MATIUS 5:4 - Allah Wene Fano Wene Hupla Inane

⁴ Nen, afuni inendawimo wiik- weakhogo welagaikharek mene andi, Allah nen inendawinggen sebeligin andi nen he, inendawimo inagaiyek hikhi logouwak.

MATIUS 5:4 ပူးပေါင်းရင်းမြစ်များ

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

YESAYA 25:8

Tuhan Omame Mondok Hokho mene a'nogo nen he wa'lagaikharek mene a'nogo mondok-mondogat lek hilingisogo fagain! Aren he afuni inelokhe lombok it ineil amusu mondogat terinabigin. Nen, At againafuri o kweangma yoma nen sebelogo fisugunem welagaikharek mene omanogo inoba nen waganogo lakfisagain. Tuhan nen hilingisigin iluk ane mondogat ikhe mene andi re eberogo nenat hilingisigin.

YESAYA 30:19

Yago, hit o Yerusalem welagep mene yoma re, hiren hundik-handik le aga logou fugo. Tuhan he inelagaik isikherek mene hilingi'mo re, hiren lebetninabin iluk yagasugun halok he Aren weak-weagat lebethinabigin werego.

YESAYA 35:10

Afuni Tuhan nen inagap telinabigin mene re inambotkwe sugulogo o kota Yerusalem inagaiyekhogo kwi waga logogun, it inagaiyek hokho mene asumo inelokhe heanerogo logogun. Iren inagaiyek higik, inanggilugetik, ikhi logogun. Inendawi ou hagarek mene inom, anggolo hurane hagarek mene inom andoma mondogat legasigin.

YESAYA 57:18

Nen it inobabut hilingiri'lagwi mene andi re An nen mondogat isikhi lagi o, oba nen he An nen it inoba fano higirinabimbik he inebe woginarek lagik, leberisigik igin o, nen afuni inoba sinurogo werek mene ogore inendawimo koninabigin aro.

YESAYA 66:10

Yogondak hit afuni Yerusalem oba hinendawi hundik welagep mene nen he, it Yerusalem mene hinom seberogo hinagaiyege'ni o. Hit at faget hinendawinggen heiselogo welagep mene re, yogondak hinagaiyekhogo hinanggiluk eti logoni.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YEHEZKIEL 7:16

Fena fikhit he ineluk asimbik heise tomkwe andoma lambik logogun, andoma it inebe re sue pel o tonggokwe andoma nen mukhigik wulaginafunem welagarek higit asimbik logogun. Andoma mondogat he it inonggwarek inaweak hilingiti logogun andiba ambisangma heinet wati logogun.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

LUKAS 6:21

Nen, hit yogondak hinendawimo nele welagep mene halok, hobuk wokhisugunem hinalabut ninghogo nogoin andi nen he, hinendawimo hinagaiyek hikhi logoino o. Nen, hit le aga lagep mene halok, hobuk endo asugun andi nen he, hinendawimo hinagaiyek hikhi logoino o.

LUKAS 6:25

Nen, hit ekhe yogondak elama faget enek hinalabut ninghogo ninggi lagep mene halok, weagethinafunem hobuk nongakhogoin o. Nen, hit yogondak elama faget enek endo aga lagep mene halok, weaget hinafunem hinendawinggen warikhi logolik le asugun aro.

LUKAS 7:38

Waluk wagaikhesik oloba kwisikhesik he, Yesus eisok unggutmo ambotma horok-horok wagaikhesik he, andoma mendek logolik le aga lagaikhe. Le agunem eil amusu Yesus eisok oba pisikhemo re, esiba hobuk horatikhe. Horatikhesik he, eisok oba hai ambe saluk watikhesik he, amusu amben fano mene waluk wagaikhe a'nogo Yesus eisok oba watfesikhe.

LUKAS 7:50

Yesus nen he a'nogo yagati logolik he, mel yagatikhe: ”Hat hendawinggen eberogo nenat noba himbiret fegen andi nen telhafi o. Halok he, hendawimo fanorogo haiba lan o,” iluk lakfesikhe.

YAKOBUS 1:12

Hit ekhe Iblis nen hinendawimo kagaligeluk yi enggin ti enggin hinoba fugu kwelek, hinafe morogo logogun halok, hinendawimo hinagaiyekhogo logoguno. A'nogo hinafe morogo logogun halok, Allah nen he, ”An nebe hinendawi mene halok hineluk mondok logogun mene wokhisagain o,” iluk, abok yaganisasikhe a'nogo hit hinobabut palogo nenat wokhisagain o.

WAHYU 21:4

A'nogo logolik, yi wene ti wene attak mene legetfisaluk, aren it ineil amusu arat terogo fagain andi nen he, inebe wa'laga logogun legat, inendawimo weak aga logogun legat, le aga logogun legat, heinet wati logogun legaro,” iluk ugunem holhi.