MATIUS 5:11 - Allah Wene Fano Wene Hupla Inane

^11-12 Hit oan werek kwelek, attagat it ap Allah ane yagaisikhi lagaukwa mene weagerinafi lagaukwa hagat, hit an nebe faget, it afuni ekhe nen wenakhisigik, weagethinafik, ineranenat hinabok ikhi logolik, yi weak ti weak hinoba figik, ugu halok he, hinendawimo hinagaiyek hikhi logoino o. Hobuk nineisena pogoroba mene nen onggo hokho mene wo'nisagain iluk, hinendawimo fano agik, hinagaiyek higik, hokhorogo ikhi logoin o,” iluk yagaisasikhe.

MATIUS 5:11 ပူးပေါင်းရင်းမြစ်များ

MAZMUR 35:11

Ineranhogo weneba fagetarek mene re menla'luk an eil nabi'lagwi, an wene ebe nonggot kwelek oba nen he, noba fu'mo hikhibet niili'lagwi.

MAZMUR 44:22

At Allah re, nit ninendawimo nen hinagaisogo ebeti lago mene ogore mondogat weinam enek nisili'lagoma re, At Allah nen fut ninobagau hagaro.

YESAYA 25:8

Tuhan Omame Mondok Hokho mene a'nogo nen he wa'lagaikharek mene a'nogo mondok-mondogat lek hilingisogo fagain! Aren he afuni inelokhe lombok it ineil amusu mondogat terinabigin. Nen, At againafuri o kweangma yoma nen sebelogo fisugunem welagaikharek mene omanogo inoba nen waganogo lakfisagain. Tuhan nen hilingisigin iluk ane mondogat ikhe mene andi re eberogo nenat hilingisigin.

YESAYA 51:7

Yago, hit An nunggulenu mene oma re, An nane ikhi lagi mene andi holini o, hit he eberogo mene re ninggi'nogo iluk he hinelu welagebo. An nen wene yagahisikhi lagi mene re hit hinendawimo fisogo welagebaro. Afuni nen puliat hinafu halok he hinailosu fugo, iren li'not hinafu halok he hinoba sinurogo logou fuk.

YESAYA 66:5

Yago, hit At awene melalek faget inailorogo welagik, ane hologo hilingitik, hilingitu welagep mene yoma sani, Tuhan ane ikhe mene hologo hilingiti logoni o. Hit hinendawinggen An noba himbirik logolik tiphogo hilingiti lagep oba, hit hinunggulenu mene inanggele'ma nen inabithinafi logolik, hinom seberogo hilingitu aple ogore mondok inabit weregat. Iren hit hinoba li'not hinafi logolik yi'nogo ili'lagwi, ”Hit hinagaiyegen hilingitu mene andoma nit nineil hogoin nen he, Tuhan Omame Mondok hokho werek mene a'nogo inukhoago,” iluk ili'lagwi. Oba nen he it inonggwaregat inenggali asugun o.

YEREMIA 37:14

A'nogo ikhemo an nen onggo yagati logolik, ”Heranhogo ikhi lagen! An he ap selei mene inebikhit asi lageluk waga lagi lego,” iluk yagati. Oba nen at Yeria nen holhi laga mondok lek. Aren he an nebe fa'nobagaikhesik he ap pemerintah yabu legoma hilingitarek mene inoba wo'narek laga.

MATIUS 10:18

A'nogo hilinghinabugun andi ero an nebe fagerat, ap inenupogot mene inom, kaindek mene inom, inoba wokhinarek lagunem, hiren it ap andi ineilhanem an hilingitunem hineilenggen niikhi lagep mene a'nogo fakhogo it yagaisigik, afuni endakwe mene yagaisigik, yagaisoageluk fano asuak hinanema wanugun a'naga o.

MATIUS 10:22

Nen, afuni mondogaren an nenu iluk, hit he, at agoromi iluk inabiret hinobagakhi logogun o. Meneat he, sa nen afe morogo logogin halok he, o wurep oba Allah nen teligin o.

