MATIUS 4:12 - Allah Wene Fano Wene Hupla Inane

¹² ”At Yohanes a'nogo enggi hele wathama,” iluk isukwama, at Yesus esanggo holhikhesik he, o Galilea lagai wagaikhe.

MATIUS 4:12 ပူးပေါင်းရင်းမြစ်များ

MATIUS 11:2

At Yohanes ima pelaginafi lagaikhe mene a'nogo enggi hele warek were'ma, afuni nen he, ”Kristus yi'nogo hilingiri'logo,” iluk ugunem esanggo holhikhesik he, at agoromi ane wanhi lagaukwa mene Yesus oba heinok wanuageluk lakfisa wagaikhe.

MATIUS 14:3

At Herodes nen Yohanes attagat watikhe andi re, wene yi'nogo. At kain Herodes nen he, agot Filipus agwe Herodias andi telogo wanhikhe andi nen, at Yohanes nen he, Herodes mel yagatikhe: ”He Herodias wanu lek mene wanhen andi, waganek logogin elo'lego,” iluk yagatikhe andi nen he, Yohanes ebe enggi hele warogo re, o inenggi hele warogo fisagarek oba kwelakfesikhesik wasigeluk isikhe meneat he, it afuni nen he, ”Yohanes andi Allah ane yagaisikherek mene,” iluk ikhi lagaukwama re, wasu ailo agaikhe.

MARKUS 1:14

Hobuk he, Yohanes a'nogo enggi hele warogo fesukwama, at Yesus o Galilea tonggwe lagai wagaikhesik he, Allah ane fano wene a'nogo yagaisilik nikhi lagaikhe.

MARKUS 6:17

A'nogo isikhe andi re, fageat at Herodes nen agot Pilipus agwe enu Herodias andi wanhikhemo re, at Yohanes nen he, mel yagati lagaikhe: ”Haren hagot agwe wanu lek mene wanhen andi waganek logogin elo'lego,” iluk, hobugalep enggali warogo yagati lagaikhe andi nen, aren ap inayonggo fesikhemo Yohanes ebe fakfei lagaukwasik waluk wagaukwasik he, enggi hele warogo o inenggi hele warogo fisagarek oba kwelakfesukwa.

LUKAS 23:5

it omanogo hobuk inane mondok ninghogo ikhi logolik he, mel yagatukwa: ”Lego. Ap yi wene yagaisilik nikhi logolik he, afuni o Yudea mene yi awi ti awi mondogat inendawimo kagalik nikho. Omanggum o Galilea andoma nen inendawimo kagalik-kagalik he, o yoma ogo wagaat andi,” iluk yagatukwa.

LUKAS 3:20

at Herodes a'nogo weak hilingirik waga lagaikhesik he, hobuk oba loukhogo, Yohanes ebe enggi hele warogo re, o afuni inenggi hele warogo fisagarek oba kwelakfesikhe.

LUKAS 4:14

At Iblis a'nogo arat lagaikhemo nen he, at Yesus Allah Areagun omamerogo endawimo werek kwelek, ambotkwe o Galilea tonggwe lagai wagaikhe. Lagai wagaikhemo re, at abok o andoma mondok sak-pak isikhe.

LUKAS 4:31

Inanggele'ma nen siakhogo lagaikhesik he, o Galilea tonggwe o sili enu Kapernaum kwisikhe. Kwisikhesik he, inenggi sabit oba Allah faget weat logolik, wene yagaisasikhe.

YOHANES 1:43

Enu a'nogo salhikhesik, nogo iluk ohealekwe re, at Yesus o Galilea lagai wesigeluk anggasikhesik lagai wagaikhe hak he, ap enu Filipus emberek ambi agaukwasik he, mel yagatikhe: ”Nagore. An nombo'ne eme o,” iluk ayonggo fesikhemo, at ombo'ne lagaikhe.

YOHANES 2:11

At Yesus ebe futfouwageluk elalin mene ekhe hilnigiti'le'ma attak hilingitikhe re, o Galilea o sili Kana logolik hilingitkhe andi. A'nogo hilingitikhe andiba, at fogeratarek mene inelurogo yagaisasikhemo, it at agoromi ane wanhi lagaukwa mene omanogo Yesus ebe futfesukwasik, inendawinggen at oba eberogoat himbiret fesukwa.

YOHANES 4:43

At Yesus enggi pireba andoma inom welagaukwasik he, o Galilea arat lagai wagaikhe.

YOHANES 4:54

At Yesus ebe o Yudea nen Galilea attak lagai wagaikhesik afuni nen ebe futfouwageluk wene elalin mene attak ekhe hilingitikhesik oba nen, hobuk lagai wagaikhesik ekhe hilingitkhe andi.