MATIUS 28:3 - Allah Wene Fano Wene Hupla Inane

³ At malaikat a'nogo elokhonggen he, eilabut hangge hilingiti logolik he, asu laberek mene elokhonggen oanggup hangge mondok yararet hasikhe.

MATIUS 28:3 ပူးပေါင်းရင်းမြစ်များ

MAZMUR 104:4

O sogoi re Hat mene, Haren inayonggo fuluk lakfisegendek, eilabut he Hat hamingmingengge logolik, Hat hobaget hilingitarek.

DANIEL 7:9

A'nogo yethigirik neilenggen oba mondok were'ma, e kursi inogogwi raja hurek welagaikharek mene ekhe fugunem higi. A'nogo fagama, At eluk mondok welagarek mene andi ebe kursi aremnogo ekheba hu'lagunem yethigi. Ap andi asu inom, esi inom, elokhonggen inom he mondok fano pogot anggulok hangge welaga. Nen, e kursi hurek welaga mene andi re eisok abampol hilingik meneba re, endu amulok kulung ugunem higi.

MATIUS 17:2

at ebe it ineilhanem, hunogoat hilinglaga logolik he, elokhonggen mo eil hangge hilinglagik, asu laberek mene kut mondok amulit hokhorogo hilinglagik isikhe.

MATIUS 28:4

A'nogo hilingitikhemo re, it ap kagalek welagaukwa mene omanogo inailo nen inoagelekwe lei'leik ikhi logolik he, afuni warek mene hangge mondok liongorogo hilinglagaukwa.

MARKUS 16:5

Hasukwasik, horokhogo wagaukwasik inebe kwisukwa re, ap alage mene ekhe asu kut uan mene laberogo inenggi ebekwe higit hurek were'ma ineilenggen hasukwasik he, ina'manggen lagaikhe.

MARKUS 9:3

asu elokhonggen hunogoat kut amulit hokhorogo hilinglagik, isikhe. A'nogo hilinglagaikhe andi, afuni kweangma yoma su sobalhu inelu mene nen sobalhunem amulit hilinglagarek hak lek. We, hunogoat amulit kurabelang hilinglagaikhe andi.

YOHANES 20:12

A'nogo le aga logolik, eilenggen kwelakhasikhe hak he, Yesus warek fesukwaba a'nogo malaikat inebe pire inasu kut mene. At ekhe Yesus warek fesukwaba unggulkwe higit, nen, at ekhe eisokwe higit, hurek were'ma eilenggen isasikhe.

KISAH PARA RASUL 1:10

Higi'lek logolik, at Yesus ebe liakfugu kwelek ineilenggen pogoroba higit liabek were'ma aremnogoat, ap inebe pire inasu kut mene laberek mene inera'lu menlasi pi wagaukwa.

WAHYU 10:1

A'nogo isigiri'mo nen hobuk he, at malaikat omame hokho mene ekhe asu higit he ohena mene huliliphogo. Nen, unggulkwe re kware-kware uware higit pukhogo. Nen, elokhonggen he, mo hangge. Nen, eisok he, endu amulok mot lagaikherek hangge mene, lisu palek yinggilik mage mene fikhalegengge enggim waluk pogoroba nen pi wagasik, eisok ebekwe re, i laut yenggelek oba figik, nen eisok harekwe re, kweang oba figik, ikhi logolik,

WAHYU 18:1

A'nogo yaganetesi'mo nen ombo'ne re, at malaikat hunogo mene ekhe pogoroba nen pi wagunem yethigi. At andi omame mondok hokho logolik, ebe amulit hokhoma re, afuni kweangma mene mondogat inoba ibilogo yethikhi laga higi.