MATIUS 4:23 - Allah Wene Fano Wene Hupla Inane

²³ Lagaukwama re, at Yesus o Galilea tonggwe olokwe lombok andoma nikhi logolik, afuni Yahudi mene samban agarek oba kwisikhesik he, wene fano wene hobuk nineisena Enupogot awe a'ma ninobagagin wene a'nogo yagaisigik, yi ou ti ou fano higirinafik, ikhi lagaikhe.

MATIUS 4:23 ပူးပေါင်းရင်းမြစ်များ

MAZMUR 103:3

An nen yi weak ti weak hilingitirek mene re, Arenat sebelogo leget fisikherek. Nen yi ou ti ou noba mene re, Arenat korogo wokhikherek.

MAZMUR 74:8

Iren he, nit mondogat sebelogo ninobagaluk he, o kweang yomaba o Allah fogerasuogeluk kabogetu kwe omanogo mondogat endu noluogeluk hilingiri'lagwi o.

MATIUS 11:5

Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.

MATIUS 12:9

At Yesus o andoma nen lagaikhesik he, o it afuni Yahudi mene samban agarek oba kwisikhesik, ap ekhe enggi fenakwe hambelek mene were'ma eilenggen hasikhemo, it ap fena nen wene Yesus oba fuogeluk anema wanhi logolik he, mel yagatukwa: ”Allah faget weat logolik ou higirinabumo re, elok nogo?” iluk yagatukwama re,

MATIUS 13:19

Awi feik ekhe ebekhalem lakfesikhe andi ebe re, it afuni ekhe Allah awe a'ma fisikherek wene andi inesanggo holharesigat he, ebe furogo futfigi'lek halok, at obabut weak mene a'nogo wagaresik he, wene inendawinggenma awi yago mene andi henegeisogo helaluk lagarek andi aro.

MATIUS 13:54

at onggwarek aiba eroba lagaikhesik, o afuni Yahudi mene samban agarek oba kwisikhesik wene yagaisugunem it afuni inesanggo holhukwa mene nen he, mel isukwa: ”Egi! Nailo e. Ap yi endawimo mondok kagalek andi, wene ka nen yanggulhesik waga. Nen, yi wene ti wene elalinat hilingirik nikho andi, koma nen yanggulhesik hilingirik nikho.

MATIUS 14:14

It attagat lagaukwasik were'ma, at Yesus e so warogo laga lagaikhesik inoba wulifikhesik he, eilenggen yerisaluk endawirafikhesik it ekhe ou weak mene nek higirinafikhe.

MATIUS 24:14

Nen, Allah nen awe a'ma inobagagin wene fano wene yi, yi afuni ti afuni mondok inelu asuageluk o yi awi ti awi fakhogo yagaisilik lagep halok he, o wurep oba arat hilinglasigin o,” iluk yagaisasikhe.

MATIUS 3:2

”Kain pogoroba mene awe a'ma hinobagagin oba a'nogo yogondak arat horok asi waga. Halok he, weak hilingiti lagep mene herakfisaluk hinobabut hebela'ni o,” iluk yagaisikhi lagaikhe.

MATIUS 9:35

At Yesus o sili hokho kwe endep kwe, ya kwigik ta kwigik, nikhi logolik, o samban agarekwe kwilik laga logolik fano wene nineisena Allah nen awe a'ma inobagagin wene a'nogo yagaisigik, yi ou ti ou inoba werek mene inom, inomame lek maben mene inom, fano higirinafik ilik nikhi lagaikhe.

MARKUS 1:14

Hobuk he, Yohanes a'nogo enggi hele warogo fesukwama, at Yesus o Galilea tonggwe lagai wagaikhesik he, Allah ane fano wene a'nogo yagaisilik nikhi lagaikhe.

MARKUS 1:21

It omanogo Yesus ombo'ne lagaukwasik o Kapernaum kwisukwa. Kwisukwasik he, inenggi sabit oba Allah faget weat logolik, o afuni Yahudi mene samban agarek oba kwisikhesik, at Yesus nen wene yagaisasikhe.

MARKUS 1:39

Yagaisasikhesik he, o Galilea tonggwe afuni Yahudi mene samban agarek oba kwe kwisikhesik he, wene fano wene a'nogo yagaisigik, munggwarengge inobabut weak mene afuni inendawimo kwisukwasik were'ma henegeisogo wulakfisigik, ilik laga lagaikhe.

