MATIUS 3:7 - Allah Wene Fano Wene Hupla Inane

⁷ A'nogo hilingitu were'ma, it ap Farisi mene fenakwe inom, ap Saduki mene fenakwe inom, inebe hokhorogoat ima pelaginabuageluk he, at oba wagunem yi'nogo yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.

MATIUS 3:7 ပူးပေါင်းရင်းမြစ်များ

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

AMSAL 28:4

Ap sa nen wene melalek sebelogo fugu halok he aren ap weak mene inebikhit a'luk inili woginabi'lago. Nen, sa nen wene melalek higithogo hilingitu halok he aren ap weak mene inom minggirik werek.

YESAYA 59:5

Hiren hinanini inoba fogoin iluk wenggelogo fikhi lagep andiba wa'lagaikharek mene lisogo kwelabi wagalagep mene andi re kisu aik palinaferek mene enggen tagoma hak hilingik welagep. Enggen andi sokhugunem he kisu ebe wulibi wagarek. Hiren hilingisugun iluk ikhi lagepkwe andoma re yaningh haning hilingi'mo re ap kwe andiba lagaikharek mene re fanorogo laga logogun lek.

YEREMIA 51:6

An nen Babel aniniba hilingiti laga mene a'nogo inom, nen at obabut hilingiti laga mene inom ambisangma higithogo unggum oba fagain sambul a'nogo re, yogondak yiat hilinglaga. Ma re at aweagen wasugun sambul andi re hirogo hinoasinogo hinonggwarek hinagap telogo re o Babel en heise wulibi lani o.

YEREMIA 6:10

A'nogo ikhemo an nen ikhi logolik he, ”Tuhan neisena, an nen ap saba yagasu hak nogo, nen sani inendawinggen wenggelogo logouwageluk yagaisagain, it he inungguloak haro logolik fut fili'lagwi lek. Haren yagaisano ugu mene omanogo an nen it inoba yagaisugunem he iren endo yagaisogo inabit eri'lagwi inap werego.

MATIUS 12:24

A'nogo ugunem, it ap Farisi mene omanogo inesanggo holhukwasik he, mel isukwa: ”Ap yi munggwarengge obabut weak mene inoe kain enu Beelzebul a'nogoat at oba louksek were'ma andi nen he, munggwarengge at agoromi hangge inobabut weak mene afuni inendawimo kuluk were'ma henegeisogo wulakfisili'logo,” iluk ugunem he,

MATIUS 12:34

Hit hinebe kisu nen tagongge mene yoma sani! Afuni nen yi wene ti wene inambeba nen agarek andi re, inendawimo peterek logolik kagalogo lagai wagunem agarek andi nen he, hit he, hinobabut weagat logolik wene fano mene ikhi logogun nogo? Elo'lego.

MATIUS 15:12

A'nogo yagaisasikhemo, at agoromi ane wanhi lagaukwa mene omanogo oba wagaukwasik he, mel yagatukwa: ”Wene yaganisegen a'nogo, it ap Farisi mene nen inesanggo holhasik he, ”At weak ikhe, iluk inabiret hobagaga andi futfisegen a? Lega,” iluk yagatukwa.

MATIUS 16:1

Wulibi wagaikhesik were'ma, it ap Farisi mene inom, it ap Saduki mene inom, Yesus obabut paluogeluk oba wagaukwasik, mel yagatukwa: ”Hat hebe heisena Allah pogoroba mene nen pelakhobagai wagaikhemo wagen halok he, niren futhobagauwogen nineilhanem elalin mene ekhe hilingisin he,” iluk yagatukwa.

MATIUS 16:6

at Yesus nen mel yagaisasikhe: ”It ap Farisi mene inom, ap Saduki mene inom, enggen sumburu roti fisuageluk anggelekwe pelafarek andi hangge mene fisogo werek andiba weagethinabinogo iluk, hinebe hebelogo logoino o,” iluk yagaisasikhe.

