogondak inom hobuk inom mondok-mondok Arenek fogerati logoni o. A'nogo yagaisasikhemo it afuni Israel mene mondogaren he ”Amin”, iluk Tuhan fogeratukwa.

1 TAWARIKH 29:11

Hat he mondok hokho mene logolik halong welagen. Hat he hombak-pak logolik halong welagik, haren hilingiti lagen mene re ambisangma mondok tiphogo nek agik, Hebe mondok lego welagik, hilingik welagen. Yi mene ti mene pogoroba inom, kweangma inom andoma Hat honggwarek hangge nek. Hat he (Raja) mondok lego mene welagenma re, yi mene ti mene mondogat Hat homame a'ma nek werek.

1 TAWARIKH 4:10

Oba nen he at Yafes nen Allah it afuni Israel mene nen fogerati lagaukwa mene a'nogo ba samban ikhi logolik he yi'nogo isikhe, ”Neisena Allah, an fanot nobagambik an nawi wilayah elonggo wogologo hokhot nobagain o. An ou-pou higi hanogoluk enggin mene andi an noba nen korogo lakfigik, an nebe kwe palogo fetnarek welagik, hilingiti logoin o, neisena,” iluk samban isikhe. A'nogo samban isikhemo re at Allah nen kino yagatikhe mene a'nogo higithogo hilingfesikhe.

MAZMUR 10:16

At Tuhan ebe Raja lego mene logolik ninhup nanhup melalinafu mondok were'ma re, it inunggulenu ekhe mene-ekhe mene At ebe inonggot mene omanogo re it inanggweang oba andoma nen inebe mondogat leget fisagain o.

MAZMUR 106:48

Yogondak huli nen hobuk mondok-mondok andoma huli re it afuni Israel mene ineisena Allah andi nek fogerati logouwak, nen it afuni mondogaren he, ”Amin!” ikhi logouwak.

MAZMUR 22:28

Nineisena Tuhan nen afuni inunggulenu lombok ferinarek welagendek andi nen, afuni inunggulenu mondogat Tuhan oba ebetfembik, inambotkwe hoba wesugun o. A'nogo hoba wesimbik ineindep awi yagaisogo hai wathafik fogethafik ugun o.

MAZMUR 41:13

An nendawinggen sebel fakhaluk welagi andiba re Haren an lebetniikhi lagen, nen an nebe Hat ninom mondok-mondok logouwageluk hilingnobagakhi lagen.

MAZMUR 47:2

At Tuhan andi re ebe Lego Mondok logolik andungdang hokho agun werek. At ebe Raja mondok lego mene o kweangma mondogat he At awe a'ma nek welagorek hilingi'mo re,

MAZMUR 47:7

At Allah faget wuni fogeratarek awuniba wati logoni! Nit nineisena Raja andi faget wuni fogeratu awuni wulafi logoni!

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

MAZMUR 89:52

Tuhan neisena. Haselei mene nen ap raja Haren wenaten mene a'nogo inane asegen wokhili'lagwi o. Nen, at ebe yikwe tikwe lagunem he iren li'noratu mondok werego,” iluk Allah ayonggo fesikhe.

KELUARAN 15:18

Andoma werek kwelek, Hat nit nineisena Henupogot kain logolik, Fetninarek mondok logogin, iluk wuni felalogo watukwa.

AMSAL 30:8

An nen neranhogo wene inom, homan fisagarek awene inom igi hanogo, nen an nen nenggi werek asuageluk inom nenggi lek asuageluk inom obokhogo herak nobagau fuk. We an nendawimo namolo mene higithogo hilingnobagagin fano.

YEREMIA 15:21

An nen he ap inanini mondok weak mene andi inomameba sebelharek were'ma nen fikhalogo hobagagin o. Iluk An heisena Tuhan nen nane mondogat igi,” iluk yaganete.

YEREMIA 28:6

”Fano egen o! Haren yi'nogo ti'nogo asigin iluk egen mene andi ebe eberogo tiphogo nek asigin logouwak, nen Tuhan nen eberogo yi mene ti mene o Tuhan aiba a'nogo mene inom, nen afuni inebe inom seberogo huginabi lagaukwa mene omanogo inom, nekhengge woginarek fisa wesigin logouwak.