MARKUS 6:2

Lagaukwasik he, inenggi sabit oba Allah faget weat logolik, o afuni Yahudi mene samban agarek oba inebe hokhorogoat were'ma inoba kwisikhesik, wene yagaisasikhe. Yagaisugunem, it inebe hokhorogoat omanogo nen he, mel isukwa: ”Egi! Nailo e. Ap yi a'nogo hilingirik nikho andi re, koma nen yanggulhesik hilingiri'logo. Endawimo mondok kagalek andi, wene nena wene endawimo logolik yaganisili'logo. Enggi fagisugunem elalinat hilinginabi'logo andi, ninggi'nogo hilinginabi'logo.

MARKUS 6:6

Higirinafikhesik he, it afuni andoma mene nen at ebe inendawimo futfesukwa lek andi faget, at endawimo nen, ”Eige! nailo e,” iluk anggasikhesik he, hobuk o andoma silikwe ya kwigik ta kwigik wene yagaisilik nikhi lagaikhe.

LUKAS 10:9

O sili andomaba logolik, it ekhe inoba ou werek halok, hiren higirinafi logolik he, Allah nen awe a'ma hinobagagin wene andi arat hinoba horok asi waga o, iluk yagaisikhi logoino.

LUKAS 13:10

A'nogo yagaisikhi logolik, inenggi sabit oba ekhe Allah faget weat logolik, at Yesus o ap Yahudi mene samban agarek oba kwisikhesik wene yagaisugu were'ma re,

LUKAS 16:16

”At Yohanes ima pelaginafi lagaikhe mene a'nogo oan wagi'lek werek kwelek, wene Allah nen komotninafikhe mene a'nogo inom, it Allah ane yagaisikhi lagaukwa wene a'nogo inom, wene andiat esin welagaikhe. Mene re, at Yohanes wagaikhe andi huli nen he, fano wene Allah awe a'ma fisikherek wene a'nogo yagaisilik nugunem, afuni mondogaren wene wanuogeluk inomamerogo sebelik-sebelik kwi weri'lagwi andi.

LUKAS 20:1

Hobuk inenggi ekhe sambul he, at Yesus Allah awi wuri'mo kwisikhesik logolik afuni wene fano wene furogo yagaisigik komorinafik, ugunem, it ap Allah eisewerek inogogwi kaindek inom, Allah ane lisu palek inelu mene inom, inaluendek omanogo inom, inomat Yesus oba wagaukwa.

LUKAS 4:14

At Iblis a'nogo arat lagaikhemo nen he, at Yesus Allah Areagun omamerogo endawimo werek kwelek, ambotkwe o Galilea tonggwe lagai wagaikhe. Lagai wagaikhemo re, at abok o andoma mondok sak-pak isikhe.

LUKAS 5:17

Inenggi ekhe sambul he, at Yesus wene yagaisugu were'ma, it ap Farisi mene inom, Allah ane lisu palek mene yagaisikhi lagaukwa mene inom, inawi o Galilea nen, Yudea nen, o kota Yerusalem en, oba wagaukwasik inesanggo hologo hurek were'ma, nineisena Tuhan Allah nen afuni ou weak mene Yesus nen higirinafi logouwageluk omame wogetu kwelek fano higirinafi lagaikhe.

LUKAS 6:17

At Yesus a'nogo agoromi wenagaisogo fisasikhesik, inom tom oba nen pi wagaukwasik he, kweang tonggwe fanoma andoma kamo isukwasik were'ma, at agoromi ane wanhi lagaukwa mene omanogo fena inebe hokhorogoat inom, afuni mondok hokhorogo o Yudea tonggwe mene inom, o Yerusalem mene inom, o Tirus Sidon i laut aik oba welagaikharek mene inom,

LUKAS 6:6

Nen, inenggi sabit oba ekhe sambul, it Allah faget weat werek kwelek, at Yesus o afuni Yahudi mene samban agarek oba ekhe kwisikhesik he, wene yagaisasikhe. Yagaisugunem ap ekhe enggi ebekwe warek mene andoma welagaikhe.