MATIUS 22:15

Hobuk he, it ap Farisi mene nen, ”Nit Yesus eil warogo wene oba heinok wanhunem ane igin oba enggin oba fembik wene oba fouwok,” iluk abok palhi lagaukwa.

MATIUS 22:23

It omanogo arat lagaukwama nen, o andi sambulat, it ap Saduki mene nen, ”Afuni wa'la'luk ineluk asugun mondok lek,” iluk agarek mene ekhe Yesus oba wagaukwasik he, mel yagatukwa:

MATIUS 22:34

At Yesus nen wene a'nogo yagaisasikhemo, afuni nen he, ”Yesus nen it ap Saduki mene wene yagaisasikhemo, iren onggo ugun elo'lek aga,” iluk isukwama, it ap Farisi mene inesanggo holhukwasik he, inebe andoget fuluk,

MATIUS 23:33

Hit kisu nen tagongge mene hinebe kisuat welagep yoma ri! Afuni Allah nen wene inoba fembik endu ai'mo hokhorogo lakfisugunem hit heise wulibugun nogo? Elo'lego.

MATIUS 5:20

Allah endawimo anggikherek mene higithogo hilingisuogeluk he, it afuni nen Allah ane lisu palek eisewerek mene omanogo inom, ap Farisi mene inom, inobabut hilingiri'lagwi andi hagat hilingiti logogun halok he, Allah awe a'ma fisikherek oba andoma kugun lego. Eberogoat Allah endawimo anggikherek mene higithogo hilingiti logogun mene halok enek kugun o,” iluk yagaisasikhe.

MARKUS 12:13

Hobuk he, it ap kaindek omanogo nen he, Yesus eil warogo ane igin mene wene oba fouwogeluk, iren it ap Faresi mene ekhe inom, it ap Herodes werekwe mene ekhe inom, inomen he Yesus anema wanuageluk oba lakfisa wagaukwa.

MARKUS 12:18

Hobuk he, it ap Saduki mene nen, ”Afuni wa'lasimbik ineluk asugun lek,” iluk agarek mene ekhe Yesus oba wagaukwa. Wagaukwasik at oba heinok wokhikhi logolik yi'nogo yagatukwa:

MARKUS 8:15

Wulifukwasik he, Yesus nen komorinafi logolik mel yagaisasikhe: ”It ap Farisi mene inom, at Herodes inom, enggen sumburu roti fisuageluk elonggoma pelafarek a'nogo hangge werek andiba weagethinabinogo iluk, hinebe hebelogo logoino,” iluk komorinafikhe.

LUKAS 16:14

A'nogo yagaisasikhemo re, it ap Farisi mene omanogo uang mondok inendawinggen hundik welagaukwasi'mo andi nen he, Yesus nen wene a'nogo ugunem inesanggo holhukwasik he, inane asegen wokhikhi logolik endo yatukwa.

LUKAS 18:11

Emberek kwi lagaukwasik samban ikhi logolik, ap Farisi mene a'nogo menlagaikhesik samban ale'ma nen ikhi logolik he, mel isikhe: Allah, neisena e. An nobabut he, afuni mondogat inobabut hangge lego. It afuni hesangge yogot wanharek mene inom, weak hilingitarek mene inom, hemi pailak fakfisili'lagwi mene inom, ap uang pemerintah faget kino iluk andogoterek mene yi inom, inobabut andi hak he, an nobabut a'nogo mondok lek andi nen he, hai wathafi lagi o.

LUKAS 7:30

A'nogo isukwa meneat he, it ap Farisi mene inom, it ap Allah ane lisu palek yagaisikhi lagaukwa mene inom enek he, Yohanes nen ima pelakfisoageluk lagi'lek logolik, Allah nen a'nogo hilingiti logouwageluk endawimo anggasikhe mene a'nogo inabiren herakfisasukwasik welagaukwa.