DANIEL 4:25

Noe hat hebe afuni inoba nen mugusogo lakhobagaumo re, yi wam ti wam hinom o leimo andoma logogun. Andoma 7 tahun logolik he, wam sapi nen engga ninggerek andi hak ninggik, enda'ma leimo nogo igik, ugunem, hebene meiso henanggikil hoati logogin. A'nogo nugunem 7 tahun arat logombik enek he, noe haren, Ap inenupogot logolik, afuni ferinarek welagaikharek andi re, At Allah Lego Mondok welagarek mene enggiba welagare'ma higi. A'nogo enggiba logolik Aren, at andi hak enupogot logouwak, iluk anggikherek higithogoat inenupogot logouwageluk menfisikhere'ma, higi o, iluk hambeba nen fakhogo igin o.

DANIEL 7:18

A'nogo meneat he, afuni Allah Enupogot againafuri nek he, o kweangma mondogat it inenggiba foumo logolik, hobuk lek agi'lek ferinarek mondok-mondok logogun,” iluk yaganete.

BILANGAN 5:22

I homan ugu ari halabutmo kwikhi logolik, halabut puak igik, houwak ilugun kelok igik, igin.” iluk yagati logogin. A'nogo yagatunem, at he a'nogo nen onggo ikhi logolik he, ”An nen ogo Tuhan nen hilingnabuak anggikhi lagi,” iluk igin.

MATIUS 26:41

Weak hilingisuageluk hinendawimo kagali wesinogo iluk, hinebe hebelogo logolik he, sambanat ikhi logoni o. Hinendawimo nen elok hilingisigin iluk anggikhi lagep meneat he, hinebe nen a'nogo hilingisugun he, elo'lego,” iluk yagaisasikhesik he,

MATIUS 5:37

Hiren, Io, uogeluk halok, Ioat ino. Nen, Lego, uogeluk halok he, Legat ugun. Wene hunogoat mene ekhe mangorati lagep halok he, Iblis obabut weak mene a'nogo nen hinendawimo kagalhu kwelek ugun o,” iluk yagaisasikhe.

YOHANES 17:15

Haren, it afuni kweangma mene inanggele'ma nen it enek kigilogo woginabinogen iluk kino yagaheti lagi fuk. We, at weak mene a'nogo nen weagerinabigeluk inoba wagunem, haren kwelaginarek logoinogen iluk yagaheti lagi o.

1 KORINTUS 10:13

Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.

1 KORINTUS 14:16

Andi hagat he, hat ekhe nen Allah Areagun nen yagahetu kwelek inane honggot mene elalinat ikhi logolik, ”Allah neisena,” iluk hai wasigin halok he, at ekhe onggot mene nen futfigi'lek logolik, ”Wene ikhe andi ebe asuak,” iluk u hak, ”Amin,” iluk ugun nogo? Wene hat igin andi re, at onggoren, a'nogo ugun elo'lek andi o.

2 KORINTUS 1:20

At Allah nen yi mene ti mene abok yaganisasikhe andi mondogat he, ”Io, wokhisagain,” iluk u hak, Yesus ebe wo'nisasikhemo werek andi nen, nit at ninom hundik logolik Allah fogerati logolik he: ”Ebe asuak,” iluk u hak, ”Amin,” iluk ikhi lago andi.

GALATIA 1:4

Nit weak hilingitorek andi nen nineisena Allah endawimo nen he, ”Yi'nogo hilingisuak,” iluk endawimo anggasikheba, at Yesus Kristus nen nit afuni kweangma mene telninabigeluk, endawimo nenat nit ninobabut weak mondok hilingitorek mene andi wene at onggwaregen oba fakhaluk wa'lagaikhe andi.

ULANGAN 8:16

O leimo afuni le'ma yoma nen sumburu manna hit hinombalak ineilenggen higi'lek inonggot mene hit noagaluk wokhisilik waga laga andi. A'nogo hilinghinabik waga laga andi re, wurep oba fanot fanothinabigiluk hinobabut palhik, hinendawinggen sebelfakhaluk hilingiti logouwageluk hilingirik waga laga andi.

ULANGAN 8:2

At nineisena Tuhan Allah nen he, hit hinendawimo anggaluk ninggi'nogo hilingisugun. Wene an nen, yi'nogo hilingiti logoino, ti'nogo hilingiti logoino, iluk komothinafi wene andi hologo higithogo hilingiti logogun a? Lega, iluk hinobabut paligiluk, kwe yatkwe nenat o leimo afuni lekwe wokhinarek wagu kwelek, 40 tahun hilinglaga andi hinendawimo ebe'ni o.

