MATIUS 5:17 - Allah Wene Fano Wene Hupla Inane

¹⁷ A'nogo yagaisasikhesik he, ekhe mel yagaisasikhe, ”An wagi andi re, Allah ane komotninafikhe wene a'nogo inom, it ap Allah ane yagaisikhi lagaukwa mene inane andi inom sebeligeluk wagi lego. We, eberogoat hilinglasuageluk esinet feigeluk wagi o.

MATIUS 5:17 ပူးပေါင်းရင်းမြစ်များ

YESAYA 42:21

Tuhan nen he telinabigin iluk agaiyek werek, wene Aren komotninafikhe wene andi, esinetfigik, agaugwetfigik, ikhi logoilep anggikherek.

MATIUS 3:15

Yagatikhemo re, at Yesus nen he, ”An pelaknabigin aro. At Allah nenat yi mene ti mene faget a'nogo hilingisuageluk anggikherek higithogoat hilingnabigin o,” iluk isikhemo re, ”I o,” iluk

MATIUS 7:12

Hit hinendawimo nen, it ekhe nen yi'nogo fano hilingninabilebe, iluk anggikhi lagep andi hagat, hiren it andi a'nogoat hilinginafi logoino o. Wene Allah nen Musa ayonggo fesikhesik komotninafikhe wene andi inom, it Allah nen inayonggo fugunem ane yagaisikhi lagaukwa wene andi inom, lambukhogo esin he, andi aro,” iluk yagaisasikhe.

LUKAS 16:17

A'nogo kwi weri'lagwi mene re, pogot inom, kweang inom, legasigin meneat he, wene Allah nen komotninafikhe mene andi wurep endebat ekhe legasigin mondok lego.”

YOHANES 8:5

At Musa nen wene Allah nen komotninafikhe wene a'nogoba lisu palhi logolik, it hemi nen, at yi hilingite yi hak hilingitu halok, helep oba inebe mondok inoati logogun o, iluk yaganisasikhemo wene palek werek andi re, haren ninggi'nogo yaganisagain,” iluk yagatukwa.

KISAH PARA RASUL 18:13

Ebe waluk lagaukwasik, wene oba fikhi logolik he, mel isukwa: ”Ap yi nen he, wene Allah nen komotninafikhe wene a'nogo herakfisaluk, Allah ebe nek fogerati logolik he, hunogoat hilingiti logouwageluk inendawimo kagali'logo mene waluk wago o,” iluk yagaisasukwa.

KISAH PARA RASUL 21:28

Fakfesukwasik he, ”Ap Israel mene a! Nit werekwe a'ni a! Ap yi nen afuni o yi awi ti awi yagaisilik nikhi logolik he, nit afuni Israel mene nen hilingitorek mene andi weak iluk, alek mene yagaisigik, wene Allah nen komotninafikhe wene a'nogo weak iluk, alek mene yagaisigik, o Allah awi wurik yi abok weak igik, ilik nikho mene a'nogo ebe yi ara! Yogondak ap Yunani mene woginarek Allah awi wuri'mo kwi wagasik, o Allah onggwarek awi wurik weaget fikhe a'nogo yi a!” iluk inane hokhorogo pak silakhogo wenagetukwa.

KISAH PARA RASUL 6:13

Waluk lagaukwasik he, ap ekhe nen ineranen wene Stefanus oba fouwageluk menfisasukwa. Menfisasukwama, iren ikhi logolik he, ”Ap yi nen Allah onggwarek awi wurik yi abok weak palhik, wene Allah nen komotninafikhe wene a'nogo abok weak palhik, kamo igi'lek ugu mondok welagarego.

ROMA 10:4

At Kristus ebe kweangma pi wagaikhe andiba, wene Allah nen komotninafikhe wene a'nogo ebe agaikhe. Afuni inendawinggen at Kristus oba himbiret fagarek mene halok inebe lombok, wene inoba mene korogo wokhasikhesik, hobuk inambotkwe Allah inom hunogo fisikherek.

ROMA 3:31

Halok he, ninendawinggen at Yesus oba eberogoat himbiret fikhi logolik, wene Allah nen komotninafikhe wene a'nogo sebelhi lago he a? Lego. At ane andiat legeisogo fikhi lago.

ROMA 8:4

Attak he, nit higithogo hilingiti logouwageluk, wene Allah nen komotninafikhe meneat he, weak hilingiti lagagu andi. Weak hilingiti lagagusi'mo re, hobuk nit afuni inobabut wanhi'lek logolik Allah Areagun obabut waganogo higithogo hilingiti lago mene halok, aren isikhe hak hilingiti logouwageluk, weak hilingitarek andi arat sebelfisasikhe andi.