MATIUS 6:1 - Allah Wene Fano Wene Hupla Inane

¹ A'nogo yagaisasikhesik he, ekhe mel yagaisasikhe: ”Allah nen yi'nogo hilingiti logoino, iluk isikhemo, hiren higithogo hilingiti lagep mene andi, afuni nen ineilenggen hisikhi logouwageluk sele'ma hilingiti logogubo. Ineilenggen hisikhi logouwageluk hilingitep halok he, hineisena pogoroba mene nen onggo wokhisagain mondok lego. Hit hinendawimo ebe'ni!

MATIUS 6:1 ပူးပေါင်းရင်းမြစ်များ

2 RAJA-RAJA 10:16

ane yi'nogo yagatikhe, ”An nen Tuhan obaget hilingiti logolik namurururogo hilingirik laga-lagi mene heilenggen hanogen he an ninom louwogen eme o,” iluk yagatikhe. A'nogo yagatikhesik he it aremnogo inebe seberogo inagge kereta ba lagasukwasik o Samaria lagaukwa.

MAZMUR 112:9

Aren he angge yi mene ti mene it afuni inenggi lek mene leberisigik, nen at ebe along werek mene hilingik logolik lego were'ma re, afuni nen along anggaluk legeisogo fugunem, aren fano mene nek it inoba hilingfisugu, welagarek.

YEHEZKIEL 33:31

It inebe felelenghogo andogosi we'luk, it An nagainafuri mene hakhogo haren hane yagaisugu mene omanogo holi'lagwi. Oba nen he, haren yi'nogo ti'nogo hilingi'ni iluk miminginafendek mene omanogo re, iren hologo hilingiri'lagwi lek. It inambeba nen he inendawinggen hundik hilingitarek mene agarek oba nen he, it inendawinggenma nen he, inonggwarek ambisangma helogoin mene faget enek ebeti logoligen hilingiri'lagwi.

DANIEL 4:27

Andi nen he, henupogot mene noe. An nen komothafi mene andi hologo higithogo hilingiti logoino. Weak hilingiti lagen mene herakfisaluk he, fanorogo nek hilingitik, higithogo nek hilingitik, afuni inangge lek inelagaik mene hendawirinafik, ikhi logoino o. A'nogo hilingiti logogin halok he, hat hobuk fanorogo logogin o,” iluk yagatikhe.

ZAKHARIA 13:4

Linggene andi sambul he, ap nabi re nabi ebe mene nen hilingiterek mene omanogo hilingisu inenggali agu nen hilingiti logogun. Iren inabikanggoba wokhikhi lago iluk foget fakhikhi logolik ineranhogo wene lalinabuogeluk su ap nabi nen labetarek mene omanogo labeti logogun lek.

ZAKHARIA 7:5

”Afuni o kweang yiba werek mene inebe mondogat inom, nen it imam lak inoba yi'nogo yagaisano, iren tugi fuap meneba inom sabit meneba inom hinambe pok welagik, le yagaisogo welagik, hilingitu werek kwelek enek tujuh puluh tahun hilingiti lagaikha mene andi re iren An nobaget esinet nobagaikhi logolik hilingiti lagaikha re lego.

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

MATIUS 16:6

at Yesus nen mel yagaisasikhe: ”It ap Farisi mene inom, ap Saduki mene inom, enggen sumburu roti fisuageluk anggelekwe pelafarek andi hangge mene fisogo werek andiba weagethinabinogo iluk, hinebe hebelogo logoino o,” iluk yagaisasikhe.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

MATIUS 23:5

Iren ekhe mene ekhe mene hilingiri'lagwi andi mondogat he, ”Afuni nen ineil nisoageluk inendawimo anggikhi logolik hilingiri'lagwi o. Iren he, samban ikhi lagi,” iluk, Allah ane suesinggaba lisu palogo inelhaba homatarek a'nogo, iren hokhorogo homatik, su endakwe mene hunogoat labetarek a'nogo, iren su ogo'lu uanhogo igisogo labetik,

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

MATIUS 5:16

Andi hak he, hit fano hilingitunem, it ekhe nen he: It fano hilingiri'lagwi, iluk hineisena pogoroba mene a'nogo fogerasuagen he, hit afuni ineilhanem andi hanggeat selekhogo logoino o,” iluk yagaisasikhe.

MATIUS 5:46

Nen, it afuni ekhe nen, hit inendawit hinafarek mene andi nek hiren hinendawirinafi lagep halok he, Allah nen onggo wokhisagain nogo? Lego. Andi hak he, it ap pemerintah mene faget uang kino iluk andogotarek mene nen inobabut a'nogoat hilingitarego.

MATIUS 5:48

Halok he, nineisena Allah pogoroba mene obabut fano mondok higithogo logolik endawirinaferek hak, hit a'nogoat hinendawirinafi logoino o,” iluk yagaisasikhe.

MATIUS 6:16

A'nogo yagaisasikhesik he, ekhe mel yagaisasikhe: ”Hit sumburu ninggi'lek sambanat ugu mondok logouwogeluk halok he, it afuni ekhe inagap oba nek fano hak logolik, inendawinggen pire mene nen, Afuni ekhe nen enegat futninobagaluk inelokhonggen ofuselogo welagaikharek andi hak, logogun lek. It andi onggo hela hak he, we, afuni nen enegat yerisagarek andiat iluk, eberogoat yagahisigi o.

