MATIUS 4:9 - Allah Wene Fano Wene Hupla Inane

⁹ ”Yesus. Hat heindep awi yagaisogo nawe a'ma kwi wesimbik fogetnabigin halok, heilenggen yethegen mene aroma mondogat felelenghogo hat wokhesigin o,” iluk yagatikhemo re,

MATIUS 4:9 ပူးပေါင်းရင်းမြစ်များ

MAZMUR 72:11

A'nogo were'ma it raja-raja hokhorogo nen he at a'ma sebe iluk fogerati logogun, nen yi afuni ti afuni mondogat he at amimingengge asugun.

AMSAL 8:15

An nen he, afuni inogogwi inenupogot logolik, ferinarek logouwagaluk leberisigik, it ap kaindek inomame werek mene wene tegeti logouwageluk leberisigik, igirek.

DANIEL 4:32

Andi nen he, hat hebe afuni inoba nen mugusogo lakhobagaumo, yi wam ti wam hinom o leimo andoma logogun. Andoma 7 tahun logolik, engga wam sapi nen ninggerek hak ninggi logogin. A'nogo 7 tahun arat logombik haren he, Ap inebe raja logolik afuni ferinarek welagaikharek andi re, At Allah Enupogot enggiba welagarek higi. A'nogo enggiba logolik, Aren, At andi hak ebe raja logouwak, iluk anggikherek higithogoat inebe raja logouwagaluk menfisikhere'ma, higi o, iluk hambeba nen fakhogo igin o,” iluk yaganete.

MATIUS 26:15

”An nen Yesus andi wokhisigi halok he, hiren onggo nena mene wo'nesugun anggegep,” iluk yagaisasikhemo, it ap omanogo nen he, ”Onggo uang perak mene 30 nen wokhesugun o,” iluk yagatukwasik he, wogetukwa.

MATIUS 4:10

at Yesus nen he, ”Hat Iblis yi lan o. Allah nen ikhi logolik he: Hiren he, hineisena Allah Nenupogot Anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, isikhemo lisu palogo fesukwama werego,” iluk yagatikhe.

YOHANES 12:31

Yogondak Allah nen, afuni kweangma mene wene inoba figik, kotik, ikhi logolik, ap enupogot kweangma mene a'nogo mugusogo wulakfisigik, igin oba arat horogasi waga o.

YOHANES 13:3

A'nogo endawimo kagalhikhemo, at Yesus endawimo nen he, ”Neisena nen yi mene ti mene mondogat an nenggiba fikhemo werek anggigi. Nen, an nebe Allah were'ma nen pi wagagisik, hombuk nambotkwe at oba lagagin anggigi,” iluk elu welagaikheat.

YOHANES 14:30

Afuni kweangma mene inoe kain a'nogo ebe weri'logo andi nen he, an wene hokhorogat yagahisagain lego. At andi wesigin meneat he, an at enggiba welagi lego.

YOHANES 16:11

Nen, ekhe re, Allah nen afuni kweangma mene inoe kain a'nogo wene oba fikhesik mabenet fikhemo werek andi nen, at lebethisikhi logogin mene andi wesimbik he, Allah nen wene inoba figik, kotik, ikherek mene andi faget fakhogo yagahisa wesigin aro.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

1 TIMOTIUS 3:6

Ap ekhe Allah ane oan kerat wanhe mene menfugunem, Allah againafuri kwelaginarek logolik, onggwaregen fogerakhamo re, Allah nen Iblis unggum wogetikhe hak, a'nogoat wene oba fagain andi nen he, Allah againafuri kwelaginarek logouwageluk menfogoin lego.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.

WAHYU 19:16

Nen, at enu salek ekhe yi'nogo: ”Ap kaindek inenupogot mondogat inom, inogogwi kaindek mondogat inom, inoe kain Nenupogot he, an aro,” iluk asu uan mene a'nogoba inom, agoba inom, lisu palek were'ma higi o.