MATIUS 4:10 - Allah Wene Fano Wene Hupla Inane

¹⁰ at Yesus nen he, ”Hat Iblis yi lan o. Allah nen ikhi logolik he: Hiren he, hineisena Allah Nenupogot Anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, isikhemo lisu palogo fesukwama werego,” iluk yagatikhe.

MATIUS 4:10 ပူးပေါင်းရင်းမြစ်များ

1 TAWARIKH 21:1

At Iblis nen he it afuni Israel mene alomarogo fisagain iluk endawimo anggasikhesik, andi nen he aren Daud endawimo kagalhi logolik he, ap inenu lisu palogo wenasuageluk hilingitikhe.

AYUB 1:12

A'nogo yagatikhemo, At Tuhan nen Iblis afuni inendawimo kagalik nikherek mene a'nogoba re mel yagatikhe: ”Fano. Harenat. Hat hendawimo anggegen higithogo hilingi'nogen iluk, at Ayub angge yi mene ti mene mondogat henggiba figi o. A'nogo meneat he, at ebe nek he, henggi fakhagain mondok lego,” iluk yagatikhe. A'nogo yagatikhemo, at afuni inendawimo kagalik nikherek mene a'nogo Tuhan elokhoma aremnogo nen wulibi wagaikhesik lagaikhe.

AYUB 1:6

A'nogo hilingitu kwelek, it Allah nen elalinafikhemo pogoroba welagaikharek mene nineisena Tuhan oba andogotukwama, at Iblis afuni inendawimo kagalik nikherek mene a'nogo it andi inoba kwisikhesik andoma welagaikheat.

AYUB 2:1

A'nogo hilinglagaikhemo, Tuhan nen elalogo fisasikhemo, pogoroba welagaikharek mene omanogo hobuk Allah oba inambotkwe andogotukwama, at Iblis afuni inendawimo kagalik nikherek mene a'nogo inom it andi inanggele'ma kwisikhesik welagaikheat.

MAZMUR 109:6

At andi obaget awene katokhogo paluageluk, ap kwanirogo hilingiri'lago mene ekhe menfein o, at ebe it aselei mene andoma nen oba wene hikhip hoak.

KELUARAN 23:25

Hiren An Hineisena Tuhan Allah fogetnafi logogun halok he, An nen hit ninggi logogun mene wokhisigik, hinagai wokhisigik, hilinghinafi logolik, Ou ero hit hinoba mene yatma hugisa laga logogin.

YESAYA 30:22

Hit hinanggembu emas meneba elalegengge inom perak meneba misikwe mulelogo hilingik engge inom andoma weagen hugisagarek hakhogo hiren hugisouwogeluk he, hinane yi'nogo ikhi logolik hugisugu nogo, ”An welagiba ya nen hela lan!” iluk ugu nogo.

MATIUS 16:23

Komotikhemo, at Yesus elokhe hebekhogo Petrus kwelakhasikhesik he mel yagatikhe: ”Hat he, Iblis higi. Allah endawimo anggikherek higithogo ebeti'lek, we afuni nen anggagarek hak higithogo ebetfuluk nanggwe palhi lagen yi, nelokhoma yoma logogin lego. Hela lan o,” iluk yagatikhe.

MARKUS 1:13

Waluk lagaikhemo re, o leimo afuni le'ma andoma enggi 40 hari werek kwelek, Iblis nen endawimo kagaligeluk oba waga lagaikhe. O andoma re, paik aiba were'ma malaikat Allah pogoroba nen yonggo pelakfisa wagarek mene omanogo ekhe pi wagaukwasik he, kwalogo welagaukwa.

LUKAS 10:18

at Yesus nen he, mel yagaisasikhe: ”Iblis andi eilabut yegelogo lakfei wagarek hak, pogoroba nen pi wagunem neilenggen higi o.

LUKAS 11:18

Mene re, hiren an yaganeti logolik he, Munggwarengge inobabut weak mene inoe enu Beelzebul andi hoba louksek were'ma at omameba munggwarengge obabut weak mene ekhe afuni inendawimo kwisukwasik were'ma henegeisogo wulakfisikhi lagen, iluk yaganeti lagep andi, at Iblis andi onggwarek agoromi inom hulit fakhaluk inom weak a'lepma re, at agoromi ferinarek welagarek mene re ninggi'nogo omame logoilep anggegep? Elo'lego.

LUKAS 13:16

Andi hangge, he Abraham en tagongge mene yi Iblis nen hele homagaisogo fisogo werek kwelek, 18 tahun hilinglaga mene yi, ninenggi Allah faget weat logolik hele fikhalogo fogoin lek nogo? Fikhalogo fogoin aro,” iluk wene a'nogo isikhemo,

LUKAS 22:3

A'nogo weim abok ugu kwelek he, it Yesus agoromi inebe 12 omanogo mene, ekhe enu Yudas Iskariot a'nogo endawimo Iblis kwisikhe.