MATIUS 6:9

Halok he, samban ikhi logolik he, yi'nogo ikhi logoino: Nineisena pogoroba mene honggwarek henu esinet fikhi logouwageluk, hilingninabime o. Ninebe hawe a'ma logouwageluk ninobagaime o. It pogoroba hat hendawimo anggegendek mene hilingitarek hak, nit kweangma a'nogoat hilingiti logouwageluk, hilingninabime o.

MARKUS 8:15

Wulifukwasik he, Yesus nen komorinafi logolik mel yagaisasikhe: ”It ap Farisi mene inom, at Herodes inom, enggen sumburu roti fisuageluk elonggoma pelafarek a'nogo hangge werek andiba weagethinabinogo iluk, hinebe hebelogo logoino,” iluk komorinafikhe.

LUKAS 11:35

Andi halok he, o selek mene hinendawimo werek andi mum asinogo iluk, hinobabut hebelogo logoino.

LUKAS 12:1

Wene a'nogo ugu kwelek, afuni mondok hokhorogoat inera'lu andogosi wagaukwama re, inebe mondok esa hokhorogo andi nen he, it ekhe nen it ekhe ineisok ungguren al perelogo fisilik lagaukwa. A'nogo hilingfisilik lagaukwama, at Yesus nen agoromi ane wanhi lagaukwa mene omanogo wene mel tak yagaisasikhe: ”Ap Farisi mene inobabut he, enggen sumburu roti mene fisuageluk, anggele'ma pelafarek mene andi hangge logolik he, inagap oba nek fano hangge, inendawinggen pire andi nen, weaget hinabinogo iluk hinebe hebelogo logoino.

LUKAS 12:15

afuni hokhorogo omanogo mel yagaisasikhe: ”Afuni inagarek hokhorogo welagarek andiba ineluk welagaikharek lego. Yi mene ti mene an mene nek logoilep, iluk inendawimo anggikhi logoinogo iluk hinebe hebelogo logoino o,” iluk a'nogo yagaisasikhesik he,

LUKAS 16:15

A'nogo isukwama re, at Yesus nen it yagaisikhi logolik he: ”An higit hilingiti lagi, iluk afuni ineilhanem hinobabut higit mene hangge hilingiti lagep. Meneat he, Allah nen hinendawinggen mondok elu o. Yi mene ti mene it afuni nen fano iluk esinet fisagarek mene andi re, at Allah mondok abiro.”

YOHANES 12:43

It andi Allah nen fogerinabuageluk hilingiti lagaukwa lek, we afuni nen fogerinafu mene inamolo nen hilingiti lagaukwa.

YOHANES 5:44

Allah alegat etok mondok welagarek andi nen fogerasuogeluk hilingiti'lek logolik he, hit-hirat hat ekhe nen fogeratik, hat ekhe nen fogeratik fogerakhikhi lagep andi nen, hinendawinggen an noba ninggi'nogo himbiret fogoin anggegep? Mondok elo'lego.

KISAH PARA RASUL 3:12

Andogotukwama re, at Petrus eilenggen isasikhesik he, mel yagaisasikhe: ”Hit afuni Israel mene yi sani. Ap yi kwe nikho yi, nit ninonggwarek ninomameba hilingitik, ninobabut fano Allah ane hologo hilingiti lagoba, hilingitik, ogoma hangge, hit fogeratik, hineilenggen lurogo nisigik, ikhi lagep oma nenahalok?

GALATIA 6:12

It afuni ekhe nen he, ”Hinagap hinenggalimo mene palini o,” iluk, ninghogo yagahisili'lagwi mene andi, it afuni ekhe nen ineilenggen isaluk, ”Fano hilingiri'lagwi,” iluk anggoageluk hilingiri'lagwi andi. Yesus ebe eba menfuluk watukwa wene a'nogo yagaisugunem he, afuni Yahudi mene nen weagerinabinogo iluk, wene hunogo mene ninghogo yagahisili'lagwi andi.

ULANGAN 24:13

We, at angge andi hup fisogo nogo ikhi logouwagaluk, o hubagi'lek werek kwelek ambotkwe wogoti logoino. A'nogo wogoti logogun halok, aren hai wathinafunem he, nineisena Tuhan Allah agaiyek hit hinoba fikhi logogin o.

IBRANI 11:26

”Hobuk Allah nen onggo wo'nesigin mene werego,” iluk anggasikhesik he, ”Yi mene ti mene fano mene afuni o Mesir inenggimo mene yi esin lego,” iluk, herakfisaluk, ”Kristus faget ninebe weak-beakhogo ninobagakhi logogun andiat fano o,” iluk anggasikhe.

IBRANI 2:1

Andi nenat, afuni i soba lagunem i nen woginarek lagarek andi hak, nit ebe wene andi herakfisamo ekhema wo'ninarek lanogo iluk, wene ninesanggo holhugu mene andi ninghogo fisogo logouwogo.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.

2 YOHANES 1:8

Nen, niren hit hilinghinobagakhi lagagu a'nogo faget, hit ekhe onggo wanhi'lek nong asinogo iluk, mondogat wanubagaigen he, hinobabut hebelogo logoino. Logolik he, Allah nen, ”Hit onggo wokhisagain,” iluk wene wa'nisasikhe a'nogo, hit ekhe nong agi'lek mondogat helobagaigen he, hinomamerogo hilingiti logoino o.