MATIUS 3:6 - Allah Wene Fano Wene Hupla Inane

⁶ We'luk he, yi weak ti weak hilingiti lagaukwa mene fakhogo herakfisugunem, i Yordan ima pelaginafi lagaikhe.

MATIUS 3:6 ပူးပေါင်းရင်းမြစ်များ

EZRA 10:1

Andi iluk at Ezra a'nogo Tuhan Awiba elokhoma aremnogo nen inaweak fakhogo le aga logolik samban ugu kwelek he, it afuni Israel mene a'nogo inebe hokhorogo, ap inom, hemi inom yenggerugwi magendek mene inom, kabogesi wagaukwasik at ebe tulem haningisogo kwelakfesukwasik he inane kwi-kwerogo le agaukwa.

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

DANIEL 9:4

A'nogo neisena Tuhan Allah ayonggo fikhi logolik he, afuni an ninom ninunggulenu misigat mene ninomen Allah ane sagalogo weak hilingitugu mene andi fakhogo fikhi logolik, mel yagati, ”Nineisena Allah henu hokho andi nen, nit Hat ninailorogo logolik fogethaforego, neisena. Hagainafuri nen, haren, Yi'nogo hilingiti logoino, ti'nogo hilingiti logoino, iluk komotninafigin wene andi higithogo hilingiti logolik, hebe inendawirogo welagaikharek mene andi, haren inebe hendawirinafu mondok logolik, wene warogo ninebe wo'ninafigin mene andi higithogoat ferinarek welagik, egendegaro, neisena. Meneat he, nit hat hawe a'ma lombokhogo logou ninabiren he, hane sagalogo weak hilingitik, kwanirogo hilingitik, ikhi logolik, Haren, Yi'nogo hilingiti logoino, ti'nogo hilingiti logoino, iluk komotninafigin wene andi, hane lisu palek oba louksek hilingiti'lek herakfisaluk, hunogo mene faget hilingitugu andi o, neisena.

IMAMAT 16:21

A'nogo waluk he, Harun enggi pirenet kambing andi unggul oba sebel fuluk, afuni Israel mene nen weak hilingitik, kwanirogo hilingitik, nane sagologo hilingitik horog hilingitik, aga mene andi mondogat fakhogo fikhi logouwak. A'nogo hilingisigin andiba afuni Israel mene weak hilingita mene andi mondogat felelenghogo kambing andi ungguloba fagain o. A'nogo fembik, ap ekhe ayonggo fogoin mene nen kambing andi silogo o leimo afuni le'ma andoma waluk lakfisa laga logouwak.

IMAMAT 26:40

Oba nen he it hinombawi nen inom, nen hiren inom, An nane sagalogo fuluk hilingiti lagep mene andoma hiren inom, nen hiren tagomangge mene nen inom hinaweak fagetu halok,

BILANGAN 5:7

ap a'nogo nen aweak fageti logolik, ap are weagat fagain mene a'nogo onggo higithogo wogeti logolik he dua puluh persen ekhe inom oba mangorogo wogeti logogin.

MATIUS 3:11

A'nogo yagaisasikhesik ekhe mel yagaisasikhe: ”Hit weak hilingiti lagep mene herakfisaluk hinobabut eberogoat hebelaga iluk, an nebe yenggerek nomame lek mene nen we ima pelakhinafi lagi. Mene re, at kain omame hokho mene hobuk wesigin o. At ebe kain omame hokho andi nen he, an nebe yenggerek mene nen eisok sepatu kwelabek mene waluk la re elo'legat. Aren ima pelakhinabu hak, Allah Areagun inom, endu inom, hinoba pelakfei wesigin o.

MARKUS 1:5

A'nogo yagaisugunem he, it afuni o propinsi Yudea ekhe mondogat mene inom, o kota Yerusalem mene inebe mondogat inom, at oba andogosi waga lagaukwa. Andogosi wagaukwasik he, yi weak ti weak hilingiti lagaukwa mene fakhogo herakfisugunem, aren i Yordan ima pelaginafi lagaikhe.

