MATIUS 4:20 - Allah Wene Fano Wene Hupla Inane

²⁰ aremnogoat inasu ikan su andoma herakfisaluk at ombo'ne lagaukwa.

MATIUS 4:20 ပူးပေါင်းရင်းမြစ်များ

1RAJA-RAJA 19:21

A'nogo yagatikhemo, at Elisa a'nogo ambotkwe eabumo lagaikhesik, anggo sapi ekhe emberek wuthogo at elokhoma kelogo fuluk laga lagaikhe mene a'nogo woletikhesik, yabu wanhi lagaikhe mene wam oba kelogo welagaikhe mene a'nogo wam hali wurogo isatikhe. A'nogo isatikhesik, wam kurik omanogo agoromi sumburogo wogisasikhemo nasukwa. A'nogo wogisaluk, at Elisa a'nogo Elia ombo'ne wagaikhesik he Elia amingmingengge hilinglagaikhe.

MAZMUR 119:60

Haren yi'nogo hilingiti logoino ti'nogo hilingiti logoino iluk isigin mene andi hilingitu mene faget, an nen nenangotu welagi'lek weak-weakhogo nek hilingiti lagi.

MATIUS 10:37

Nen, an nebe re, hinabit hak anggikhi logolik he, hineisena hinagaisalak hinendawi welagep halok he, an nagoromi asugun lego. Nen, an nebe hinabit hak logolik hinagainafuri inom, hina'logomi inom, hinendawi welagep halok he, an nagoromi asugun legaro.

MATIUS 19:27

At Yesus nen a'nogo yagaisasikhemo, at Petrus nen he, ”Mene re, nit hat hombo'ne nikhi logouwogeluk yi mene ti mene mondogat herakfisaluk wagosik nikhi lago mene yi nek he, nena mene wo'nisagain,” iluk yagatikhemo,

MATIUS 4:19

Yerisasikhesik he, ”Ikan wanhi lagep andi hak, afuni a'nogoat woginabik nikhi logobagaigen he, yagahisagen nombo'ne we'ni o,” iluk yagaisasikhemo re,

MATIUS 4:21

Lagaukwama, at Yesus eilenggen yethasikhe hak he, ap inebe pire Zebedeus againafuri Yakobus agot Yohanes emberek ineisena inom, e so elema logolik, su ikan wanharek mene seleben etunem yerisasikhesik he, wolisasikhe.

LUKAS 5:11

A'nogo isikhemo re, e so a'nogo i aik oba fei wagaukwasik he, yi mene ti mene mondogat herakfisaluk Yesus ombo'ne lagaukwa.

GALATIA 1:16

Wena'nafikhesik he, fano wene amlogo Yesus hilingitikhe wene a'nogo afuni endakwe mene yagaisilik nikhi logouwageluk amlogo ebe nelokhoma menlagaikhemo re, wene afuni ekhe inoba heinok wanhi'legaro.