MATIUS 5:48 - Allah Wene Fano Wene Hupla Inane

⁴⁸ Halok he, nineisena Allah pogoroba mene obabut fano mondok higithogo logolik endawirinaferek hak, hit a'nogoat hinendawirinafi logoino o,” iluk yagaisasikhe.

MATIUS 5:48 ပူးပေါင်းရင်းမြစ်များ

KEJADIAN 17:1

At Abram ebe umur 99 tahun oba, Tuhan elokhoma menlagaikhesik he, mel yagatikhe: ”An Allah nen yi mene ti mene elok hilingisigin enek a'nogo An aro. An nane hologo hilingiti logolik, nendawimo namolo anggigirek mene andiat hilingitu mondok logoino o.

2 SAMUEL 22:31

At Allah nen hilingiterek mene andi re endebengge iluk ogo ekhe taganet lagarek lek, Tuhan nen abok wene wa'nisasikhe mene andi re eberogo anggikhi logogun fano. Afuni At a'ma hina'lasi kwagarek mene re sing itarek hak ferinarek werego.

MAZMUR 37:37

It afuni inobabut enago lioksek mene andi, hobuk inebe ineluk logolik fano logogun andi nen he, afuni inobabut weak hilingiti'lek higithogo nek hilingitarek mene andi re, hineil woginafi logoino o.

IMAMAT 11:44

An hineisena Tuhan Allah nebe An namuat welagimo, An nebe mondok horek welagi andi hakhogo hirogo mondok horek meneat logoni.

IMAMAT 19:2

”Afuni Israel mene Allah nen mel ikhe, iluk yagaisano: An hineisena Tuhan Allah nebe horek welagirek andi hak, hirogo An nobaget horegat logoni o.

IMAMAT 20:26

Hineisena Tuhan Allah re An nebeat hilingi'mo, An nebe fano horek welagi hak hirogo An nobaget fano horegat logogun. Hit he afuni inunggulenu amu meneba nen An nonggwarek nangge mene logobagaigeluk enogo hinobagasigi.

MATIUS 5:16

Andi hak he, hit fano hilingitunem, it ekhe nen he: It fano hilingiri'lagwi, iluk hineisena pogoroba mene a'nogo fogerasuagen he, hit afuni ineilhanem andi hanggeat selekhogo logoino o,” iluk yagaisasikhe.

MATIUS 5:47

Nen, hinerugwi hinagaila'lak halok enek hai warinafi lagep halok he, hit enek hinobabut a'nogo hilingiti lagep fuk. It afuni endakwe mene inobabut a'nogoat hilingitarek lek nogo? A'nogoat hilingitarego.

LUKAS 6:36

Halok he, Nineisena nen endawirinaferek andi hak, hiren afuni a'nogoat hinendawirinafi logoino o,” iluk yagaisasikhe.

LUKAS 6:40

It guru lak wene yagaisagarek mene sebelek hak werek kwelegat, it inagainafuri yagaisagarek mene andi lego hak welagaikharek lego. A'nogo meneat he, sa nen wene arat wanhesik furogo elu aga halok he, eisena yagaisikherek mene andi emberek higiraro.

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

2 KORINTUS 13:9

Nit lebelek werek kwelek he, hit hinomame werek logogun halok he, fano iluk, ninendawimo ninagaiyek anggikhi lago. Andi fagerat he, hit hinendawinggen katokhogo wurik asuageluk, Allah ayonggo fikhi lago.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

EFESUS 3:1

Andi nen he, an Paulus hit afuni endakwe mene Kristus Yesus nen telhinabuageluk, at faget nenggi hele warogo nobagagama welagi.

ULANGAN 18:13

Arigini'mo re hit hinendawinggenma nen hineisena Tuhan Allah oba tiphogo hilingiti logolik fogerati logoni.

ULANGAN 27:10

A'nogo meneat he hiren hineisena Tuhan ane hologo nek hilingiti logolik, an nen yi'nogo ti nogo hilingiti logoino iluk yogondak yagahisigi mene andi mondogat higithogo hilingiti logoino,” iluk yagaisasikhe.

KOLOSE 1:28

Andi nen, niren he, wene Kristus abok andi fakhogo afuni mondogat inebe lombok yagaisilik laga lago. A'nogo yagaisikhi lago andiba, inebe lombok Kristus inom hundik logolik, inendawinggen wurik asumo Allah ba woginarek wesuogeluk, ninendawimo eberek mondok logolik, komorinafik, wene yagaisigik, ilik laga lago andi.

KOLOSE 4:12

At Epafras, Kristus Yesus amingmingengge ebe hit meneat a'nogo nen, hai wathinafe aro. Aren he, hit hinendawimo nen: ”Allah ane andi eberogoat,” iluk futfuluk he, hinendawinggen wurik asimbik hinebe mendegat logolik he, yi mene ti mene Allah endawimo anggikherek hak hilingitu logobagaigeluk samban hit faget ninghogo ugu mondogat welagarek.

YAKOBUS 1:4

Hinendawinggen lebelekhogo ekhe welagi'lek mondogat higithogo wurik asuageluk he, hinendawimo pugagi'lek hinendawinggen hambukhogo logoni o.

1 YOHANES 3:3

Nit ninendawimo nen, ”A'nogo hilinglasugun,” iluk, oba eberek welagorek mene ninebe lombogen, at onggwarek ebe tegelek welagarek andi hak, nit a'nogoat tegelikhi logoguno.