MATIUS 4:24 - Allah Wene Fano Wene Hupla Inane

²⁴ A'nogo higirinabik nugunem, abok o Siria andoma mondok sak isikhemo re, yi ou ti ou, yi hat ti hat inoba werek mene inom, munggwarengge obabut weak mene inendawimo kwisukwasik inebe lugulugwi palharek mene inom, wa'lagik ineluk agik agarek mene inom, inenggi ineisok wut warek mene inom, oba woginarek wagunem fano higirinafi lagaikhe.

MATIUS 4:24 ပူးပေါင်းရင်းမြစ်များ

2 SAMUEL 8:6

A'nogo inoatikhesik at Daud en he agoromi sikhe fisogo mene at a'ma mene faget o sabu it afuni andoma inawi wilayah ba wurogo fisilik lagaikhe. A'nogo wutikhemo re iren at a'ma sebeluk logolik he onggo at oba fei laga lagaukwa. Tuhan nen at Daud ekhema-ekhema weim yabi lagunem he at aselei mene mabenet fisikhi lagaikhe.

1RAJA-RAJA 10:1

Afuni nen he, at Salomo ebe mondok kain enu o yi awi ti awi mondok lili'lago, iluk isukwama, he ratu aiba Syeba mene nen abok holhikhesik, wene onggo u mondok elo'lek mene heinok wokhagaluk oba o Yerusalem wagaikhe.

1RAJA-RAJA 4:31

At he hun Etan ap Ezrahi mene andi inom, Herman inom, Kalkol inom, Darda inom, hun Mahol againafuri andem inomen hebelek welagaukwa mene re sebelek kwelek he at Salomo nek he o kweang alekwe haningisogo welagaukwakwe andoma mondogaren at enunek lego welagaikhe.

1 TAWARIKH 14:17

A'nogo hilingitukwasik he at Daud enu a'nogo yi kwe ti kwe saga ugunem he, At Tuhan nen it afuni inunggulenu amu-amu mene omanogo nen ogo Daud oba inailo anggikhi logouwageluk hilingfisasukwa.

1 TAWARIKH 29:2

O Tuhan Awi andi faget o ebenengge inom, elonggokwe faget inom he an nen hilingisu elok meneba re mondogat foukhogo figimo werek. Fougerati mene andi ebe re: emas, perak, perunggu, besi, helep onggo werek mene enu permata andi mene, elokhe yinik-hunik ebene labetu mene faget inom, nen helep pualam mene mondok hokhorogo tukhogo figimo werek.

KELUARAN 15:26

A'nogo ikhi logolik, mel yagaisasikhe: ”Hiren eberogoat mondok an nane hologo hilingitik, an nen andi fano iluk anggigirek mene andiat hilingitik, an nen, yi'nogo hilingiti logoino, ti'nogo hilingiti logoino, iluk komorogo yagahisigi mene andiat higithogo hilingiti logoino o. A'nogo hilingiti logogun halok he, an nen yi ou ti ou afuni Mesir mene inoba figi a'nogo hangge ekhe hinoba fagain lego. Hit hinebe se asuageluk hinoba fano hilinghinafirek mene hineisena Tuhan nebere Anaro,” iluk yagaisasikhe.

MATIUS 12:22

A'nogo hilingitikhesik oba nen, hobuk ap ekhe munggwarengge obabut weak mene endawimo kwisikhemo nen eilenggen mum agik, ane legagik, isikhe mene Yesus oba waluk wagaukwama re, aren fanorogo higitikhemo eilenggen mum mene fano agik, ane lek mene huak igik, isikhe.

