MATIUS 5:23 - Allah Wene Fano Wene Hupla Inane

²³ Halok he, hat sa nen hangge fano mene waluk Allah awe a'ma fei laga logolik, hendawimo nen he, ”Nagailak a'nogo nen, at weak hilingitemo, wene noba fili'logo, iluk honggwaregen hendawinggen ebetlasi waga halok he,

MATIUS 5:23 ပူးပေါင်းရင်းမြစ်များ

KEJADIAN 41:9

A'nogo yagasu elo'lek agaikhemo, ap ekhe raja agai nunggu mene faget wene lenggalhi lagaikhe mene a'nogo nen at raja Firaun mel yagatikhe: ”Noe, an hamingmingengge attak yagaheti'lek weak hilingiti mene ekhe yogondak fakhogo yagahesik.

1RAJA-RAJA 2:44

Hat hobabut weak logolik an neisenaba hilingfikhi lagagin mene andi re hat mondogat helu welagen. Andiba re Tuhan nenat wene hoba fagain,

RATAPAN 3:20

Andi faget hundik-handik ebeti logolik were'ma nen enek he an nendawinggenma enggin mene kwelaknobagali'logo.

YEHEZKIEL 16:63

An nen hobuk hat weak hilingiti lagen mene andoma sagalogo leget fisagain, oba nen haren enek he honggot asigin lek, yi wene ti wene faget hane u re henggali nek aga logogin. Iluk An Tuhan Lego Mondok welagirek mene a'nogo nen nane mondogat igi,” ikhe.

HOSEA 6:6

Hiren wam, yi mene ti mene An nobaget warogo nolneti lagep andi nabit hangge. Oba nen he, An nebe tukhumhogo hinelu agik, hinendawinggen hundik mondok welagik, ikhi logogun andi nek he, an namolo re andi o,” iluk yagaisasikhe.

MATIUS 23:19

Hineilenggen mondok mum yoma ri! Yi mene ti mene Allah faget fisagarek andi esin anggegeba? I a, athe, yi mene ti mene e talek andiba fisagarek andi nen, Allah mene aro, iluk, agarek andi nen, e andi esin hangge anggegeba.

MATIUS 5:24

waluk lagain mene andi Allah faget fisagarek oba andoma weat fuluk, hobuk hambotkwe sugulogo hagailak a'nogo oba wesimbik, wene sebelogo leget fisaluk he, Allah faget fugunogo o.

MATIUS 8:4

Fano agaikhemo at Yesus nen he, mel yagatikhe: ”Haren he, Yesus nen yi'nogo higitnafe, iluk, afuni ekhe mondok yagaisagun o. We, ap Allah eisewerek mene nen eilenggen heowagen oba lambik yi'nogo hilingi'no. At Musa nen ikhi logolik he, Afuni inoba fano a'luk, Allah faget yi'nogo feino, iluk isikhe higithogoat fisugunem futhobagauwagen he, ekhe fisa lano o,” iluk yagatikhe.

MARKUS 11:25

Hit ekhe menla'luk samban ikhi logolik he, weak hilingitep mene nineisena Allah pogoroba mene nen sebelogo legetfisoageluk, afuni nen hit weagethinafa mene hiren wene inoba fuluk welagep halok he, andi sebelogo herakfisano.

LUKAS 19:8

at Zakheus a'nogo menlagaikhesik he, Yesus oba mel yagatikhe: ”Noe! An nangge yi mene ti mene mondogat tulem heirogo minggilogo re, it afuni inenggi lek mene andi sumburisagain. Nen, an nen afuni nera nen lalinafi mene halok he, onggo nenggi 4 oba nen hobuk oba loukhogoat wogisagain o,” iluk yagatikhe.

1 SAMUEL 15:22

A'nogo yagatikhe meneat he, at Samuel en he, ”At nineisena Tuhan amolore, At ane hologo hilingisugun andi esin a? Athe, wam warogo nolesugun andi esin a. At nineisena Tuhan ane hologo hilingisugun andi esin mondok meneat he, at wam warogo nolesugun andi re elo'lek hangge o. Wam asei andi re elo'lek hak oba nen he, yi'nogo hilingi'no iluk ikherek mene andi hologo hilingitu mene nek he mondok fano o.