MATIUS 5:10 - Allah Wene Fano Wene Hupla Inane

¹⁰ Nen, afuni nen Allah endawimo anggikherek mene esinet fagarek mene faget he, it ekhe nen weagerinafu kwelek logogun mene andi, Allah awe a'ma fisikherek oba andoma eisewerek irat agaikhasik werek andi nen he, inendawimo inagaiyek hikhi logouwak.

MATIUS 5:10 ပူးပေါင်းရင်းမြစ်များ

MAZMUR 37:12

Afuni inobabut weak hilingitarek mene andi nen, wene weak mene afuni fano hilingitarek mene inoba fuluk, ineilenggen inabit oba kumurisagarek.

YESAYA 66:5

Yago, hit At awene melalek faget inailorogo welagik, ane hologo hilingitik, hilingitu welagep mene yoma sani, Tuhan ane ikhe mene hologo hilingiti logoni o. Hit hinendawinggen An noba himbirik logolik tiphogo hilingiti lagep oba, hit hinunggulenu mene inanggele'ma nen inabithinafi logolik, hinom seberogo hilingitu aple ogore mondok inabit weregat. Iren hit hinoba li'not hinafi logolik yi'nogo ili'lagwi, ”Hit hinagaiyegen hilingitu mene andoma nit nineil hogoin nen he, Tuhan Omame Mondok hokho werek mene a'nogo inukhoago,” iluk ili'lagwi. Oba nen he it inonggwaregat inenggali asugun o.

MATIUS 10:23

O sili ekhe nen weaget hinabuogeluk ugu halok he, heise o sili ekhe lano. It afuni Israel mene inawi sili fena oan wene yagaisigi'lek werek kwelegat he, an abat ta'lasi wagagi a'nogo hobuk wesigin o, iluk, nane eberogoat yagahisigi.

MATIUS 19:14

Wenagisasukwa meneat he, at Yesus nen, ”Afuni yenggerugwi yi hangge hilinglasugun halok, Allah nen awe a'ma fisikhere'ma andoma eisewerek asugun andi nen he, it yenggerugwi magendek mene andoma an noba wesuagen wene palhu lego,” iluk yagaisasikhe.

MATIUS 25:34

A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,

MATIUS 5:3

”Afuni inendawimo nen, An he, Allah eilhanem elo'lek welagi, we Allah oba nek tibet fuluk logogin iluk anggagarek mene andi, Allah awe a'ma fisikherek oba andoma eisewerek irat agaikhasik werek andi nen he, inendawimo inagaiyek hikhi logouwak.

MARKUS 10:14

A'nogo wenagisugunem, at Yesus eilenggen isasikhesik a'mage lagasikhesik he, mel yagaisasikhe: ”Afuni inobabut it yenggerugwi ari inobabut andi hangge hilinglasugun halok he, Allah nen awe a'ma fisikhere'ma andoma eisewerek asugun andi nen he, yenggerugwi magendek andoma an noba wesuago. Wene palu fugo.

MARKUS 10:30

andi ebe lombok obali'mo re, yogondak ya awi wurik inom, agaila'lak inom, erugwi inom, agaisa inom, againafuri inom, eabu siok inom, hokhorogoat 100 hangge wogetu kwelek he, afuni nen weagetfikhi logogun aro. Weagethinafu were'ma, hobuk o wurep oba hilinglasigin andi hilinglaga halok he, nabulal-habulal wogosigin aro.

LUKAS 21:12

Mene re, andi mondogat oan hilinglagi'lek werek kwelek he, attak he, afuni nen hinebe fakhinobagambik yi enggin ti enggin hilinghinafik, o samban agarek oba wokhinarek lagik, hele warogo fisagarek oba kwelakhinobagagik ap inenupogot inom, ap kain gubernur lak inom inoba wokhinarek lagik, ugun andi re, iren he an nenu ikhi logolik, hit at agoromi, iluk a'nogo hilinghinabugun o.

LUKAS 22:29

An Neisena nen afuni an nawe a'ma ferinarek logouwageluk mennobagasikhe andi hak he, hit ogo re afuni an nawe a'ma fisagain oba andoma sumburu ninggik, i ninggik, ikhi logolik he, hinobuluk talek oba kainat logolik, afuni Israel mene inunggulenu 12 nen omanogo wene inoba figik, kotik, ubagaigen, iluk, hirat menhinobagagi o,” iluk yagaisasikhe.

LUKAS 6:20

A'nogo hilingitunem, at Yesus nen agoromi ane wanhi lagaukwa mene omanogo eilenggen inoba fesikhesik he, mel yagaisasikhe: ”Hit hinelagaik mene halok, Allah awe a'ma hinobagagin andi nen he, hinendawimo hinagaiyek hikhi logoino o.

