MATIUS 4:4 - Allah Wene Fano Wene Hupla Inane

⁴ at Yesus nen he, ”Allah nen ikhi logolik he: Afuni sumburu nek ninggi logolik ineluk mondok welagaikharek lego. An nane igirek mene andi mondogat wanhu halok, ineluk mondok logogun o, iluk isikhemo lisu palogo fesukwama werego,” iluk yagatikhe.

MATIUS 4:4 ပူးပေါင်းရင်းမြစ်များ

KELUARAN 16:15

A'nogo hilinglagaikhesik were'ma, afuni Israel mene ineilenggen yethasukwasik he, nena mene he inobakhe palagaikhe. Inobakhe a'nogo palagaikhesik, ekhe nen ekhe yagaisikhi logolik mel isukwa: ”Aroma nena mene anggikhi lagep,” iluk heinok wok-wok agaukwa. Heinok wanhukwama, at Musa nen he, mel yagaisasikhe: ”Aroma re, nineisena Tuhan nen hit noageluk wokhisikhe mene o.

KELUARAN 16:35

Sumburu Manna mene andi it afuni Israel mene inamburu agaikhemo, 40 tahun ninggi lagaukwasik, huli o Kanaan inebe logogun oba kwi wagaukwa huli ninggi lagaukwa.

KELUARAN 16:8

Hit hina'mage lagaluk ninoba wene fikhi lagep andi, eberogoat he, nineisena Tuhan oba wene fikhi lagebo. Wene ikhi lagep mene andi re, nineisena Tuhan esanggo arat holhe andi nen he, aren hit nogoin mene faget hu'mokwe re, sue wokhisigik, ohealekwe re, sumburu roti hangge mene wokhisigik, ugunem hinalabut ninghogo ninggi logogun o, iluk eberogoat yagahisogo,” iluk yagaisasukwa.

KELUARAN 23:15

Tugi Abib andi oba re, huli warek werek higithogo hiren Roti Fiterek Lek mene, Linggene Esin mene An nen hilingiti logouwageluk melalhinobagasigi higithogo seni isati logogun andi, ero re tugi andiba hit o Mesir herakfuluk wulibi wagagip andiba re a'nogo hilingiti logogun. Hiren hinenggi sabiren andem oba An napne wanhi logolik roti fiterek meneba weragongge ninggi lagou fuk. Nen hiren An were'ma andogosi waga logolik he, hundik-handik andoma An nobaget fugu meneet waluk waga logoino.

MATIUS 15:11

”Wene igin yi hit futfobagaigen he, hinesanggo fanorogo holini o. Yi mene ti mene inambe nenggarek mene andi nen inebe weagerinaferek lego. Mene re, inambeba nen wene agarek andibaat weagerinaferego,” iluk yagaisasikhe.

MATIUS 4:10

at Yesus nen he, ”Hat Iblis yi lan o. Allah nen ikhi logolik he: Hiren he, hineisena Allah Nenupogot Anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, isikhemo lisu palogo fesukwama werego,” iluk yagatikhe.

MATIUS 4:7

Yagatikhemo, at Yesus nen he, ”Allah nen ikhi logolik, Hiren he, an hineisena Allah Nenupogot nanini werega? Lega, iluk nobabut palugun mondok lego, iluk isikhemo lisu palogo fesukwama weregaro,” iluk yagatikhe.

MARKUS 7:20

Wene a'nogo yagaisikhi logolik, ekhe mel yagaisasikhe: ”Wene inendawimo nen kagalogo lagai wagunem wulafarek andi nenat inebe weagerinaferego. A'nogo inendawimo nen weak mene ebeti logolik hilingitarek he, yi: helimenggerugwi pailak fakfisigik, yogot wanhik, afuni inoatik, ap inagagwi mene pailak fakfisigik, inendawimo nen, afuni ekhe inagarek mene an mene nek logoilep, iluk anggigik, yi weak ti weak ekhe hilingitik, lalinafik, inenggali lek hilingitik, wene palhik, inabok wiik-weakhogo palhik, inonggwaregen fogerakhigik, inendawinggen lek hilingitik, agarek andi.

LUKAS 4:12

at Yesus nen he, mel yagatikhe: ”Allah nen ikhi logolik he, Hiren, an faget, Nineisena Tuhan Allah anini werega? Lega, iluk, nobabut palugun mondok lego, iluk isikhemo lisu palogo fesukwama werek,” iluk yagatikhe.

LUKAS 4:4

at Yesus nen he, mel yagatikhe: ”Allah nen he, Afuni sumburu nek ninggi logolik, ineluk mondok welagaikharek lego, iluk isikhemo lisu palogo fesukwama werego,” iluk yagatikhe.

LUKAS 4:8

at Yesus nen he, mel yagatikhe: ”Allah nen ikhi logolik, Hineisena Tuhan Allah anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, iluk isikhemo lisu palogo fesukwama werego,” iluk, a'nogo yagatikhemo re,

YOHANES 15:26

Hit lebethisikhi logouwageluk Allah Areagun ebe wene yagaisoageluk wagarek mene andi, an neisena were'ma nen hit hinoba lakfei wagunem he, aren an nabok fakhogo yagahisikhi logogin o.

YOHANES 6:63

Allah Areagun nenat afuni inelugerinaferego. Afuni kweangma mene inomameba ekhe hilingisu elo'lego. Menere, wene an nen yagahisikhi lagi andi, Allah Areagun nenat ikherek mene andi nen he, inelugerinaferek wene yagahisikhi lagi andi o.

ROMA 15:4

Allah ane lisu palek andiba re, ninafe morogo welagik, ninendawimo fano agik, ogorek andi nen he: ”Fano asigin,” iluk Allah oba eberek logouwageluk, nirat komorogo Allah aneba fageat lisu palogo fesukwa andi.

EFESUS 6:17

Inunggul oa'ma inoasinogo iluk, inunggul asu haro mene salharek hak, Allah nen telninaferek mene andiat wanimbik salino. A'nogo salimbik he, weim yabuogeluk karok inenggimo waluk lagaikharek hak, Allah ane, Areagun en wo'nisikherek andi mene waluk laga logoino o.

ULANGAN 8:3

A'nogo wokhinarek waga logolik, hit sumburu nele logouwageluk eranenat hilinghinafikhesik, hobuk sumburu manna hit inom, hinombalak inom, ekhe ninggi'lek enduk hinonggot mene noageluk wokhisasikhe andi. Aren a'nogo hilinghinafikhe andi re, mel yagahisageluk: Afuni sumburu nek ninggi logolik, ineluk mondok welagaikharek lego. We, An hineisena Tuhan nane igirek mene andi mondogat wanhu halok, hineluk mondok logogun o, iluk yagahisageluk hilingitikhe andi.