MATIUS 5:9 - Allah Wene Fano Wene Hupla Inane

⁹ Nen, afuni inom weagat were'ma, it ekhe nen lambulogo fisagarek mene andi, at Allah nen he, yi an nagainafuri o, iluk yagaisagain andi nen he, inendawimo inagaiyek hikhi logouwak.

MATIUS 5:9 ပူးပေါင်းရင်းမြစ်များ

1 TAWARIKH 12:17

Ambit lagaukwama re at Daud it inom ambi agaukwasik yagaisikhi logolik he mel yagaisasikhe, ”Hit he nit ninagaila'lak mene an lebetneogoin iluk wagep halok he, nit ninom sebesi we'ni. Niren he hit ninendawimo ninagaiyek oba wokhinafi lago. Oba nen he, hiren ambi an lalogo it naselei mene inenggim nobagagun iluk nanggomo kagalogo wagep halok he, an nen hit hinoba iluk ogo weak hilingiti lek aple andi re At Allah nit nineisugwi nen fogerati lagaukwa mene a'nogo nen ogo mondok elurek ma re, Aren hit hinoba wene fagain o,” iluk yagaisasikhe.

MAZMUR 120:6

An he it ekhe afuni inebe seberogo logolik fanorogo welagaikharek inabit mene andoma ninom mondok aninurogo welagi o.

MAZMUR 34:12

Hit alage nagoromi, wene Tuhan oba hinailorogo logogun awene yagahisagain mene yi, hinesanggo fanorogo holini o!

MATIUS 5:48

Halok he, nineisena Allah pogoroba mene obabut fano mondok higithogo logolik endawirinaferek hak, hit a'nogoat hinendawirinafi logoino o,” iluk yagaisasikhe.

LUKAS 20:36

Afuni wa'lagunem Allah nen inelugerinabigin andi nen he, inebe Allah againafuri, it malaikat pogoroba yonggo nikharek mene inom higit logolik, hobuk wa'laga logogun mondok lego.

LUKAS 6:35

It a'nogo hilingitarek meneat he, hiren he, hinom weak mene hinendawirinafik, fanorogo leberisigik, onggo iren ekhe wo'nesuak, iluk anggigi'legat we hesangge wogisigik, ikhi logogun halok he, hinebe Tuhan Allah againafuriat were'ma re, onggo hokho mene wokhisagain o. Afuni nen, at ebe hai wati'lek weak hilingitu kwelegat he endawirinaferek andi.

KISAH PARA RASUL 7:26

Futfigi'legat logolik he, ohealekwe ap inebe pire Israel mene ekhe emberek yei yafunem eilenggen isasikhesik lambulogo fisageluk, mel yagaisasikhe: ”Nagaila'lak. Hit he, hagot hemberek meneat he, nenahalok yei yafi lagep,” iluk yagaisasikhe.

ROMA 12:18

Afuni mondogat hinom fano lambukhogo logouwogeluk, hit hinobabut fano hilingisu mene nek higithogoat hilingiti logoino o.

ROMA 8:14

Allah nen Areagun wokhisikherek andi re, afuni inebe it ekhe inamingmingengge logolik inobabut inailorogo hilingitarek andi hak, hilinghinafi logouwageluk wokhisikherek fuk. We, at Allah onggwarek againafuri hilinghinapluk kulhinabuageluk wokhisikherek. Andi nen he, it afuni Allah Areagun en woginarek nikherek mene halok, inebe lombok he, inebe Allah againafuriat werego. A'nogo logolik ninebe Allah Areagun oba himbiret fuluk logolik he, mel ikhi lago: ”Neisena Allah, neisena Allah,” iluk ninane fakhogo ikhi lago andi.

ROMA 8:16

A'nogo ikhi lago andi re, at Allah Areagun nenat, ”Hinebe Allah againafuri o,” iluk yaganisugunem, nit ninendawinggen oba nen ogorek andi.

ROMA 8:19

Pogot kweang yi mene ti mene Allah nen elalhikhe mene yoma nen he, ”Allah againafuri inebe hunogoat hilinginafunem sele'ma fogerinabugun andi mera hilinglasigin,” iluk, alik wari'lagwi.

1 KORINTUS 6:6

Meneat he, hat ekhe nen hagailak ekhe wene oba fuluk he, afuni inendawinggen Allahba himbiret figi'lek mene nen pilingisogo wene oba figik, kotik, uagen iluk inayonggo fikhi lagen andi.

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

2 KORINTUS 5:20

Nit he, Kristus nenat, ninayonggo fesikhesik lakninobagai wagaikhemo wagagusik he, Allah nen wene yagahisa hak, komothinafi lago andi. A'nogo komothinafi logolik, ”At Allah nen hobuk hinambotkwe lambukhogo hinobagauwagen he, at hinom lambulinio,” iluk Kristus enu hombuk palogo ninane liokhogo yagahisikhi lago.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

FILIPI 4:2

Euodia, Sintike, nerugwi e. Hemberegat, at ninoe Enupogot hinom hundik logolik hinendawinggen misigat mene ebeti logobagaigeluk yagahisigi andi.

KOLOSE 3:13

Hit-hit ekhe nen ekhe weak hilinghinafunem, ambumet figi'lek hinafe morogo logolik, sebelogo legetfisikhi logoino. Hit weak hilingiti lagagip mene, ninoe Enupogoren sebelogo legetfisasikhe andi hak, hit-hit a'nogoat sebelogo legetfisikhi logoino o.

IBRANI 12:14

Hit hinebe tegelogo Allah mene fisigi'lek logogun halok he, at ebe hineilenggen hogoin mondok lek andi nen he, afuni mondogat hinom fano lambukhogo logolik, hinebe at faget fisaluk weak hilingiti'lek fano tegelek mondok logouwogeluk hinomamerogo hilingiti logoino o.