LUKAS 3:16

at Yohanes nen mel yagaisasikhe: ”An nebe yenggerek mene nen we ima nek pelakhinafi lagi o. Mene re, at ekhe kain omame hokho mene hobuk wesigin o. At ebe wesimbik he, aren ima pelakhinabu hak, Allah Areagun inom, endu inom, hinoba pelakfei wesigin o. At ebe kain omame hokho andi nen he, eisok hele homago mene, an yenggerek mene nen fikhaligin he, elo'lego.

KISAH PARA RASUL 11:16

Inoba pi wagama re, ninoe Tuhan Yesus nen wene mel iluk isikhe mene nendawimo ebeti: Yohanes nen ima pelakhinafe meneat he, Allah nen Areagun hinoba pelakfei wesigin o, iluk isikhe mene a'nogo oba ebeti.

KISAH PARA RASUL 19:18

Nen, it afuni inendawinggen Yesus oba himbiret fesukwa mene halok inebe wagaukwasik he, weak hilingiti lagaukwa mene afuni hokhorogo ineilhanem fageti lagaukwa.

KISAH PARA RASUL 22:16

Mene re, hat yogondak ekhe inom logogin lek. Hebe menlasimbik he, hat weak hilingiti lagen mene Allah nen sobalhafik, it ekhe nen ima pelakhafik, uagen he, Yesus enu hombuk palogo Allah ayonggo feino, iluk yaganetikhe,” iluk yagaisasikhe.

1 KORINTUS 10:2

Iren he, Musa ombo'ne nikhi logogun o, iluk ima pu hak he, ohena andi a'ma kwigik, i laut yenggelek andi obakhe tegetik, isukwa andi.

KOLOSE 2:12

At Kristus wa'lagaikhemo ebe warek salhukwa hak, hit ima pelakhinafi logolik, hinom hundigat salhinafukwao. Nen, at hinom hundik warek were'ma, Allah omameba eluget fesikhe, iluk, hinendawinggen at omameba himbiret fesigip andi nen, ima nen yegelogo liakhinafunem he, at hinom hundigat hineluget hinafikhe o.

IBRANI 6:2

Ima pagarek wene andi yagaisigik, inunggul sebelharek wene andi yagaisigik, wa'lagunem Allah nen ninelugetninabigin wene andi yagaisigik, wurep oba wene ninoba figik, kotik, ugunem mondok-mondok logogun wene andi yagaisigik, isugu mene andi ninane hebelogo hobuk yagaisogoin legaro.

YAKOBUS 5:16

A'nogo hilingisigin andi nen, hit ekhe hinoba ou mene se asubagaigen he, weak hilingitep mene hit-hit fageti logolik samban ikhi logoino o. It afuni Allah endawimo amolo anggikherek mene higithogo hilingitarek mene nen samban eberogoat ninghogo ugun andi, omame hokho were'ma re, Allah nen hilinghinabigin werego.

YOSUA 7:19

A'nogo oba agaikhemo Yosua nen hun Akhan oba ikhi logolik he, ”Namlogo, haren hilingiten mene andoma afuni Israel mene ineisena Tuhan Allah eilhanem fage'luk selekhogo nek ya nen in. Ekhe sebelhi'lek fakhogoat an yaganom o.” iluk yagatikhe.

1 PETRUS 3:21

It iba telinafikhe andi walse'ma, nit yogondak ima pogorek andiba telninaferego. Iba telninaferek andi re, ima pelakninafunem ninagap i andiba sobalagarek andiba telninaferek fuk. Athe, ninendawinggen oba nen wene ninoba selek asuageluk Allah ayonggo fugunem, Yesus Kristus wa'lagaikhesik eluk agaikhe andiba telninaferego.

1 YOHANES 1:9

Mene re, nit weak hilingito mene fakhogo fogoin halok, at obabut higit mondok logolik, wene wa'nisikherek hagat hilingiterek andi nen he, nit weak hilingitorek mene sebelogo legetfisaluk, weak hilingisuogeluk ninendawimo ebetorek mene sobalninaferek.