MATIUS 5:7 - Allah Wene Fano Wene Hupla Inane

⁷ Nen, afuni inebe inendawirogo welagaikharek mene andi, nineisena nen it endawirinabigin andi nen he, inendawimo inagaiyek hikhi logouwak.

MATIUS 5:7 ပူးပေါင်းရင်းမြစ်များ

2 SAMUEL 17:28

A'nogo wanhukwasik, iren he, ”At Daud ebe inom, agoromi tentara mene inom, o leikwe afuni lekwe uanhogo wagaikha hilingi'mo re, sumburu inom, i inom nelerogo wagaikha,” iluk anggasukwasik he, iren he, at Daud agoromi inom faget iwak i keralogo nenggarek mene inom, kuali inom, talogo nogo agarek mene enu kasur inom, gandum enggen inom, gandum hangge enu jelai enggen inom, gandum enggen sagalek mene tepung inom, gandum enggen werago mene inom, kacang eil mep mene endep mene inom, hokhondek mene inom, kin amusu keralek inom, nenggarek mene ekhe enu keju inom, sapi eilak amusu sei amboloba lagai wagarek mene inom, wam domba ebe pire henagan hangge ekhe inom, wogosi wagaukwa.

2 SAMUEL 22:26

Tuhan neisena, Hat he ap Hat hoba tiphogo hilingitarek mene re, Haren ogo it inoba tiphogo nek hilingfisegendego, nen it fanorogo hilingitarek mene inoba re fano mene nek hilingfisegendego.

MAZMUR 112:4

Afuni nen higithogo nek hilingitik, katokhogo nek hilingitik, inendawi hundik welagik, inelagaik mene fanot fisigik hilingisugun oba re, mum mene anggele'ma nen selegerinafi logogin.

MAZMUR 112:9

Aren he angge yi mene ti mene it afuni inenggi lek mene leberisigik, nen at ebe along werek mene hilingik logolik lego were'ma re, afuni nen along anggaluk legeisogo fugunem, aren fano mene nek it inoba hilingfisugu, welagarek.

MAZMUR 18:25

An nen nobabut eberogo mene nek hilingiti lagimo re At Tuhan nen onggo higithogo nek hilingnobagali'lago. An nen weak mene ekhe hilingiti lagi lek andi nen he Aren an fanot nobagali'lago andi.

MAZMUR 37:26

It afuni inobabut higithogo hilingitarek mene andi re, inangge afuni ekhe elama faget wogisigik, ekhe weat wogisigik, ugunem he, it andi inagainafuri inom, iren tagomangge mene inom, fanot fisikhi logogin o.

AMSAL 11:17

Afuni inendawinggen sebelfakhaluk hilingitarek mene andi re inonggwarek fanoabet fakhagarek, afuni ina'mage weak mene andi re weak mene hokhorogo andogorogo fakhagarek.

AMSAL 11:25

Ap ekhe angge hokhorogo wogisikhi logogin halok, at angge yi mene ti mene ekhe inomat kabok ikhi logogin, ap ekhe nen it ekhe leberisugu mene agaiyek werek halok, arogo lebethogoin halok fano.

AMSAL 14:21

Ap ekhe nen ap amu mene inabok palogo abiret fisikhe halok he andi aweagat hilingite, ap ekhe endawimo nen ap enggi lek meneba endawi hundik hilingite halok he agaiyekhogo logouwak.

AMSAL 19:17

Afuni inenggi lek mene leberisagarek andi re inangge Tuhan oba elama faget wogotarek, hobuk At Tuhan nen it leberisogoin mene a'nogo inangge oak waganogo wogisagainat.

YESAYA 57:1

Ap fanorogo hilingitarek mene inom higithogo hilingitarek mene wa'lagunem he, ap ekhe nen futfisigik halfisigik agarek lek. It mondogat wa'la'luk he enggin-fenggin meneba nen ogal fakhaluk inoba fanorogo set walikhi logolik werek.

DANIEL 4:27

Andi nen he, henupogot mene noe. An nen komothafi mene andi hologo higithogo hilingiti logoino. Weak hilingiti lagen mene herakfisaluk he, fanorogo nek hilingitik, higithogo nek hilingitik, afuni inangge lek inelagaik mene hendawirinafik, ikhi logoino o. A'nogo hilingiti logogin halok he, hat hobuk fanorogo logogin o,” iluk yagatikhe.

HOSEA 1:6

A'nogo yaganetikhesik oba nen, he a'nogo hobuk eak a'ma agaikhesik he, omalik hele mene ekhe tatikhe. A'nogo tatikhemo, At Tuhan nen an yaganeti logolik, ”Hosea ao, An nen afuni Israel mene nendawirinabimbik, it weak hilingiri'lagwi mene sagalogo legetfagain mondok lego, andi nen he ha'logo andi enu re endawi hundik ninabi'lago lek mene iluk, Lo-Ruhama, salino.