YOHANES 1:24

It ap wagaukwa andi re, it ap Farisi mene nenat lakfisa wagaukwama wagaukwasik, ekhe mel yagatukwa:

YOHANES 8:44

A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.

YOHANES 9:40

it ap Farisi mene ekhe andoma logolik inesanggo holhukwasik he, mel isukwa: ”Hat hendawimo nen he, it ineilenggen mum iluk anggikhi logolik nit faget yaganisegen a? Lego” iluk yagatukwama re,

KISAH PARA RASUL 15:5

Yagaisugunem it ap Farisi mene Yesus ane eberogoat iluk wanhukwa mene ekhe menlagaukwasik he, mel yagaisasukwa: ”Afuni endakwe mene Yesus ane wanha mene andi re, inagap inenggalimo mene palinafik, wene Allah nen Musa ayonggo fesikhesik komotninafikhe wene a'nogo fisogo welagik, ikhi logogun o,” iluk yagaisasukwa.

KISAH PARA RASUL 20:31

Hinendawinggen wenggelogo logoino! An o mo lagagik pigik ugu kwelek 3 tahun ninom logolik he, kamo igi'lek linggene nen, hubanggo nen, le aga logolik, hinebe lombok komothinafi lagi a'nogo, hinendawimo eberek logoino o.

KISAH PARA RASUL 26:5

Nit Allah awe a'ma kuluk logolik hilingiti lago wene andi, it ap ekhe Farisi mene inawene fisogo logolik, hesanggeat hilingitu kwelek, an enek he mondok ninghogo fisogo logolik hilingiti lagagi andi, it ap yoma endamat en inelu mondok werego. Halok iren he, andi eberogoat hilingiti lagaikhe meneat ikhe, iluk yagahesugun he a? Lek he a. Irenat ugun o.

KISAH PARA RASUL 5:17

A'nogo hilinginafunem, elugun oba re, it ap Allah eisewerek mene inoe kain mene agoromi inebe mondogat inom, it andi re, afuni Saduki mene inane wanhi lagaukwa mene nen, irat Yesus nen inebe wenagaisogo lakfisasikhe mene omanogo a'nogo hilingitunem inoba wene palhi lagaukwa. A'nogo wene palhi lagaukwasik, inebe fakfisasukwasik he, o afuni inenggi hele warogo fisagarek oba kwelakfisasukwa.

ROMA 1:18

Afuni nen he, Allah ebe inobakhe nene herakfisaluk, inobabut weagat hilingiti logolik, ebe wene afuni ekhe inelu asinogo iluk sebeli'lagwi andi nen he, Allah a'mage lagasikhesik pogoroba nen sele'matfesikhe.

ROMA 5:9

At Kristus amep wulagaisogo wa'lagaikhe andiba, wene ninoba mene korogo wokhaluk Allah ninom hobuk ninambotkwe hunogo ninobagasikhe andi nen he, hobuk Allah a'mage ninoba fugunem telninabigin lek nogo? Telninabigin aro.

IBRANI 11:7

At Nuh ogo re, endawinggen Allah oba himbiret fuluk, yi wene ti wene hobuk hilinglasigin mene Allah nen husumbi yagatikhemo ebe eilenggen higi'lek meneat he, ”Eberogoat hilinglasigin mene yaganete higi,” iluk Allah ane hologo logolik, e so ekhe at againafuri inom telinabigin mene faget wutikhe. A'nogo wutikhemo, Allah nen afuni wene inoba fesikhesik inebe inoatikhe meneat he, at Nuh alegat enek he, endawinggen eberogo nen Allah oba himbiret fesikhe andiba, Allah nen, ”At fano,” iluk telhikhe.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

1 YOHANES 3:10

Allah againafuri inom, Iblis againafuri inom, ninendawi wenggelogo inobabut enegat hilinglari'lagwi re, yi. Ap sa nen obabut higithogo hilingiti'legat, erugwi agaila'lak endawirinafi'legat, hilingiri'logo halok, at andi ebe Allah amlogo lego.