MATIUS 3:11 - Allah Wene Fano Wene Hupla Inane

¹¹ A'nogo yagaisasikhesik ekhe mel yagaisasikhe: ”Hit weak hilingiti lagep mene herakfisaluk hinobabut eberogoat hebelaga iluk, an nebe yenggerek nomame lek mene nen we ima pelakhinafi lagi. Mene re, at kain omame hokho mene hobuk wesigin o. At ebe kain omame hokho andi nen he, an nebe yenggerek mene nen eisok sepatu kwelabek mene waluk la re elo'legat. Aren ima pelakhinabu hak, Allah Areagun inom, endu inom, hinoba pelakfei wesigin o.

MATIUS 3:11 ပူးပေါင်းရင်းမြစ်များ

YESAYA 4:4

Tuhan nen At omameba againafuri inawene katokhogo palhik, afuni nen perak endumo weragaisogo ebe mene enogo fagarek hak hilinginafik igin. Aren he o kota Yerusalem oba andoma nen ap inoatukwama inamep pisikhe mene andoma sobaligin.

YESAYA 44:3

An nen kweang iringikwe andoma i wulagaisogo lakfei wagik, nen kweang agai nele pelerogo werekwe andoma meiso sogenggen mene oba sakhoratik, igin o. Nen An Nomame re haren tagongge mene inoba wogisigik, hombawi hobuk ta'lasugun mene inoba fanoet fisigik, igin o.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

MATIUS 3:6

We'luk he, yi weak ti weak hilingiti lagaukwa mene fakhogo herakfisugunem, i Yordan ima pelaginafi lagaikhe.

MARKUS 1:4

Wene lisu palek werek andi higithogoat, at Yohanes ebe o leimo afuni le'ma wagaikhe andi. Wagaikhesik he, ima pelaginafik, wene yagaisigik, ikhi logolik, mel ikhi lagaikhe: ”Wene hinoba mene Allah nen sebelogo legetfisoageluk he, hit weak hilingiti lagep mene andi herakfisaluk hinobabut hebela'ni. Hinobabut hebelasumo, an nen ima pelakhinafi logogin o,” iluk yagaisikhi lagaikhe.

LUKAS 1:17

Allah Areagun ap Elia endawimo peterogo logolik omamerogo hilingirik nikhi lagaikhe mene andi, at Yohanes andi oba louk imbik, yenggerugwi ineisena lak inom, lambukhogo fisigik, wene inesanggo holi'lagwi lek mene it ekhe wene holiluk higithogo hilingitarek mene inobabut wanuageluk hilinginafik, inebe nineisena Tuhan fagerat logouwageluk tegelogo fisigik, igeluk, at tak ta'lasimbik a'nogo hilingirik nikhi logogin o,” iluk yagatikhe.

LUKAS 3:16

at Yohanes nen mel yagaisasikhe: ”An nebe yenggerek mene nen we ima nek pelakhinafi lagi o. Mene re, at ekhe kain omame hokho mene hobuk wesigin o. At ebe wesimbik he, aren ima pelakhinabu hak, Allah Areagun inom, endu inom, hinoba pelakfei wesigin o. At ebe kain omame hokho andi nen he, eisok hele homago mene, an yenggerek mene nen fikhaligin he, elo'lego.

LUKAS 3:3

A'nogo yagatikhemo, o Yordan tonggwe andoma yi awi ti awi afuni yagaisilik nikhi logolik he, mel ikhi lagaikhe: ”Wene hinoba mene Allah nen sebelogo legetfisoageluk he, hit weak hilingiti lagep mene andi herakfisaluk, hinobabut hebela'ni. Hinobabut hebelasumo, an nen ima pelakhinafi logogin o,” iluk, yagaisilik nikhi lagaikhe.

YOHANES 1:15

Wene at ebe faget Yohanes nen mel yagaisasikhe: ”An nombo'ne hobuk ap ekhe wesigin, iluk abok yagahisigirek a'nogo re, ebe yi aro. At yi hobuk an nombo'ne waga meneat he, ebe an oan ta'lagi'lek werek kwelek, at attagat welagaikhe andi nen he, an nebe sebelek mene, noe Kain mene re, araro,” iluk ane hokhorogo yagaisikhi lagaikhe.

YOHANES 1:30

Attagat wene an nen yagahisikhi logolik he, Ap ekhe nombo'ne wesigin meneat he, an oan ta'lagi'lek werek kwelek, at welagaikhe andi nen, an nebe yenggerek mene re, arenek he, ebe kain mene o, iluk, abok yagahisikhi lagi a'nogo re, ebe waga ari aro.

KISAH PARA RASUL 19:4

A'nogo yagatukwama, at Paulus nen he, ”Yohanes nen ima pelaginafi lagaikhe andi, it afuni nen, weak hilingiti lago mene arat herakfisogosik ninobabut hebelago, iluk ugu halok pelaginafi lagaikhe. A'nogo pelaginafi logolik he, mel yagaisikhi lagaikhe: An nombo'ne ap ekhe wesigin. Halok hinendawinggen at oba himbiret fuluk logoino o, iluk ebe Yesus fagerat yagaisikhi lagaikhe andi,” iluk yagaisasikhe.

KISAH PARA RASUL 8:36

Yagarik mondok ebekwe pikhi logolik he, i were'ma pisukwasik, at ap kain a'nogo nen he, ”I werek yi han. An ima pelaknabigin anggikhi lagi. I a? Athe, ki mene oan welagi anggegen,”

KISAH PARA RASUL 8:38

A'nogo yagatikhesik he, amingmingengge mene nen kereta hangge kuda nen lisogo waluk pisikhe mene andi aremnogo menfouwageluk yagatikhesik he, Filipus emberegat i esanggoma pisukwasik, ap a'nogo ima pelakfikhe.

1 KORINTUS 12:13

Nit he, ninebe mondogat Yahudi mene inom, Yunani mene inom, inamingmingengge mene inom, inale'ma welagaikharek mene inom, at Kristus ebe misigat mene ninom hunesuageluk, at Areagun nen ima pela'ninafikhe andi. Nen, i elesi misigat mene nenggarek hak, at Areagun misigat mene ninendawimo fesikhe andi.

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.

TITUS 3:5

A'nogo weinam agaikhesik, Allah Areagun en ninendawimo sobalogo ninebe ket mene ta'ninafik, ninobabut hunogoat hilingninafik, isikhe andi re, nit ninonggwaregen ninobabut higithogo hilingiti lagaguba hilingninafikhe fuk. We, ninebe arenat endawitninafikhesik telninafikhe andi.

1 PETRUS 5:5

Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.