MATIUS 28:7 - Allah Wene Fano Wene Hupla Inane

⁷ Yethaluk he, Yesus a'nogo wa'lagasi'mo nen Allah nen elugetfikhemo o, iluk, at agoromi ane wanhi lagaukwa mene omanogo weak-weak yagaisa lani o. Hit o Galilea oan lagi'lek werek kwelek, at tak lagasik were'ma hineilenggen ha logoin o. Nane yagahisigi andi eberek logoino,” iluk yagaisasikhemo,

MATIUS 28:7 ပူးပေါင်းရင်းမြစ်များ

YESAYA 44:8

Hit An nunggulenu mene re hinailotik, youk lagik, u fugo, attagen engge yogondak huli nen An nen yi'nogo hilinglasigin iluk nane isigi lek nogo? Isigi aro. A'nogo isigi mene andi faget nane ugunem neasigip mene hit hinebe welagep andi. Hit hinebe hinagap telogo ale'ma hinobagaluk fethinarek werek mene re amu mene ekhe mondok lek, nen ap ebe ti iluk An nonggoraro.” iluk ikhe isikhe.

YESAYA 45:21

Wene hit hinoba mene hinendawimo werek mene andoma weinama selekhogo nek fagesi we'ni o, hiren hinane seberogo masugun andi fano. Sa nen wene andi sagarik lagarek nogo, nen endamen engge yagaisikherek nogo? An Tuhan nen he, lek nogo a? ilah amu mene An ninom higit mene re ekhe werek lek. An he Allah katokhogo hilingitik, hinagap telhik, igirek mene welagi. An ninom higit mene re ekhe werek lek!

MATIUS 24:25

Wene andi oan hilinglagi'lek werek kwelek husumbi tak yagahisigi andi fanorogo futfikhi logoino o.

MATIUS 26:32

Meneat he, an noatunem Allah nen hobuk neluget nafunem he, an attak o Galilea lambik hinelokhoma logogin,” iluk yagaisasikhemo,

MATIUS 28:10

Fogeratukwama, at Yesus nen he: ”Hinailo agubo. An nagoromi omanogo o Galilea loagen, yagaisa lani o,” iluk yagaisasikhe.

MATIUS 28:8

it hemi omanogo oumo andoma nen laga logolik inailo agaukwa meneat he, hobuk inendawimo inagaiyek hokhorogo hilik-hilik, at agoromi ane wanhi lagaukwa mene omanogo inoba fungusegat yagaisa lagaukwa.

MARKUS 14:28

Pugulugun meneat he, an noatunem, hobuk Allah nen neluget nafunem he, an tak o Galilea lambik hinelokhoma logogin o,” iluk yagaisasikhe.

MARKUS 16:10

Elokhoma menlagaikhemo eilenggen hasikhesik he, yonggo it afuni at Yesus inom welagaukwa mene fong wati logolik le agunem inoba lagaikhe.

MARKUS 16:13

Inombo'ne wagaikhemo re, ineilenggen hasukwasik inambotkwe inagaila'lak fena omanogo yagaisa lagaukwa meneat he, it inendawimo nen eberogoat iluk anggasukwa legat.

LUKAS 24:34

”Simon Yesus emberek ambi agaikhasik eilenggen hikhe mene andi, Allah nen eberogoat eluget fikhemo werek,” iluk wene pilingitunem lagaukwa.

YOHANES 14:29

Wene mondogat yagahisigi andi ebe hilinglaga halok, hiren he, wene yaganisasikhe a'nogo arat hilinglaga yi, iluk futfembik, hinendawinggen an noba himbiret fobagaigeluk, wene andi ebe oan hilinglagi'lek werek kwelek, abok tak yagahisigi.

YOHANES 16:4

A'nogo hilinghinafa halok he, hinendawimo nen he, wene yi, aren attagat yaganisikhe a'nogo arat hilingninabi'lagwi yi, iluk hinendawimo ebesubagaigen iluk, wene andi mondogat yagahisigi o,” iluk yagaisasikhe. At Yesus nen wene a'nogo yagaisasikhesik he, hobuk ekhe mel yagaisasikhe: ”An hit ninom yoma welago andi nen he, wene yi mondogat hit hinayonggo fikhi logolik yagahisigi'lek welagagi meneat he,

1 KORINTUS 15:4

Watukwama re, ebe warek omoula fei lagaukwa. Fei lagaukwama re, enggi pire warek welagaikhesik enggi ekheba Allah nen eluget fesikhe. Eluget fesikhe andi re, fageat Allah ane lisu palogo fesukwa higithogoat eluget fesikhe andi.

1 KORINTUS 15:6

Ombo'ne re, irat ombo'ne nikhi lagaukwa mene inebe 500 nen ekhe inomat, ambine ineilenggen hoageluk inelokhoma menlagaikheat. It ineilenggen hasukwa mene andi, inebe hokhokwe yogondak ineluk werek meneat he, ekhe endepkwe inebe wa'lagaukwa.