MATIUS 3:12 - Allah Wene Fano Wene Hupla Inane

¹² Gandum enggen folugun mene faget garpu hangge meneba fologo lakfagain mene at eisewerek mene enggimo werek andi. Tegeligin oba higit asi waga halok, fano mene halok, tegelogo fikherek oba fanoma figik, afulfulengge mene halok endu nagulagarek le'ma a'nogoba lakfisigik, igin o,” iluk yagaisasikhe.

MATIUS 3:12 ပူးပေါင်းရင်းမြစ်များ

AYUB 21:18

It andi sogoi en inom, sielu nen inom furogo waluk laga logolik, engga inom, wul age inom, furogo lagarek a'nogo hak agaikha mene ekhe werega?

MAZMUR 1:4

A'nogo meneat he, it afuni inobabut higithogo hilingiti'lek weak kwanirogo nek hilingitarek mene re a'nogo ekhe hilinglagarek mondok lek. It inebe re, yi mene ti mene afulfulengge sogoi en funhogo waluk lagarek andi hangge werego.

MAZMUR 35:5

It andi re sogoien amongmong engge furisikherek hak, Tuhan agoromi malaikat omanogo nen mugusogo yinhun isoago.

YESAYA 1:31

It ekhe inomame welagaikha mene andi re inebe engga puk mene hak welagik, yabu hilingitarek mene andi re endu engganggan hak agik, hilinglasumo re, emberegat endu nen nunggunem it afuni nen telinabu elo'lek asigin o,” iluk ikhe.

YESAYA 17:13

It wagunem he i fu waga logolik esinggen founalik wagarek hak weri'lagwi. Oba nen he Allah nen inoasigiluk ugu nen it a'nogo heise re yatma lili'lagwi. It heise lagunem he sogoi en engga puk mene punu alilukwe nen furogo lagarek hak, athe kweang age sogoi sielu nen funhugunem hak, lili'lagwi.

YESAYA 27:4

Engga ogo athe alok-alogengge mene ogo werek halok mene ogore, An nen wene ugu aplere nabiro, An nen he warogo taiget fuluk mondogat endumo nolhi logogin.

YESAYA 28:28

Aren gandum enggen palhi logolik he yei payuk oba watunem enggen omanogo sagalogo lagain lego. Eberogo nenat lego! Athe fanorogo palhu mene inom, gandum enggen ebe sagalhi'legengge gerobak oba fanorogo lisogo waluk lagu aple inom he elu nek.

YESAYA 30:24

hinanggo sapi ai mene inom, keledai inom hineabumo kweang mogolhu mene omanogo inamburu nunggu mene ogore it inobaget mondok ebe mene nek enogo fisikhi logoginat.

YESAYA 41:16

Haren he, it inebe gandum enggen hak eninafunem he, it inebe afulfulengge higit sogoien furogo woginarek lagik, sielu nen funhogo waluk lagik, hilingiti logogin. Hat he, An heisena Tuhan nobaget hagaiyek agik, An nebe afuni Israel mene ineisena Allah welagi andi nen wonoget fakhigik ikhi logogin.

YESAYA 5:24

Hit he hineisena Tuhan Omame Mondok Hokho mene a'nogo nen wene yagahisasikhe mene omanogo ninabit iluk herakfisikhi lagep, nen hiren afuni Israel mene ineisena Allah Mondok Horek mene a'nogo sebelogo fikhi lagep. Andiba re, lei engga inom engga puk mene inom endu nen libunghogo ninggerek andi hak he hirogo hinomanggen mondok fili agik, hinowil puk agik, sogoien mondogat furogo lakhinobagagik, igin o.

YESAYA 66:24

It wesuogeluk waga logolik he, it afuni An nane oak sagalogo fuluk hilingiti logogun mene omanogo were'ma ineilenggen isikhi logogun. Nen, imbalo nen it inebe warek andoma ninggi logogin mene re wa'lasugun mondok lek, nen endu it nolinabigin mene ogore nagul aga logogin mondok legat. A'nogo hilingi'mo afuni mondogaren ineilenggen isaluk inali'lip mondok hikhi logogun o,” iluk ikhe isikhe.

YEREMIA 15:7

Kweang yiba o kota ebe lombok andoma bene re An nen hit he engga puk mene hak hukhisagain. Hit hinebe An nagainafuri hilingik welagep, oba nen he, hit hinebe hilingik welagep mene andi agameti lagep le'ma re, An nen hit hinebe inom, hit hinagainafuri inom leget hinobagagin.