LUKAS 22:31

Yesus nen a'nogo yagaisasikhesik he, ekhe Petrus oba mel yagatikhe: ”Simon! Simon! hesanggo holin! Gandum afulfulengge fologo hebisagarek andi hak he, hit mondogat a'nogo, at Iblis nen hinebe folhinabigeluk Allah kino yagatemo aren elok iluk yagate meneat he,

LUKAS 4:8

at Yesus nen he, mel yagatikhe: ”Allah nen ikhi logolik, Hineisena Tuhan Allah anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, iluk isikhemo lisu palogo fesukwama werego,” iluk, a'nogo yagatikhemo re,

YOHANES 13:27

A'nogo wogetikhemo, at Yudas sumburu roti mene a'nogo enggim wanhu kwelek aremnogoat munggwat Iblis obabut weak mene endawimo kwisikhe. A'nogo kwisikhemo, at Yesus nen yagati logolik he, ”Haren hilingisigeluk anggegen mene andi weak-weak hilingisin o,” iluk yagatikhe.

KISAH PARA RASUL 5:3

Fei wagaikhemo, at Petrus nen he, ”Ananias. Iblis nen hendawimo kagalhemo Allah Areagun lalogo kweang onggo fena minggilogo honggwarek faget fakhaluk wagen andi nenahalok.

1 KORINTUS 5:5

Ap andi endawinggen ninoe Enupogot wesigin andi sambul waga logolik teluagen he, yogondak ebe Iblis nen weagetfouwageluk, at Iblis at wogo'no.

1 KORINTUS 7:5

Halok he, hemi ap hinom nogo ikhi logogun. Heksek logogubo. Samban uogeluk halok he, yi'nogo ugun: ”Elama faget weat logouwok,” iluk weneane hinom imbigen, samban ikhi logombik he, hobuk hinom lambukhogo logoino. Hinendawinggen sebelugun elo'lek andi nen, Iblis nen hinendawimo kagalinogo iluk he, hinom lambukhogo logogun andi.

2 KORINTUS 11:14

It hilingiri'lagwi andi elalinat hilingiri'lagwi fuk. Ineisena Iblis onggwarek eranenat, malaikat selegerinaferek wene waluk we'luk hilingitarek hak hilingiri'lagwi o.

2 KORINTUS 12:7

An nen, ”Nabikanggo elalin mene neilenggen higi andi nailo e,” iluk nonggwaregen fogerakhanogo iluk he, afuni inebene alok kugunem heinet watarek hak, ou noba agunem heinet wati logouwageluk, nobagasikhemo, Iblis nen ayonggo fesikhe mene hangge noba were'ma, ninoe Enupogoren henegeisogo wulakfisoageluk nenggi henagan oba ayonggo figi meneat he,

ULANGAN 10:20

Hiren he, nineisena Tuhan Allah agaugwerati logolik, At faget enek hilingiti logoino o. Hit hinebe At amu nek oba lombokhogo logolik, At enu nek hombuk palhi logoino o.

YAKOBUS 4:7

Andi nen he, Allah awe a'ma hinendawinggen seberogo kuluk ane hologo logolik, Iblis ane andi sagalogo herakfisikhi logoino. Herakfisamo re, aren herakhinobagaluk heise wulibigin aro.

YOSUA 24:14

A'nogo yagaisasikhesik, at Yosua nen wene ekhe mel yagaisasikhe: ”Nineisena Tuhan nen a'nogo yaganisasikhe andi. Halok he, yogondak hiren he, at agaukhogo hilingiti logoino o. At amingmingengge a'luk, hinendawinggen misigat logolik, oba lombokhogo mondok logoino o. Ninombalak o Mesopotamia inom, Mesir inom, logolik hunogo mene faget, Nineisena ebe andiat, iluk oba himpirik logolik fogerati lagaukwa andi hangge, andi mene ekhe fogerati'lek, we, nineisena Tuhan amunek amingmingengge a'luk logoino o.

1 PETRUS 5:9

A'nogo logolik, hinendawimo nen, ”Ninerugwi ninagaila'lak o yi awi ti awi andoma yi enggin ti enggin hili'lagwi hagat hikhi lago,” iluk, at Iblis wagunem, ane holhi'lek herakfisaluk hinendawinggen Allah oba eberogoat himbiret fuluk ninghogo mendek logoino o.

1 SAMUEL 7:3

A'nogo yagati lagaukwama, at Samuel en he, mel yagaisasikhe: ”Hit nineisena Tuhan oba hinambotkwe wesimbik, hinendawinggen misik a'luk Arenek fogerati logogun halok he, afuni endakwe mene inandugwi kembu he mene enu Asytoret andi oba fogerati lagep mene andi herakfisaluk, hinebe nineisena Tuhan amuat wogo'no o. At faget enek hilingiti logogun halok, hit hinebe afuni Filistin mene nen fethinarek werek andi Aren telhinabigin o,” iluk yagaisasikhe.