MATIUS 5:30 - Allah Wene Fano Wene Hupla Inane

³⁰ Nen, henggi ebekwe nen weagethabu hak hilinglaga halok he, henggi ebekwe andi tekhogo lakfisano. Hebe abirengge endu ai'mo lakhobagainogo nen he, tekhogo lakfisaluk fenakwe nek logoumo fano,” iluk yagaisasikhe.

MATIUS 5:30 ပူးပေါင်းရင်းမြစ်များ

MATIUS 11:6

Nen, hiren an hilingiti lagi mene andoma hinabiret nobakhi lagep lek halok he, hinendawimo hinagaiyek hikhi logogun o. iluk yagasi lani o,” iluk lakfisasikhe.

MATIUS 13:21

wene andi inendawinggenma omanggen yati'legen he, endebat were'ma nen, afuni ekhe nen Allah ane andi faget yi enggin ti enggin inoba figik, weagerinafik, ugunem he inendawimo fageat puk agaresik wene andi herakfisaluk wulifarek andi aro.

MATIUS 16:23

Komotikhemo, at Yesus elokhe hebekhogo Petrus kwelakhasikhesik he mel yagatikhe: ”Hat he, Iblis higi. Allah endawimo anggikherek higithogo ebeti'lek, we afuni nen anggagarek hak higithogo ebetfuluk nanggwe palhi lagen yi, nelokhoma yoma logogin lego. Hela lan o,” iluk yagatikhe.

MATIUS 17:27

Mene re, iren inabiret ninobagainogo nen he, i yenggele'ma laluk ikan watarek mene hele a'nogo ima pelafunem attak wanigin mene a'naga henggimo waluk ambe langet fugunem he, uang ambelema were'ma hagain o. Halok he, andiat waganogo re, nit nemberek faget it ap andi wogisano o,” iluk yagatikhe.

MATIUS 18:8

Hinenggi nen a? Hineisogen a? Weagethinabu hak hilinglaga halok he, fena palogo lakfisaluk, fena nek logolik, ineluk mondok logogun oba andoma kumo fano o. Mene re, hinenggi hineisok andi wurat were'ma endu nagulagarek le'ma andoma lakhinobagaumo weago. Halok he, fena palogo lakfisano.

MATIUS 22:13

Ane mondok igi'lek kamo isikhemo re, at ap kain enupogot a'nogo amingmingengge mene omanogo mel yagaisasikhe: Ap andi enggi eisok mondok hele homagaisogo re, enda'ma inaik himbirogo li ago le ago welagaikharek oba o mondok mummo andoma wulakfisani o, iluk yagaisasikhe.

MATIUS 25:20

ap uang 5.000 nen wanhikhe mene a'nogo hobuk 5.000 nenat mangoratikhe mene waluk wagaikhesik he, ”Noe. Haren 5.000 nen wo'netigin a'nogo re, yethan. An nen hobuk 5.000 nen ekhe inomat oba mangorogo figimo yi o,” iluk yagatikhemo,

MATIUS 26:31

Punu Zaitun oba lagasukwasik, at Yesus nen agoromi yagaisikhi logolik, ”At Allah nen, At ap wam domba kwalogo welagarek mene andi ebe An nen watunem he, anggo misi'mo andogorek welagarek mene andoma re, heise pugulugun o, iluk isikhemo, lisu palogo fesukwama werek andi nen, yogondak hubanggo yi, hit mondogat an heraknobagaluk heise pugulugun o.

MATIUS 5:22

Mene re, an nen wene ekhe yi yagahisak. Hat sa nen hagailak faget ha'mage lagagu halok he, wene ekhe hoba fagain werego. Nen, hat sa nen hagailak ekhe yagati logolik he: Hat he, hebe kembu yi re! iluk ugu halok he, it ap wene ero pilingitare'ma andoma wokharek laluk, wene hoba fogoin aro. Nen, hat sa nen: Hat he, hendawinggen mondok lek yi ri! Iluk ugu halok he, wene hoba fuluk endu amuilo'ma andoma lakhobagagin o.

MATIUS 5:29

Halok he, heilenggen ebekwe nen weagethabu hak hilinglaga halok he, hemelogo lakfisano. Hebe abirengge endu ai'mo lakhobagainogo nen he, hemelogo lakfisaluk fenakwe nek logoumo fano.

MARKUS 9:43

Hinenggi nen weagethinabu hak hilinghinafe halok he, hinenggi fena palogo lakfisaluk, hinenggi fena nek logolik afuni ineluk mondok welagaikhare'ma andoma kumo fano o. Mene re, hinenggi wuthogoat were'ma, hinebe wea'ma, [endu nagulagi'lek soborenggen wa'lagi'lek inoba fikho mondok welagare'ma] andoma lakfisamo weak iluk, hinenggi fena palogo lakfisano.

LUKAS 12:5

Meneat he, hit sa hinailorogo logogun nogo. An nen yagahisak. At Allah nen hinebe hinoasimbik he, hobuk endu ai'mo elok lakhinobagagin werek andiat hinailorogo logoino, iluk yagahisikhi lagi andi.

LUKAS 17:2

At andi nen it afuni sebelek mene yi misigat ekhe an obokhogo heraknobagauwageluk endawimo kagalumo, an obokhogo heraknobagaikhe halok, at endawimo kagalhe mene andi helep hokho mene alonggopma hele kelogo re, i laut yenggele'ma hambogoisogo pelakfiselepma fano o.

ROMA 9:33

Wene andi faget Allah nen he, mel isikhe: ”An o Sion andoma helep hangge ekhe figi yi hani! helep andiba afuni ineisok a'lip silukhogo waraluk, talorogo laga logogun o. Meneat he, hinebe lombok hinendawinggen at oba himbiret fogoin mene halok hinenggali hogoin mondok lego,” iluk isikhemo lisu palogo fesukwa.

1 KORINTUS 8:13

Halok he, nenggarek mene andiba nen an nagailak ebe weagetfeinogo iluk at faget he, an wam tugwi kembu anggo warek mene kurik ninggi'lek mondok herakfikhi logogin o.

GALATIA 5:11

Nerugwi nagaila'lak. An nen, inagap inenggalimo mene palharek wene andi fano iluk yagaisikhi logoilema re, noba yi enggin ti enggin hilingnabi'lagwi andi hilingnafi logoilep anggegep? Mondok lego. An nen wene andi mene yagaisikhi logoilema re, wene Kristus ebe eba menfuluk watukwa wene andi yagaisugunem afuni inesanggo holiluk he, ineisok helep oba silukhogo waragarek hak, inendawimo puk a'luk wene herakfiselep legaro.

1 PETRUS 2:8

Nen, ekhe mel isikhe: ”Afuni helep andiba ineisok a'lip silukhogo waraluk, talorogo laga logoguno,” iluk isikhe. A'nogo talorogo laga logogun andi re, iren fano wene andi, ”Eberogoat,” iluk futfogoin lek andi nen, Allah nen anggasikhe hagat, warili'lagwi andi.