MATIUS 4:13 - Allah Wene Fano Wene Hupla Inane

¹³ Lagai wagaikhesik, o sili Nasaret a'nogo herakfisaluk he, o kota Kapernaum i Galilea yenggelek esanggoma, it ap inunggulenu Zebulon mene inom, Naftali mene inom, inaiba andoma logoigeluk lagai wagaikhe.

MATIUS 4:13 ပူးပေါင်းရင်းမြစ်များ

MATIUS 11:23

Nen, hit afuni o Kapernaum mene yi hinendawimo nen he, Allah nen pogoroba liak ninobagambik esinet ninobagagin, iluk fogerakhikhi lageba? Mondok lego. We, afuni wa'la'luk lagaikhare'ma andoma mondok pelakhinobagagin o. Afuni nen hilingisu lek mene an nen elalinat hit ninom logolik hilingiti lagi a'nogo o Sodom andoma hilingiti logoilema re, it andoma inebe lek agi'lek yogondak ya mondok hundigat logoilebo.

MATIUS 17:24

A'nogo hilingitikhesik, o Kapernaum wagaukwama re, it Allah awi wurik faget onggo uang kino iluk wanhi lagaukwa mene nen, at Petrus oba wagaukwasik he, mel yagatukwa: ”Hinoe Allah ane yagahisikherek mene andi nen Allah awi wurik faget onggo uang fagarek a'nogo mene ekhe fikherega? Lega,” iluk yagatukwama re,

MATIUS 4:14

Lagai wagaikhe andi re, at Yesaya Allah ane yagaisikhi lagaikhe mene a'nogo nen lisu palhi logolik he,

MATIUS 4:15

”Hit ap hinunggulenu Zebulon mene inom, Naftali mene inom, hinaiba i Yordan aik elikwe wurik mene inom, i mogwe hokho yenggele'ma pagarekwe wurik mene inom, hinaiba o Galilea tonggwe yoma re, it ap endakwe mene nen sebelek werek yoma sani.

MATIUS 9:1

A'nogo yagatukwama re, at Yesus e so elema kwisikhesik, e so warogo re, i aik elikwe wulifikhesik o sili at aiba lagaikhe hak he,

MARKUS 1:21

It omanogo Yesus ombo'ne lagaukwasik o Kapernaum kwisukwa. Kwisukwasik he, inenggi sabit oba Allah faget weat logolik, o afuni Yahudi mene samban agarek oba kwisikhesik, at Yesus nen wene yagaisasikhe.

MARKUS 2:1

At Yesus enggi endebat o andoma welagaikhesik he, hobuk o Kapernaum kwi wagaikhe. Kwi wagaikhesik oloba kwisikhemo afuni nen he: ”At ebe oloba werego,” iluk ugunem inesanggo holhukwa.

LUKAS 10:15

Nen, hit afuni o Kapernaum mene yi hinendawimo nen he, Allah nen pogoroba liak ninobagagambik esinetninobagagin, iluk fogerakhikhi lageba? Mondok lego. We, afuni wa'la'luk lagaikharek oba andoma mondok pelakhinobagagin o,” iluk yagaisasikhe.

LUKAS 4:23

A'nogo fogeratukwama, at Yesus nen he, mel yagaisasikhe: ”Afuni nen, hundik-handigat ikhi logolik, hat hebe ap dokter hangge andoma re, hoba ou andi honggwaregen higiran o, iluk agarek mene, hiren lagokhogo an yaganesugun higi. A'nogo yaganesimbik he, o Kapernaum hilingiti lagen mene holhi lago andi hak he, yogondak honggwarek haiba yoma a'nogoat ekhe hilingisin o, iluk yaganesuogeluk ikhi lagep higi,” iluk a'nogo yagaisasikhesik ekhe mel yagaisasikhe:

YOHANES 2:12

A'nogo arat hilingitukwasik he, at Yesus ebe inom, agaisa inom, agaila'lak inom, agoromi ane wanhi lagaukwa mene inom, inom o Kapernaum lagaukwa. Lagaukwasik he, inenggi endebat enek welagaukwa.

YOHANES 4:46

At Yesus ebe a'nogo hai warogo wanhukwama re, attak at i we agai mene i anggur enggen amusu hilingitikheba o Galilea sili enu Kana a'nogo wagaikhe. Wagaikhesik were'ma, ap kain pemerintah mene ekhe awi o Kapernaum mene, amlogo oba ou hokho welagaikhe.

YOHANES 6:24

Ineilenggen hasukwasik inendawimo nen anggikhi logolik he, ”Yesus ebe inom, agoromi ane wili'lagwi mene inom, inebe yoma lek oma re,” iluk, e so elema kwisukwasik, Yesus ebe herarik o Kapernaum wulibi wagaukwa.

YOHANES 6:59

Wene Yesus nen a'nogo yagaisasikhe andi re, at ebe o Kapernaum o samban agarek oba wene yagasikhi logolik yagaisasikhe.