LUKAS 7:21

A'nogo yagasi wagaukwasik werek kwelek andem sambul he, at Yesus nen he, afuni ou weak mene inom, heinet hokhorogo wati lagaukwa mene inom, fano higirinafik, munggwarengge obabut weak mene inendawimo kwisikhesik were'ma henegeisogo wulakfisigik, ineilenggen mum mene fano asuageluk fenggenogo hilinginafik, ikhi lagaikhesik,

LUKAS 7:22

Yohanes agoromi wagaukwa mene omanogo mel yagaisasikhe: ”Hiren he, an yi'nogo ti'nogo hilingitunem hineilenggen niigik, wene ugunem hinesanggo holhik, egep mene andi, at Yohanes furogo yagasi lano o. Ineilenggen mum mene fenggenogo fano agik, inawe wut warek mene kwe lagik, inoba henanggo inailo mene higirinafunem fano agik, inesanggo tagum mene huakhogo holhik, warek mene inelugerinafik, it ekhe inagarek lek mene fano wene yagaisigik ugunem hineilenggen neegep a'nogo furogo yagasi lano.

LUKAS 8:1

At Yesus a'nogo hilingitikhesik he, welagi'legat, hobuk Fano Wene Allah awe a'ma fisikherek wene a'nogo, o sili hokho kwe endep kwe yagaisilik nikhi lagaikhe. Yagaisilik nikhi logolik, at agoromi mene inebe 12 nen omanogo inom,

LUKAS 9:11

Andoma inale'ma kenghogo lagaukwa meneat he, afuni nen he, ”At Yesus a'nogo o andoma laga o,” iluk ugunem, afuni hokhorogo inesanggo holhukwasik he, inebe hokhorogoat ombo'ne lagaukwa. Lagaukwama re, at Yesus nen hai warogo woginafikhesik he, Allah awe a'ma fisikherek wene a'nogo yagaisigik, inoba ou werek mene higirinafik, isikhe.

LUKAS 9:60

A'nogo yagatikhemo, at Yesus nen he, mel yagatikhe: ”Warek mene halok, it afuni inebe warek mene hangge werek andi nenat salinafi logouwagen he, hat Allah awe a'ma fisikherek wene andi, o yi awi ti awi yagaisilik nikhi logoino o,” iluk yagatikhe.

YOHANES 18:20

at Yesus nen he, mel yagatikhe: ”An nen afuni kweangma mene wene yagaisikhi logolik he, fakhogo nek yagaisigirego. O it afuni Yahudi mene mondogat andoget fuluk samban agarek oba inom, Allah awi wuri'mo inom, andoma nek yagaisigirego. Wene hinagaisogo ekhe igirek mondok lek meneat he,

YOHANES 6:59

Wene Yesus nen a'nogo yagaisasikhe andi re, at ebe o Kapernaum o samban agarek oba wene yagasikhi logolik yagaisasikhe.

YOHANES 7:1

Wene a'nogo arat yagaisasikhesik he, it ap kaindek Yahudi mene nen, Yesus ebe wasuogeluk weim abok ikhi lagaukwa andi nen he, at ebe o Yudea pimbik nikhi logou abiren he, o Galilea tonggwe andoma nikhi lagaikhe.

KISAH PARA RASUL 18:4

A'nogo kwatu inom logolik, hundik-handik Allah faget inenggi weat logolik samban uogeluk ugunem, o afuni Yahudi mene samban ikhi lagaukwaba kwisukwasik he, it afuni Yahudi mene inom, Yunani mene inom, Yesus ane wanuageluk inendawimo kagalhi lagaikhe.

KISAH PARA RASUL 20:25

An hit nerugwi nagaila'lak mondogat wene Allah awe a'ma kuluk logogun wene andi yagahisilik nikhi lagi andi re, huli yogondak yaba nen he, hiren hobuk nelokhonggen hineilenggen neogoin lego, iluk an nonggwarek nelu.

KISAH PARA RASUL 28:31

A'nogo woginafunem, it ekhe nen wenageti'lek werek kwelek, at ailo lek fakhogoat wene Allah nen awe a'ma fisikherek wene a'nogo yagaisigik, Tuhan Yesus Kristus hilingiti lagaikhe wene a'nogo yagaisigik, ikhi lagaikhe.