MATIUS 5:28 - Allah Wene Fano Wene Hupla Inane

²⁸ Meneat he, an nen wene yi yagahisak. Ap sa nen, he ekhe eilenggen yethaluk endawimo nen he, ”Eige. An he andi pailak hilingi'le e,” iluk anggikhe halok, endawimo nen pailak eberogoat hiliingite o.

MATIUS 5:28 ပူးပေါင်းရင်းမြစ်များ

KEJADIAN 34:2

Lagaikhesik hilingitunemen he hun Sikhem, Hemor amlogo a'nogo at o andoma raja mendek logolik hele Dina a'nogo eilenggen hasikhesik waluk lagaikhesik he, inom at omameba nogosukwa.

2 SAMUEL 11:2

A'nogo logolik inenggi ekhe sambul he, at Daud linggene nogo isikhesik eluk agaikhesik he, awi wa'lengge awi wuri'mo obuluk liokse'ma andoma lagasikhesik yethasikhe re, he ekhe mondok fano mene kume watunem eilenggen yethasikhe.

AYUB 31:1

At Ayub en he, wene ekhe mel isikhe: ”Helime yenggerugwi neilenggen yerisaluk, nendawimo nen namolo anggikhi logogin lek, iluk Allah enu hombuk palogo arat igimo o.

AYUB 31:9

Nen an he ekhe nagaila'lak ninom ninawi horokhogo mene inagagwi inoba nendawinggen ninggemo iluk, kwe sou abel fena hinago logolik fololek elekwe nen kwelago welagi halok ogo,

MAZMUR 119:96

Haren huli-huli warogo fesiginkwe omanogo an neilenggen hikhi lagimo re fano higirenek hilingik, oba nen he we Hat hawene melalek andi nek he mondogat langfangsek.

KELUARAN 20:17

Afuni ekhe inawi wurik inom, inagagwi inom, inamingmingengge inom, inanggo inom, inangge yi mene ti mene inom, namolo e, iluk hinendawimo anggagubo,” iluk yagaisasikhe.

AMSAL 6:25

Inelokhe fano pugunsek andoma nen weaget habunogo, it ineil alili pugunsek andoma nen hendawi nanogo.

YEHEZKIEL 23:16

At Oholiba nen he ilirengge waganek mene andoma eilenggen hikheresik oba agesabu lagagunem he ap inayonggo fuluk o Babel ap sikhe fisogo inap inogogwi kaindek andoma inambit lakfisikhi laga.

IMAMAT 18:20

Haren ap amu mene inagagwi inom sebesigin halok he, a'nogo hilingisigin andiba hebe emerogo fakhegen hanogo.

MATIUS 15:19

Inendawimo nen wene weak mene ebetik, afuni inoatik, hemi ap inagagwi mene pailak fakfisigik, helimenggerugwi pailak fakfisigik, yogot wanhik, ineranenat it ekhe wene inoba figik, inabok wiik-weakhogo palhik, agarek andi re, inendawimo nenat kagalogo lagai wagunem wulafarego.

MATIUS 5:22

Mene re, an nen wene ekhe yi yagahisak. Hat sa nen hagailak faget ha'mage lagagu halok he, wene ekhe hoba fagain werego. Nen, hat sa nen hagailak ekhe yagati logolik he: Hat he, hebe kembu yi re! iluk ugu halok he, it ap wene ero pilingitare'ma andoma wokharek laluk, wene hoba fogoin aro. Nen, hat sa nen: Hat he, hendawinggen mondok lek yi ri! Iluk ugu halok he, wene hoba fuluk endu amuilo'ma andoma lakhobagagin o.

MATIUS 5:39

A'nogo meneat he, an nen wene ekhe yi yagahisak. Weagethinafa halok onggo fugubo. Hinelokhonggen ebekwe lambukhogo hinoatu halok he, harekwe inomat hoasuageluk, wogisano aro.

ROMA 7:14

Wene komotninafikhe wene andi, Allah Areagun en yaganisasikhe iluk ninelu o. Mene re, an nobabut he, afuni inobabut hangge inetok welagi. Weak hilingitarek andi mene nen awe a'ma nobagaigeluk onggo palogo hak wo'nafikhemo welagi.

ULANGAN 22:22

Ap misik ekhe nen ogo ap amu mene agwe inom hilingitunem isaga halok he, iren hilingisugun onggo inebe pirenet pinggi inoasugun. Hiren a'nogo hilingisugun andiba re weak mene a'nogo leget fisogoin andi.

2 PETRUS 2:14

It ap andi ineilmo re, hemi pailak fakfisogoin mene nek eberek logolik, inabit agi'lek weak hilingitu mondok logogun andi. A'nogo hilingiti logolik, afuni Allah ane kerat waluk, inendawinggen abolok werek mene lalinafi logogun andi. Inobabut he, ”Yi mene ti mene nit enek wo'niselep,” iluk ikhi logouwogeluk attagaren yanggulhukwasik he, andi meneat inelu logolik hilingiti logogun andi. A'nogo hilingiti logogun andi nen, Allah nen homan fisambik weagerinabigin werego.

1 YOHANES 2:16

Nen, afuni kweangma mene inobabut hilingitarek he, inoba aigage lagagik, yi mene ti mene ineilenggen en haluk inamolo anggigik, kweangma mene faget fogerakhigik, agarek andi mondogat ero re, nineisena Allah fuk. Ero re, kweangma aro.