MATIUS 14:1

O andem higit he, at Herodes o Galilea tonggwe kain enupogot welagaikhe mene andi, Yesus nen hilingiti lagaikhe mene abok holhikhesik he,

MATIUS 15:22

Lagai wagunem he, he ekhe o Kanaan andoma awiwerek mene Yesus oba wagaikhesik ane hokhorogo mel yagatikhe: ”Daud en tagongge mene noe. An neak helenggerek mene munggwarengge obabut weak mene endawimo kwikhesik weak werek. Halok he, hendawi nean o,” iluk yagatikhe meneat he,

MATIUS 17:15

”Noe. An namlogo yi hendawirasin o. Eil furuk fikhi logolik, ebe wa'lagik, eluk agik, hilingiti logolik, hundik-handigat endumo kwigik, i lagik, ikhi logolik weak mondok werek andi nen he,

MATIUS 17:18

Yenggerek a'nogo waluk wagaukwama munggwarengge obabut weak mene endawimo were'ma Yesus nen wenagetikhemo henegeisogo wulifikhemo re aremnogoat fano agaikhe.

MATIUS 4:23

Lagaukwama re, at Yesus o Galilea tonggwe olokwe lombok andoma nikhi logolik, afuni Yahudi mene samban agarek oba kwisikhesik he, wene fano wene hobuk nineisena Enupogot awe a'ma ninobagagin wene a'nogo yagaisigik, yi ou ti ou fano higirinafik, ikhi lagaikhe.

MATIUS 8:28

Hobuk, i aik eliba afuni o Gadara mene inaiba wulifukwa hak he, it ap inebe pire mene inendawimo munggwarengge inobabut weak mene kwisikhemo welagaukwa mene, afuni warek fisagarek oba andoma nen Yesus oba wagaukwa. It ap andi inobabut mondok weagen afuni it inailo nen andi kwe mondok laga lagaukwa lek meneat he, Yesus wagaikhemo re, oba wulibi wagaukwasik he,

MATIUS 8:33

A'nogo lagaukwama re, it afuni wam kwalogo welagaukwa mene omanogo inailo agaukwasik, ”Yi'nogo hilinglaga o,” iluk yonggo o sili hokhoma fungusek lagaukwasik he, it ap inebe pire aremnogo inabok inomat pilingisogo yagaisasukwa.

MATIUS 8:6

”Noe! An namingmingengge ekhe enggi eisok wut warek mene oloba wengik mondok logolik he, heinet hokhorogo wari'logo,” iluk yagatikhemo,

MATIUS 9:26

A'nogo hilingitikhemo re, ”Yesus nen eluget fikhe o,” iluk, o tonggwe andoma abok mondok wialik lagaukwa.

MATIUS 9:35

At Yesus o sili hokho kwe endep kwe, ya kwigik ta kwigik, nikhi logolik, o samban agarekwe kwilik laga logolik fano wene nineisena Allah nen awe a'ma inobagagin wene a'nogo yagaisigik, yi ou ti ou inoba werek mene inom, inomame lek maben mene inom, fano higirinafik ilik nikhi lagaikhe.

MARKUS 1:28

A'nogo fogeratukwama re, at Yesus abok waluk o Galilea tonggwe yi awi ti awi weak-weagat wialik lagaukwa.

MARKUS 1:32

A'nogo leberisugu were'ma, hu'mokwe mo ubukhogo lagaikhesi'mo nen, it afuni nen he, it ekhe ou wanhi lagaukwa mene inom, munggwarengge inobabut weak mene inendawimo kwisukwasik welagaukwa mene inom, woginarek Yesus oba wagaukwa.

MARKUS 2:3

Yagaisugunem he, ap ekhe enggi eisok wut warek mondok welagaikhe mene ap inebe 4 en, e yerogo waluk Yesus oba wagaukwa.

MARKUS 2:4

Waluk wagaukwasik he, Yesus oba waluk kuogeluk isukwa mene re, afuni peteregen, ninggi'nogo ku heat hilinglagaikhemo o tum oba lagasukwasik, Yesus ebe welagaikhe higithogoat tum talogo nen, ap enggi eisok wut warek mene a'nogo alit nogo ikhi lagaikhe meneba earogo pelakfesukwa.