LUKAS 6:22

Nen, it ap yoma inambu-inombalagen, it ap attak Allah ane yagaisikhi lagaukwa mene hilinginafi lagaukwa hagat, hit yogondak an abat ta'lasi wagagi a'nogo nane wanhep andi nen inapsiri wathinobagakhi logolik, hit enek fologo hinobagagik, inane puk weak wenakhisigik, ap yi weak, iluk hinenu ikhi logolik hinabok weak palhik, a'nogo hilinghinafu halok, onggo wokhisagain mene pogoroba hokhorogo werek andi nen he, hinendawimo hinagaiyek hikhi logolik hu'lenggen wuni wati logoino.

YOHANES 15:20

Nen, ap kain ekhe inawe a'ma hak werek kwelek, at amingmingengge mene esin hak welagarek lego, iluk yagahisasigi a'nogo hinendawimo ebe'ni o. Iren an weagetnafa halok he, hit a'nogoat weaget hinabugun aro. Nen iren an nane hologo hilingita halok he, hit hinane hologo hilingisugun aro.

KISAH PARA RASUL 5:40

Inendawinggen sebelhikhemo, it ap Yesus nen inayonggo fuluk lakfisasikhe mene omanogo wolisasukwama kwisukwama re, yei inoatukwasigen, ”Yesus andi enu hombuk palogo, wene hobuk a'nogo yagaisikhi logogubo,” iluk komorogo wulakfisasukwa.

KISAH PARA RASUL 8:1

At Stefanus ebe mondogat watukwa andi, at Saulus endawimo nen fano anggasikhe. At Stefanus ebe watukwa andi sambul he, it Allah againafuri o Yerusalem andogoti lagaukwa mene inebe yi enggin ti enggin weakhogo hilinginafu kwelek he, it ap Yesus nen inebe wenagaisogo inayonggo fuluk lakfisasikhe mene omanogo nek, o Yerusalem werek kwelek he, Allah againafuri ekhe inebe hokhorogo mondogat pugulogo re, o propinsi Yudea Samaria yi awi ti awi andoma mugusogo wulakfisasukwa.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

FILIPI 1:28

It ekhe nen he: ”Wene andi ninabit,” iluk, ugu kwelegat he, hit enek he, hinailo agi'lek ninghogo mondok fisogo logoino o. A'nogo fisogo logogun andiba, it andi nongasugun iluk enegat hilinglagik, hit telhinabigin iluk enegat hilinglagik, Allah nenat hilingisigin werego.

2 TIMOTIUS 2:12

Nit ninafe morogo logogun halok, afuni At awe a'ma kuluk logogun mene andi, nit ninomenat ferinarek logogun o. Niren he, ”Yesus ninoe lego,” iluk, At ebe mondok herakfisogo halok, Aren he, ”It an nagoromi legaro,” iluk, herakninobagagin aro.

2 TIMOTIUS 3:11

Afuni nen yi enggin ti enggin hilingnafunem, noba enggin weak higirek a'nogo helu aro. Afuni o Antiokhia nen, Ikonium en, Listra nen, weagetnafu kwelegat were'ma, ninoe Enupogoren enggi ekhe kamo igi'lek telnafi lagaikhe andi.

YAKOBUS 1:12

Hit ekhe Iblis nen hinendawimo kagaligeluk yi enggin ti enggin hinoba fugu kwelek, hinafe morogo logogun halok, hinendawimo hinagaiyekhogo logoguno. A'nogo hinafe morogo logogun halok, Allah nen he, ”An nebe hinendawi mene halok hineluk mondok logogun mene wokhisagain o,” iluk, abok yaganisasikhe a'nogo hit hinobabut palogo nenat wokhisagain o.

YAKOBUS 5:11

Weagerinafu kwelek, inafe morogo welagaukwa andi nen, niren inabok fano ikhi logolik, ”It fano agaikhasik inendawimo inagaiyek anggili'lagwi,” iluk ogorek andi. At Ayub endawinggen abolok igi'lek afe morogo welagaikheba, nineisena Enupogot obabut fano logolik hokhorogo endawirinaferek mene a'nogo nen wurep oba fanot fesikhe andi abok hinesanggo holhi lagebaro.

1 YOHANES 3:12

Niren he, at Kain ebe Iblis obabut weak mene andi amlogo agaikhesik onggwarek agot watikhe andi hak hilingisugun lego. Aren agot watikhe andi nenahalok watikhe nogo. At hilingiti lagaikhe mene weak mondok, nen, agot hilingiti lagaikhe mene fano mondok, andi nenat watikhe o.

WAHYU 2:10

At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.