HOSEA 2:1

Andi nen he, hiren hinerugwi hinagaila'lak mene andoma yagaisikhi logolik he, Allah againafuri mene, igik, Tuhan nen endawit hinaferek mene o, iluk yagaisigik ikhi logoino,” iluk yaganete.

HOSEA 2:23

An nen nagainafuri hinebe hinaiba andoma fano mondok logobagaigeluk hilinghinabigin. Hit faget ikhi logolik he, Nabit mene, iluk igi mene andi, hobuk An nen hit hinebe nendawit hinafi logogin o. Nen, Hinebe An nagainafuri lek, iluk isigi mene andi, hobuk An nen, hit An nagainafuri o, iluk igik, nen, hiren he nit nineisena re Allah aro, iluk yaganetik, ikhi logogun o,” iluk ikhe.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

MARKUS 11:25

Hit ekhe menla'luk samban ikhi logolik he, weak hilingitep mene nineisena Allah pogoroba mene nen sebelogo legetfisoageluk, afuni nen hit weagethinafa mene hiren wene inoba fuluk welagep halok he, andi sebelogo herakfisano.

LUKAS 6:35

It a'nogo hilingitarek meneat he, hiren he, hinom weak mene hinendawirinafik, fanorogo leberisigik, onggo iren ekhe wo'nesuak, iluk anggigi'legat we hesangge wogisigik, ikhi logogun halok he, hinebe Tuhan Allah againafuriat were'ma re, onggo hokho mene wokhisagain o. Afuni nen, at ebe hai wati'lek weak hilingitu kwelegat he endawirinaferek andi.

ROMA 11:30

Hit attak Allah ane hologo hilingiti'lek welagagip. Meneat he, yogondak it Israel mene Allah ane hologo hilingiti'lek oba re, hit hinebe endawithinafikhe andi o.

1 KORINTUS 7:25

Wene helime yenggerugwi silerik mene faget he, ”Yi'nogo hilingiti logoino,” iluk ninoe Enupogoren komotninafi'lek meneat he, wene an nendawimo anggikhi lagi mene yi yagahisak. Nane yagahisagain yi re, hit hinendawimo nen he, ”Allah nen Paulus ebe endawi nen wanhikhemo obabut humbun mene nen yaganisikhe andi eberogoat,” iluk hinendawimo anggano o.

2 KORINTUS 4:1

At Allah ninebe endawi nen he, at faget yi'nogo hilingiti logouwageluk ninayonggo fesikhe andi nen he, ninendawimo puk a'luk herakfisigi'lek hilingitoat welago.

EFESUS 4:32

Herakfisaluk he, hit-hit hinobabut enago lioksek logolik he, hit weak hilingiti lagagip mene at Kristus nen sebelogo legetfesikhe mene, Allah nen legetfisasikhe andi hak, hinerugwi hinagaila'lak ekhe nen weagethinafu halok he, wene andi legetfisikhi logoino o.

KOLOSE 3:12

Hit hinebe Allah nen wenagaisogo onggwarek faget fakhasikhesik he: ”An nonggwarek nagainafuri o,” iluk endawirogo welagarek andi. Halok he su ket mene labetarek hak, hinobabut yi mene wanino. Inebe inendawirinafarek mene andi inom, inobabut enago welagaikharek mene andi inom, inonggwaregen fogerakhigi'lek inendawinggen seberogo welagaikharek mene andi inom, inobabut liokhogo hilingitarek mene andi inom, inafe morogo welagaikharek mene andi inom, hinobabut andi mene wanino.

1 TIMOTIUS 1:16

Menere, it afuni ekhe hobuk inendawinggen Yesus oba himbiret fugunem ineluk mondok logouwageluk hilinginabigin mene inendawimo nen anggikhi logolik he, ”Paulus weak hilingitu kwelegat he, Kristus Yesus endawimo pugagi'lek afe morogo mondok welagaikhesigen, endawiratikhesik ebe wanhikhe andi re, aren afuni weak hilingitarek mene a'nogo woginafere'ma higi,” iluk, Allah obabut enegat futfouwageluk, an tak a'nogo wo'nafikhe andi.

IBRANI 4:16

Andi nen he, nit weak asu hak were'ma, fanoasuak, nineisena Allah obabut fano nen endawitninafik, lebetnisigik, uageluk, at Allah kain welagarek oba logolik obabut fanoba heanerogo hilingiterek andi nen, ninailo legat oba horokhogo kwikhi logouwogo.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

YAKOBUS 3:17

A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.

1 PETRUS 2:10

Hit attak he, Allah againafuri mene welagagip lek, meneat he, yogondak hinebe Allah againafuri eberogoat agebo. Nen, attak hiren he, ”Allah nen ninebe endawi werek,” iluk hinonggot welagagip meneat he, yogondak ”Ninebe Allah endawi nen wo'ninafikhemo welago,” iluk hinelu agebo.