MATIUS 10:25

Mene re, it yenggerugwi andi ineisena guru andi inom higit hilinglagik, nen, it inamingmingengge mene andi ineisenalak inom higit hilinglagik umo re, higiraro. It afuni inoe o eisewerek mene andi weak iluk enu Beelzebul ugu halok, it at agoromi inom misi'mo mene andi, a'nogoat inenu weak hokhoat ikhi logogun o,” iluk yagaisasikhe.

MATIUS 10:39

Sa nen onggwarek ebe elele helagain halok he, ebe wa'lasimbik nong asigin o. Meneat he, sa nen an faget wa'lasigin halok he, ebe elele helagain o,” iluk yagaisasikhe.

MATIUS 19:29

Halok he, an nenu hokho asuageluk sa nen awi wurik inom, oe agot inom, erugwi inom, eisena agaisa inom, againafuri inom, eabu siok inom, herakfisaluk waga halok he, obali'mo Allah nen onggo ebe mene mondok hokhorogo wogetik, nabulal-habulal wogetik, igin o.

MATIUS 24:9

Andi sambul he, afuni inunggulenu lombogen, an nenu iluk, ”Hit he, at agoromi,” iluk hinebe inabit mondok hilinghinabimbik he, hinebe fakhinobagaluk, it ekhe nen yei hinoatik, hinebe pinggi hinoatik, uageluk inoba wokhinarek laga logogun o.

MATIUS 27:39

A'nogo menfisasukwama were'ma, it afuni kwe andi kwe lagik, wagik, ikhi logolik Yesus mel yagati lagaukwa:

MARKUS 13:13

Nen, afuni mondogaren an nenu imbik, hit he at agoromi iluk hinebe inabit mondok hilinghinobagagun o. Meneat he, sa nen afe morogo logogin halok he, o wurep oba Allah nen ebe teligin o,” iluk yagaisasikhe.

MARKUS 13:9

A'nogo hikhi logolik, hit he, hinobabut hebelogo logoino. Afuni ekhe nen he hinenggi hele warogo ap kaindegen hinanema wanuageluk wokhinarek lagik, o afuni Yahudi mene samban agarek oba nen yei hinoatik, ugun o. A'nogo imbik he, it yi Yesus agoromi iluk, it ap pemerintah mene kaindek inom, inenupogot inom, wene hinoba fouwageluk inelokhoma menhinobagaumo, andi sambul fanoasuak he an hilingitunem hineilenggen niikhi lagep mene fakhogo yagaisogoin o.

MARKUS 4:17

A'nogo weak-weagat wanharek meneat he, wene andi inendawinggenma omanggen yati'legen endebat were'ma nen, afuni ekhe nen Allah ane andi faget, yi enggin ti enggin inoba figik, weagerinafik, ugunem he, inendawimo fageat pugagaikharesik he, wene andi herakfisaluk wulifarek andi aro.

MARKUS 8:35

Sa nen, ”An nebe neluk logogin namolo,” iluk ebe elele helagain halok he, wa'lasimbik nong akhagain o. Meneat he, sa nen, an nebe faget inom, fano wene yi faget inom, wa'lasigin halok he, ebe telagain o.

LUKAS 21:12

Mene re, andi mondogat oan hilinglagi'lek werek kwelek he, attak he, afuni nen hinebe fakhinobagambik yi enggin ti enggin hilinghinafik, o samban agarek oba wokhinarek lagik, hele warogo fisagarek oba kwelakhinobagagik ap inenupogot inom, ap kain gubernur lak inom inoba wokhinarek lagik, ugun andi re, iren he an nenu ikhi logolik, hit at agoromi, iluk a'nogo hilinghinabugun o.

