MATIUS 5:37 - Allah Wene Fano Wene Hupla Inane37 Hiren, Io, uogeluk halok, Ioat ino. Nen, Lego, uogeluk halok he, Legat ugun. Wene hunogoat mene ekhe mangorati lagep halok he, Iblis obabut weak mene a'nogo nen hinendawimo kagalhu kwelek ugun o,” iluk yagaisasikhe. အခန်းကိုကြည့်ပါ။ |
Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.
A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.
Tok pisingerisugunem ponghogo loageluk, e sabelek inenggimo waluk lagaikharek hak, inendawinggen Allahba himbirik welagaikharek andi mene hundik-handigat waluk nikhi logoino. Waluk nugunem, Iblis obabut weak mene a'nogo nen endu tok wurep oba hunogo pisinget hisugunem, hinendawinggen Allahba himbirik logogun andiba elok nagulhi logogun aro.
Su attak mene nonggologo lakfisaluk he, hobuk ket mene labetarek hak, hit hinobabut attak hilingiti lagagip mene herakfisaluk, hobuk hinobabut ket mene wanhigip andi nen, hineranhogo wene ikhi logogubo. Hinobabut ket mene andi, Allah nenat elalhinafikhemo andi nen he, at onggwarek obabut hangge hilingla'luk he, ebe mondok furogo hinelu asuageluk, hobugalebat hilinghinabi'logo andi.
Nerugwi nagaila'lak. Wene ekhe esin mene yi yagahisak. Allah nen wene hinoba feinogo iluk he, hiren pogoroba mene ekhe enu hombuk palhik, kweangma mene ekhe enu hombuk palhik, hunogoat mene ekhe enu hombuk palhik, hombuk palhi logogubo. We, ”Io,” uogoluk halok he, tekhogo ”Ioat” ugun. Nen, ”Lego,” uogoluk halok he, tekhogo ”Lego,” ugun.