MATIUS 5:39 - Allah Wene Fano Wene Hupla Inane

³⁹ A'nogo meneat he, an nen wene ekhe yi yagahisak. Weagethinafa halok onggo fugubo. Hinelokhonggen ebekwe lambukhogo hinoatu halok he, harekwe inomat hoasuageluk, wogisano aro.

MATIUS 5:39 ပူးပေါင်းရင်းမြစ်များ

1RAJA-RAJA 22:24

A'nogo yagatikhemo, ap Kenaana amlogo Zedekia Allah ane yagaisikhi lagaikhe mene a'nogo ebe Mikha oba horokhogo higilha wagaikhesik yei elokhenggen lambukhogo watikhesik he, mel yagatikhe: ”Nineisena Tuhan Areagun an hera'nobagaluk, wene hat hoba yagahesi we'lep lego,” iluk wenagetikhe.

AYUB 16:10

Afuni nen he inambe langet fuluk an li'norogo hilingnobagali'lagwi, an nebe afuni nen haningisogo kwelaknobagaluk he nelokhenggen taphogo noari'lagwi.

AMSAL 20:22

Iren weaget hinafunem hiren ogo weagerinabu fuk, we hineisena Tuhan oba hinendawinggen tibet fugunem Aren lebetisikhi logogin.

AMSAL 24:29

Hiren ikhi logolik, ”Aren an noba hilingfikhe hak an nen ogo at oba onggo hilingfagain,” iluk u fuk.

YESAYA 50:6

Ap an yei noari'lagwi mene andi nambot wogisaluk, nelokhenggen he ap nomboro lit hili'lagwi mene omanogo wogisikhi lagi. Aben li'norogo hilingnobagagik, noba wesibak subet niigik, ugunem he an nelokhe hebekhogo hinakfikhi lagi lek.

RATAPAN 3:30

It ekhe nen hinelokhe taphogo hinoatu halok inom, inane weak hinoba fugu halok inom, mondogat andoma re hiren onggo lagalhi'lek herakfisogoin halok fano.

IMAMAT 19:18

Hineisena Tuhan Anat andi nen he, afuni nen hinoba ambumet fuluk werek halok, hiren onggo figik, hinapsiri watfisigik, ugun mondok lego. We, hinonggwarek hinebe hinendawinggen hundik welagep andi hak, it afuni ekhe mene ogo inebe hinendawinggen hundik logoino o.

MIKHA 5:1

Tuhan nen ikhi logolik, ”Hit afuni Betlehem Efrata mene yi, o Yehuda ba yoma yi awi ti awi o kota sili werek mene yoma nen he, hit hinawi kota Betlehem yi nek he kota we endep mene werek oba nen, An nen it hinombawi inunggulenu attak welagaukwa andi mene, afuni Israel mene ferinaferek logolik yagaisikhi logouwageluk menfagain o,” iluk isikhe.

MATIUS 5:40

Nen, it afuni ekhe nen, it ap wene ero pilingitarek mene omanogo inoba wokhinarek laluk: Hasu elonggoma laberek mene wo'nom, iluk ugu halok he, andi inom, hasu sogoi su endakwe laberek mene andi inomat mangorogo wogisano o.

LUKAS 22:64

eilenggen salfesukwasik he, ”Sa nen hoate nogo. Yaganisan ta!” iluk yagatik,

LUKAS 6:7

Were'ma re, it ap Allah ane lisu palek eisewerek mene inom, Farisi mene inom, inendawimo nen he, ”Yogondak ninenggi sabit oba Allah faget weat werek kwelek, aren ap ari higisigin a? Lega. Higite halok he, hat weak hilingiten, iluk wene oba fouwogo,” iluk, ineil wanhi lagaukwa.

YOHANES 18:23

at Yesus nen he, mel yagatikhe: ”An nane weak igi halok, wene weak igi mene fakhogo yaganom he! Nane higit igi mene fagerat, yei noaten andi, nenahalok,” iluk yagatikhemo,

1 KORINTUS 6:7

Hit-hit hinerugwi hinagaila'lak hinom meneat he, hinom wene-wene mondok welagep andi nen lebeleget fakhikhi lagebo. Hit he, weak hilinghinafu kwelek hinafe morogo logoumo weaga? Weagethinafu kwelek herakfisaluk logoumo re, fano o.

1 TESALONIKA 5:15

Afuni nen hit ekhe weaget hinafunem, onggo-onggo weagerinafi'lek logolik, hit-hit faget inom, afuni mondogat faget inom, inobabut fanorogo hilingitarek andi meneat esinet fikhi logoino o.

IBRANI 12:4

Hit enek he, weak hilingisu hinabiren, weim inomamerogo yafarek andi hak hilingitunem, hinamep wulagaisogo hinoati'lek mene welagebo.

YAKOBUS 5:6

It ekhe higithogo hilingiri'lagwi mene andi, iren onggo hit hinoati le'maat wene inoba fuluk inebe inoati lagep andi ri!

1 PETRUS 3:9

Afuni ekhe nen hit weak hilinghinafunem, hiren onggo weagerinafubo. Nen, inane asegen weak wokhinafunem hiren onggo hinane asegen wogisagubaro. Onggo re, Allah nen inebe fanorinabuageluk, ayonggo fikhi logoino. Hobuk aren fano mene wokhisageluk hinayonggo fesikhe andi nen, hiren onggo fano mene yagaisikhi logoino.