LUKAS 21:17

Nen, it afuni mondogaren he, an nenu uluk, hit he, at agoromi, iluk hinebe inabit mondok asugun. Meneat he,

LUKAS 6:22

Nen, it ap yoma inambu-inombalagen, it ap attak Allah ane yagaisikhi lagaukwa mene hilinginafi lagaukwa hagat, hit yogondak an abat ta'lasi wagagi a'nogo nane wanhep andi nen inapsiri wathinobagakhi logolik, hit enek fologo hinobagagik, inane puk weak wenakhisigik, ap yi weak, iluk hinenu ikhi logolik hinabok weak palhik, a'nogo hilinghinafu halok, onggo wokhisagain mene pogoroba hokhorogo werek andi nen he, hinendawimo hinagaiyek hikhi logolik hu'lenggen wuni wati logoino.

LUKAS 9:24

Nen, sa nen, an nebe neluk logogin namolo, iluk, ebe elele helagain halok he, wa'lasimbik nong asigin o. Meneat he, an faget wa'lasigin halok he, ebe telagain o.

YOHANES 15:21

A'nogo meneat he, iren, at an laknobagai wagaikhe mene a'nogo ebe inonggot andi nen he, it yi at agoromi, iluk, wene yagahisigi andi mondogat hilinghinabugun o.

YOHANES 9:28

iren inane asegen wokhikhi logolik he, mel isukwa, ”Hat at agot agendik ikhi lagen higi. Nit he, ap Musa agoromi welago o.

KISAH PARA RASUL 9:16

A'nogo ayonggo figiri'mo re, aren nenu a'nogo yagaisilik nugunem, at yi enggin ti enggin hikhi logogin obaat hikhi logogin mene, an nen yagasigin werego,” iluk yagatikhe.

ROMA 8:36

Wene andi higithogo Allah aneba lisu palhi logolik, mel isukwa: ”Hat fagerat he, afuni nen linggene hundik, hubanggo hundik, ninoasuogeluk hilingninafu mondogat werego. Afuni nen domba wam wasuogeluk abok palharek andi hak, ninabok palhuat werego.” iluk lisu palogo fesukwama werek.

1 KORINTUS 4:10

Nit he, Kristus faget ninebe kembu werek kwelek he, hit enek he, Kristus hinom hundik logolik hinendawimo kagalek welagep higi. Nit sebelek werek kwelek, hit enek he, hinomame werek welagep higi. Nit inendawimo sebelninobagagu kwelek he, hit enek he, fogethinabi'lagwi higi.

2 KORINTUS 4:11

At Yesus wa'lagaikhesik eluk agaikhemo nit ninebe wa'lagorek mene yi ninendawimo eluk welagarek andi enegat asuageluk, nit yogondak nineluk werek kwelek, at Yesus faget hundik-handik ninoasuogeluk ugunem telninaferek andi.

FILIPI 1:29

At Allah obabut fano nen, hit hinendawinggen Kristus oba himbiret fouwageluk enek hinayonggo fesikhe fuk. Lego. At faget yi enggin ti enggin hikhi logouwageluk hinayonggo fesikhe aro.

1 PETRUS 2:23

Afuni nen inane asegen weak wokhugu kwelegat, aren onggo ane asegen wogisigi'legat. Iren yi enggin ti enggin hilingitu kwelegat, aren, ”An hobuk onggo ekhe hinoasigin,” iluk yagaisikhi lagaikhe legat. Athe, ”We, Allah nen wene inoba figik, kotik, higithogo igin sambul werego,” iluk, at enggiba fuluk, ane onggo igi'lek kamo ikhi lagaikhe.

1 PETRUS 4:14

Afuni ekhe nen at Kristus faget wenakhisugu halok he, hinendawimo nen he, ”Allah Areagun fogeratarek mene a'nogo ninoba louk ikhemo welago,” iluk hinendawimo hinagaiyek anggikhi logoino o.

WAHYU 2:3

Nen, afuni nen an faget yi enggin ti enggin hilinghinafu kwelegat, hiren he, At ninabit, iluk, heraknobagagi'lek hinafe morogo welagep andi.