YEREMIA 17:27

Oba nen he hiren An nane hologo hilingiti'lek, linggene Sabat mene andi An nobaget enogo figi'lek, nen linggene sabat mene andiba kwe ambe palekwe andi nen hinasungge salmakhaluk wulibi lagik hilingiti logogun halok he, o Yerusalem kwe ambe palekwe andoma inom ap raja ebe were'ma andoma inom An nen endu oba mondogat foumo re endu andi re nagulu elo'lek logogin o, iluk ikhe yagaisano,” isikhe.

YEREMIA 4:11

Inenggi ekhe higit asi wesigin oba afuni Yehuda mene inom Yerusalem mene inom inoba yagaisikhi logolik sogoi aganhan mene o leikwe nen hit hinebikhit funha wesigin, iluk ugun oba arat horogasi waga o. O sogoi andi ebere sogoi weba funhugunem alalengge funhogo waluk lagarek mene andi hak he fuk,

YEREMIA 51:2

Sogoi en gandum agap furogo lakfikherek hak An nen ap Babel mene andoma wolelenggen inabuageluk ap pok mene lakfisa wesigin. Linggene andi sambul he o kweang andiba unggut fena-fena nen kwi we'luk felelenghogo mondogat inoasugun.

YEREMIA 7:20

An Tuhan Lego Mondok welagirek mene a'nogo nen o wene kabogetu awi yi inom, afuni inoba inom, wam, mene, paik inom, e wilibik meneba inom, kweang oba nen enggen ugu andoma inom, nanini hokho mene a'nogore andoma oba fagain o. An na'mage lagali'lago mene andi re endu wabunak nunggunem nagulu elo'lek agarek andi hak hilingiri'lago o,” iluk ikhe.

HOSEA 13:3

Iren a'nogo hilingiri'lagwi andi nen he, inebe hobuk ohena hea, athe, lilengge o hubet wela'lugen lek agarek andi hak inom, nen gandum enggen sagalharek oba afulfulengge sogoien funhogo waluk lagarek andi hangge inom, so'le o tum oba nen lagaikheresik lek agarek andi hangge inom, inebe a'nogoat lek asugun o.

AMOS 9:9

An nen wene hobuk melalogo yagahisigik, afuni nen beras eanggeba fuluk folharek andi hak, An nen it Israel mene a'nogo tegelinabigin o. It inanggelekwe hilingik logou lek mene andoma waganogo herak fisoageluk he An nen inunggulenu amu mene werekwe andomaba agam fagam isagain.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

MATIUS 13:30

Gandum enggen oan palhi'le'ma re, inom a'nogo mangorogo lagakhi logouwago. Nen, enggen palugun higit aga halok he, an nen it ap enggen palharek mene yagaisikhi logolik: Engga weak mene andi endu nolfisouwogen he, andi tak henegeisogo hele homagaisogo fembigen, fano mene andi andogorogo figirek oba andoma feni o,” iluk yagaisagain, iluk amingmingengge mene omanogo yagaisasikhe,” iluk Yesus nen yagaisasikhe.

MATIUS 13:41

An abat ta'lasi wagagi a'nogo nen nagoromi malaikat Allah pogoroba nen yonggo lakfisa wagarek mene yonggo lakfisa wagunem, iren he, Allah awe a'ma fisikhere'ma andoma nen, yi mene ti mene afuni nen weak hilingisuageluk hilinginafarek mene inom, yi afuni ti afuni weak hilingitarek mene inom, andogorogo fisaluk,

MATIUS 13:42

mondogat endumo lakfisamo logolik, inaik himbirogo li ago le ago mondok logogun o.

MATIUS 13:43

Nen, it afuni Allah endawimo anggikherek mene higithogo hilingitarek mene andi nek he, inebe o mo selekhogo yaterek hak, ineisena Allah awe a'ma logogun o, iluk hinesanggo holugun halok he, fanorogo holini o,” iluk yagaisasikhe.

LUKAS 3:16

at Yohanes nen mel yagaisasikhe: ”An nebe yenggerek mene nen we ima nek pelakhinafi lagi o. Mene re, at ekhe kain omame hokho mene hobuk wesigin o. At ebe wesimbik he, aren ima pelakhinabu hak, Allah Areagun inom, endu inom, hinoba pelakfei wesigin o. At ebe kain omame hokho andi nen he, eisok hele homago mene, an yenggerek mene nen fikhaligin he, elo'lego.

LUKAS 3:17

Gandum enggen folugun mene faget, garpu hangge meneba fologo lakfagain mene, eisewerek he at enggimo werek andi. Tegeligin oba higit asi waga halok, fano mene tegelogo fikherek oba obali'mo fanoma figik, afulfulengge mene halok tegelogo endu nagulagarek le'ma a'nogoba lakfisigik, igin o,” iluk, yagaisasikhe.

YOHANES 15:2

Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.