MATIUS 3:8 - Allah Wene Fano Wene Hupla Inane

⁸ Halok he, hinendawimo ebetfuluk, weak hilingiti lagep mene andi herakfisaluk, hinobabut hebela'luk hilingisu meneat higithogo hilingiti logoino o.

MATIUS 3:8 ပူးပေါင်းရင်းမြစ်များ

YEREMIA 26:13

Halok he hit hinebe welagep aple inom, hinobabut hilingiti lagep aple inom, fanorogo hebelimbik he, At Tuhan nen hilingisigin iluk wenggelhe mene andi sugwi asuakhogo re, hiren hineisena Tuhan Allah ane hologo nek hilingiti logoni o.

YEREMIA 36:3

An nen enggin mene it Yehuda mene inoba lakfei wesigin mene andoma faget inesanggo holhambik he it inobabut hebelugun logou hago. Andiba re it inaweak hilingiri'lagwi mene inom, ina'mageba hilingiri'lagwi mene inom andoma re An nen sagalogo leget fisagain o,” ikhe.

MATIUS 21:32

At Yohanes a'nogo Allah endawimo anggikherek mene higithogoat hilingiti logouwageluk yagahisa wagaikhe meneat he, hit hinendawimo nen he, at ane andi eberogoat iluk, futfigi'lek welagep. Mene re, it ap pemerintah faget uang kino iluk andogotarek mene andi inom, hemi hesangge yanani hilingirik nikharek mene andi inom, inomen, At ane andi eberogoat ili'logo, iluk, futfesukwa. Iren a'nogo hilingitunem hineilenggen isikhi lagep meneat he, hit enek he, hinobabut hebelarik futfigi'lek welagep yi ri!” iluk, yagaisasikhe.

LUKAS 3:8

Halok he, hinendawimo ebet fuluk, weak hilingiti lagep mene herakfisaluk hinobabut eberogoat hebelaga iluk enegat asuagen higithogo hilingiti logoino o. Nen, hinendawimo nen he, Abraham andi nit nineisena, iluk anggagubo. At Allah nen Abraham againafuri hak hilinglasuageluk helep yoma mene elok hilingisu hagaro, iluk yagahisigi andi.

KISAH PARA RASUL 26:20

Wene andi, attak it afuni Yahudi mene o Damsyik andoma welagaukwa mene yagaisasigi. Hobuk o Yerusalem lambik logolik, it andoma mene yagaisigik, o propinsi Yudea mene mondogat yagaisigik, isigisik, it endakwe mene yagaisilik nikhi lagi. A'nogo yagaisilik nikhi logolik he, weak hilingiti lagep mene herakfisambik hinobabut hebelasimbik hinelokhe Allah wogo'no o. Hinelokhe Allah wogosimbik he, hinobabut afuni inobabut hebela'luk hilingitarek hagat hilingiti logoino o, iluk yagaisikhi lagi.

EFESUS 5:8

Hit attak he, o mum oba welagagip meneat he, yogondak Tuhan againafuri mene agepsik, o selek oba welagep andi nen he, hinobabut o selek oba logolik hilingiti logogun meneat higithogo hilingiti logoino o.

EFESUS 5:9

E ero fano mene nen enggen fano meneat iterek andi hak, afuni o selek oba logolik yi mene ti mene fanorogo higithogo inendawinggen oba nen eberogoat hilingitarek andi.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.