2 TESALONIKA 3:3

Menere, ninendawinggen ninoe Enupogot oba himbiret fugunem, ninane hologo hilingiterek mene a'nogo nen hinendawinggen wuriget hinafi logolik, at obabut mondok weak mene a'nogo nen weaget hinabigeluk ugunem fethinarek logogin andi nen, hinendawinggen at oba himbiret fuluk logoino o.

1 TIMOTIUS 1:17

Nineisena kain Enupogot Allah andi alegaro. At ebe nineilenggen hogorek lek. Walhasikhe etok mondok welagarek mene andi aro, iluk, fogeratik, hai watik, ugu mondok logouwogo, iluk, ”Amin,” igi andi.

IBRANI 11:36

Nen, ekhe re, afuni inane aik weak asegen wogisigik, yei inoatik, inenggi hele warogo kwelakfisigik,

1 PETRUS 5:8

At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.

2 PETRUS 2:9

A'nogo meneat he, afuni ekhe Allah amolo mene hilingitunem inendawimo kagaligeluk wagunem, nineisena Allah Enupogoren telinafik, nen it ekhe weak hilingiri'lagwi mene halok, wene hobuk inoba feigeluk ferinarek welagik, a'nogo hilingisigin elu logoligat elok hilingisigin o.

1 YOHANES 3:8

Nen, at ekhe nen obabut weak hilingitu mondok welagarek halok he, at Iblis obabut eroba nenat weak hilingiri'logo andi nen he, at andi ebe re, Iblis amlogo werego. Mene re, at Allah amlogo weinamhogo wagaikhe andi re, at Iblis obabut hilingiterek mene andi, mondok sebelogo legetfisageluk wagaikhe o.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

WAHYU 19:1

A'nogo ugunem holhiri'mo nen, ombo'ne re, afuni hokhorogo pogoroba logolik inane hokhorogo mel ugunem holhi: ”Nineisena Allah homame hokho, Ninebe telninafendek, Harat fogethabugun, Fogethafi lago u hak, Haleluya ikhi lago.

WAHYU 19:4

A'nogo ugu kwelek, it ap inaluendek inebe 24 en omanogo inom, it Allah nen elalinafikhemo ineluk welagaikharek mene inebe enggaminogo nen omanogo inom, inomen at Allah ebe kain welagarek obuluk oba were'ma awe a'ma kuluk, ineindep awi yagaisogo fogerati logolik mel ikhi lagaikha: ”Ebe asuak,” u hak, ”Amin,” igik, ”Fogethafi lago,” u hak, ”Haleluya,” igik, ikhi lagaikha.

WAHYU 2:10

At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.

WAHYU 21:4

A'nogo logolik, yi wene ti wene attak mene legetfisaluk, aren it ineil amusu arat terogo fagain andi nen he, inebe wa'laga logogun legat, inendawimo weak aga logogun legat, le aga logogun legat, heinet wati logogun legaro,” iluk ugunem holhi.

WAHYU 3:10

A'nogo fisa wesigin andi re, an nen, hinafe morogo logoino o, iluk yagahisasigi mene andi, nane hologo higithogo hilingiti lagep andi nen, o hobuk Allah nen afuni kweangma yoma welagaikharek mene mondogat yi enggin ti enggin inoba fagain sambul andi fugu kwelek, hit enek he, an nen nawe a'ma fano fethinarek logogin o.

WAHYU 3:14

A'nogo yaganetesik, hobuk yaganeti logolik he: ”Eroba nen, yi mene ti mene ero anat were'ma, Allah nen elalhikhe mene andi, at abok nobabut humbunhogo eberogoat enek igirek mene, nenu ebe asuak u hak, Amin, igirek mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Laodikia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen, yi'nogo palin o.

WAHYU 5:13

Andi hak, it Allah nen elalhikhe mene mondogat, pogoroba mene inom, kweangma mene inom, kweang a'ma mene inom, i laut yenggele'ma welagarek mene inom, mondogaren ikhi logolik: ”At kain welagarek obuluk oba werek andi, Domba Eak a'nogo emberegat, Irat inomame werego, iluk hai warinafik, agaugwerinafik, fogerinafik, ugu mondok logouwogo,” iluk ugunem holhi.