MATIUS 28:9 - Allah Wene Fano Wene Hupla Inane

⁹ Yagaisa louwogeluk lagunem ebekhalem at Yesus inom ambi agaukwasik he, mel yagaisasikhe: ”Nerugwi e!” iluk yagaisasikhemo, it hemi omanogo horokhogoat lagaukwasik he, eisok inenggi fakhikhi logolik he, hai warogo ineindep awi yagaisogo fogeratukwa.

MATIUS 28:9 ပူးပေါင်းရင်းမြစ်များ

YESAYA 64:5

Afuni ekhe Hat hendawimo anggegendek mene andi hilingiti logolik, eberogo wene omanogo higithogo hilingitarek mene andi haren woginafendek. A'nogo meneat he, nit attagaren Hat hawe a'ma logogun ninabiren weak hilingiti lagoma re, weagat hilingitunem ha'mage ninoba fegendek andi o.

MATIUS 14:33

Palagaikhemo re, it e so elema welagaukwa mene omanogo nen Yesus fogerati logolik he, ”Hat eberogoat Allah amlogo heogo o,” iluk yagatukwa.

MATIUS 23:7

pasar onggo wanharek oba andoma afuni nen inane agaukhogo yagaisigik, ikhi logouwageluk andoma lagik, ikhi logou inamolo welagaikharek andi.

MATIUS 28:10

Fogeratukwama, at Yesus nen he: ”Hinailo agubo. An nagoromi omanogo o Galilea loagen, yagaisa lani o,” iluk yagaisasikhe.

MATIUS 28:17

Lagasukwasik were'ma at Yesus ebe ineilenggen hasukwasik he, hai warogo ineindep awi yagaisogo fogeratu kwelegat he, it fena nek he: ”At ebe a? Hunogo mene he a,” iluk anggasukwa.

MATIUS 28:8

it hemi omanogo oumo andoma nen laga logolik inailo agaukwa meneat he, hobuk inendawimo inagaiyek hokhorogo hilik-hilik, at agoromi ane wanhi lagaukwa mene omanogo inoba fungusegat yagaisa lagaukwa.

LUKAS 1:28

Lakfei wagaikhemo re, at malaikat helenggerek a'nogo oba wagaikhesik he, mel yagatikhe: ”Maria nerei e! Allah nen fano mondok mene wokhesigeluk hemberek welagebo,” iluk a'nogo isikhemo re,

LUKAS 24:52

A'nogo lagagunem he, it agoromi omanogo ineindep awi yagaisogo fogeratukwasik he, inendawimo inagaiyek hokhorogo hasukwasik, o Yerusalem inambotkwe wagaukwa.

LUKAS 7:38

Waluk wagaikhesik oloba kwisikhesik he, Yesus eisok unggutmo ambotma horok-horok wagaikhesik he, andoma mendek logolik le aga lagaikhe. Le agunem eil amusu Yesus eisok oba pisikhemo re, esiba hobuk horatikhe. Horatikhesik he, eisok oba hai ambe saluk watikhesik he, amusu amben fano mene waluk wagaikhe a'nogo Yesus eisok oba watfesikhe.

YOHANES 12:3

A'nogo nunggu kwelek, at he Maria nen amusu enu naruwastu amben fano mene onggo hokhorogoat palharek mene Yesus eisok oba watfesikhesik he, at Maria onggwarek esiba tetikhe. A'nogo tetikhemo, oloba a'nogo amben mondok sang-pang isikhe.

YOHANES 20:19

A'nogo yagaisa wagaikhemo nen, o hari Minggu welagaukwa andi sambul hubanggo at Yesus agoromi ane wanhi lagaukwa mene omanogo, it ap Yahudi mene inailo nen he, o ekhema misi'mo kwe mondogat kolok warogo kwisukwasik welagaukwa. A'nogo were'ma, at Yesus lagaikhesik inanggele'ma menlagaikhesik he, mel yagaisasikhe: ”Nagoromi. Hina'manggen lagup,” iluk a'nogo yagaisasikhesik,

YOHANES 20:28

A'nogo yagatikhemo, at Tomas nen he, ”Eige! Noe, hebe henupogot Allah at hiigi o,” iluk yagatikhemo,

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

WAHYU 3:9

Yethani! It afuni Iblis againafuri andogotarek mene inebe Yahudi mene lek meneat he, ineranenat, nit ninebe Yahudi mene, iluk agarek mene andi, hit hinawe a'ma kwi we'luk, an hit nendawinggen hundik welagirek andi inelu asuageluk, it inebe hit hinoba fisa wesigin o, iluk eberogoat yagahisigi.