MATIUS 28:18 - Allah Wene Fano Wene Hupla Inane

¹⁸ A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.

MATIUS 28:18 ပူးပေါင်းရင်းမြစ်များ

MAZMUR 89:19

Nineisena Tuhan, nit ma'murogo fetninarek mene andi re Haren wenagaisogo fesiginmo welagorego, Nen nit ninoe raja re it afuni Israel mene ineisena Allah horek mondok werek mene a'nogo onggwarek mene o.

MAZMUR 89:27

A'nogo hilingisogo foumo aren he mel yaganesigin, ”An neisena re Allah Harat logogin o. Hawe a'ma fetnarek mondok logolik, telnafi logogin mene o,” iluk yaganeti logogin.

AMSAL 8:15

An nen he, afuni inogogwi inenupogot logolik, ferinarek logouwagaluk leberisigik, it ap kaindek inomame werek mene wene tegeti logouwageluk leberisigik, igirek.

MATIUS 11:27

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Nen, an Allah amlogo yi afuni mondogat inonggot meneat he, neisena Allah amuat enek elu welagarek. Andi hak he, an neisena Allah andi, afuni mondogat inonggot meneat he, amlogo an namuat enek nelu welagirego. Nen, Allah amlogo anenat nendawimo anggaluk neisena ebe afuni ekhe inelu asuageluk fakhogo yagaisugunemat inelu agaikharego.

MATIUS 16:28

Nen, hit mendek welagep yoma mene ekhe wa'lagi'lek logolik, an abat ta'lasi wagagi a'nogo kain nenupogot logoigeluk afuni mondogat nawe a'ma inobagai wagunem hineilenggen neogoinaro, iluk eberogoat yagahisigi, iluk yagaisasikhe.

MATIUS 26:64

at Yesus nen he, ”Haren egen andi aro. Menere, an wene yi an nen hit mondogat yagahisak. Huli yogondagen he, an abat ta'lasi wagagi a'nogo, at Allah omame hokho yi mene ti mene hilingisigin enek a'nogo nemberek era'lu enggi ebekwe kainat logombik he, hobuk pogoroba andoma nen ohena anggele'ma pi wagunem hineilenggen neogoin o, iluk yagahisigi,” iluk yagatikhemo,

LUKAS 10:22

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Allah amlogo andi sa iluk afuni mondogat inonggot meneat he, an neisena alegat enek elu welagarek. Andi hak he, an neisena Allah andi sa, iluk afuni mondogat inonggot meneat he, amlogo an nalegat enek nelu welagirego. Nen, Allah amlogo an enat nendawimo anggalugen, neisena ebe afuni ekhe inelu asuageluk nane fakhogo yagaisigirek mene halok it andiat inelu agaikharego,” iluk, yagaisasikhe.

YOHANES 13:3

A'nogo endawimo kagalhikhemo, at Yesus endawimo nen he, ”Neisena nen yi mene ti mene mondogat an nenggiba fikhemo werek anggigi. Nen, an nebe Allah were'ma nen pi wagagisik, hombuk nambotkwe at oba lagagin anggigi,” iluk elu welagaikheat.

YOHANES 3:31

Nen afuni mondogat he, inenu lek enek. We, at po'lima nen pi wagaikhe mene andiat kain enu werego. Ap ekhe ebe kweangma nen tago mene halok, ebe kweangma meneatma, wene kweangma aweneat ikherego. It afuni mondogat inenu legat hak werek kwelegat he, ap ekhe pogoroba nen pi wagaikhe mene andiat enu esin lego werego.

YOHANES 3:35

At eisena nen amlogo ebe endawinggen hundik logolik, yi mene ti mene mondogat at eisewerek logouwageluk wogetikhe.

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

KISAH PARA RASUL 2:36

At Yesus ebe re, hiren eba menfuluk watepma, at Allah nen he, Hinoe Enupogot Kristus ebe yiat, iluk menfikhe andi. Halok he, hit afuni Israel mene mondogaren he, Wene andi eberogoat, iluk hinelurogo logoino,” iluk yagaisasikhe.

ROMA 14:9

Wa'lagaukwa mene inom, nineluk mene inom, lambukhogo faget, at Kristus nit ninobaget Enupogot logoigeluk, wa'lagaikhesik eluk agaikhe andi.

1 KORINTUS 15:27

Allah ane lisu yi'nogo palek werek: ”Yi mene ti mene mondogat at awe a'ma arat inobagai waga o,” iluk isukwama lisu palek werek. ”Mondogat awe a'ma inobagai waga o,” isukwama werek meneat he, at Allah inobagai waga mene onggwarek ebe Kristus awe a'ma kwigi'lek, iluk enegat werego.

KOLOSE 2:10

Malaikat pogoroba mene inom, munggwarengge obabut weak mene inom, inawe a'ma ferinarek were'ma inane holharek mene, Kristus ane holugun andi nen, hit ogo re, at hinom hundik logolik, hinendawinggen katokhogo wurik agepsik welagep andi.

IBRANI 1:2

Meneat he, o wurep oba, nit yogondak welago yaba re, Allah nen wene andi amlogo yagatikhemo, aren nit yaganisa wagaikhe. Amlogo andi re, eroba Allah nen yi mene ti mene mondogat elalhikhe andi, ebe at amlogo nenat elalhikhemo, eisewerek logouwageluk menfesikhemo welagarek andi.

IBRANI 2:8

yi mene ti mene mondogat nit ninane hologo logolik, fogetninafik, agaugwetninafik, ikhi logouwageluk menninobagasigin andi,” iluk lisu palogo fesukwa. Yi mene ti mene ekhe pelakfigi'lek mondogat nit ninane hologo logouwageluk isikhe meneat he, yogondak yi mene ti mene mondogat ninane holhi'lek oan werek hikhi lago.

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.

WAHYU 17:14

A'nogo eisewerek fembik, Domba Eak a'nogo weim inom yabuogeluk ugun meneat he, at Domba Eak ebe afuni kaindek inenupogot inom, inenuwerek mene inom, mondogat inoe enuwerek lego mene arat andi nen he, againafuri wenaginafikhesik inayonggo fesikhemo inobabut at faget humbunhogo hilingitarek mene omanogo, at ebikhit agaikhasik, inomen, at mene olomene hangge a'nogo agoromi inom mabenetfisogoin o,” iluk yaganete.

WAHYU 19:16

Nen, at enu salek ekhe yi'nogo: ”Ap kaindek inenupogot mondogat inom, inogogwi kaindek mondogat inom, inoe kain Nenupogot he, an aro,” iluk asu uan mene a'nogoba inom, agoba inom, lisu palek were'ma higi o.