MARKUS 2:9

An nen ap enggi eisok wut warek mene yi, wene yagasigin he, se hak he ki anggegep. Hat weak hilingiti lagen mene andi arat sebelogo legetfisigi, iluk yagati andi se hangge mene yagati anggegeba? I a, athe, ”Hebe menlasimbik he, halit talogo nogo ikhi lagen mene yi helaluk lan o, iluk yagasigin andi se hak anggegeba. Lego. Hebe menla'luk lan,” iluk yagasumo enggin aro.

LUKAS 2:2

Inenu attagat lisu palhukwa andi, ap enu Kirenius andi, o Propinsi Siria andoma kain gubernur werek kwelek palhukwa.

LUKAS 4:14

At Iblis a'nogo arat lagaikhemo nen he, at Yesus Allah Areagun omamerogo endawimo werek kwelek, ambotkwe o Galilea tonggwe lagai wagaikhe. Lagai wagaikhemo re, at abok o andoma mondok sak-pak isikhe.

LUKAS 4:38

Abok a'nogo waluk wulifukwama, at Yesus o samban agarek oba a'nogo hebisaluk he, ap Simon aiba lagaikhe. Lagaikhemo, at Simon andi eamalhe ou oba aganhan hokhorogo weregen Yesus nen higisuageluk he, ayonggo fesukwama,

LUKAS 5:15

Komorogo lakfesikhe meneat he, ap a'nogo lagaikhesik he, Yesus nen hilingitikhe mene omanogo mondok piling-palanghogo yagaisasikhemo re, afuni hokhorogo at ane holhukwasik he, it yi ou ti ou inoba werek mene higirinabuageluk he, Yesus oba mondok hokhorogo andogosi waga lagaukwa.

LUKAS 5:24

Enggin meneat he, an abat ta'lasi wagagi a'nogo re, kweangma yoma logolik, afuni yi weak ti weak hilingitarek mene an nenat sebelogo legetfisikhi logouwageluk, Allah nen eisewerek nobagaikhe mene andi futfanubagaigen,” iluk yagaisasikhesik, ap enggi eisok wut warek mene a'nogo mel yagatikhe: ”Hebe menla'luk halit talogo nogo ikhi lagen mene ari helaluk he, haiba lan o,” iluk yagatikhe.

LUKAS 7:17

A'nogo isukwasik he, wene hilinglagaikhe mene andi, o Yudea tonggwe yi awi ti awi andoma nen pikhit he, o esanggokwe andoma Yesus abok waluk wulifukwama wial lagaikhe.

YOHANES 10:21

A'nogo isukwa meneat he, it fena nen he, mel isukwa: ”Lego. Afuni munggwarengge obabut weak mene inendawimo kuluk he wene a'nogo agarek lego. Munggwarengge obabut weak mene nen ineilenggen mum mene elok fano higirinabu hak anggegep? Mondok elo'lego,” iluk isukwa.

KISAH PARA RASUL 15:23

Wene andiba lisu palogo fikhi logolik, mel isukwa: ”Nit hinerugwi hinagaila'lak Yesus nen ninebe wenagaisogo ninayonggo fuluk lakninobagai wagaikhe mene inom, Allah againafuri kwelaginarek welagorek mene inom, ninomen he, hit o Antiokhia mene, Siria mene, Kilikia mene, hinebe endakwe meneat he, Allah againafuri mene ninerugwi ninagaila'lak, iluk hai wathinafo andi o.

KISAH PARA RASUL 15:41

It a'nogo waga logolik he, o propinsi Siria andoma nen pikhit o propinsi Kilikia Allah againafuri inendawinggen ago watfisilik wagaukwa.

KISAH PARA RASUL 28:9

A'nogo fano agaikhemo, it afuni o i alonggenma andoma mene ou wanhi lagaukwa mene ekhe Paulus oba wagaukwama, higirinafunem inoba fano agaukwaat.

YOSUA 6:27

At Yosua nineisena Tuhan nen serogo mondok were'ma, abok fano mondok o yi awi ti awi laga lagaikhe.