MATIUS 27:66 - Allah Wene Fano Wene Hupla Inane

⁶⁶ A'nogo yagaisasikhemo, it omanogo woginarek wagaukwasik he, afuni nen he kwe husinogo iluk he, warek salek oba kwe helep te'merogo fesukwa a'nogo oba silo fagarek andi hak amusu watfuluk, it ap kagalek logogun mene omanogo kagalek logouwageluk fisaluk lagaukwa.

MATIUS 27:66 ပူးပေါင်းရင်းမြစ်များ

DANIEL 6:17

A'nogo isukwama, hobugen at raja a'nogo wene arat tekhogo isikhesik he, Daniel ebe fakfembik pogolema singa werek oba omanogo pelabuageluk yagaisasikhe. A'nogo yagaisasikhesik, at Daniel mel yagatikhe: ”Hat hebe heisena Allah oba lombok hogo logolik, fogeratendek mene a'nogo nenat telhabuago,” iluk yagatikhesik he, pelakfesikhe.

MATIUS 27:60

oumo at mene onggwaregen kerat anggwe folelhikheba andi fei lagaikhesik he, kwe helep sabia hokho mene limbilogo fei wagaikhesik te'merogo yagatfuluk lagaikhe.

MATIUS 27:65

at Pilatus nen he, ”Kagalek logogun mene inebe yi. Halok he, warek fagaba andoma fanorogo kagalek logouwageluk, woginarek lani o,” iluk yagaisasikhe.

MATIUS 28:11

A'nogo yagaisasikhemo, it hemi aremnogo oan lagu kwelek, it ap kagalek welagaukwa mene omanogo ekhe o silimo kwisukwasik he, wene mondogat hilinglagaikhe mene omanogo: ”Yi'nogo hilinglaga,” iluk he, it ap Allah eisewerek mene inogogwi kaindek omanogo mondok piling-palanghogo yagaisasukwa.

MATIUS 28:2

Wagu kwelek aremnogoat he, lugul hokhoat langet hugu kwelek malaikat pogoroba yonggo nikherek mene ekhe pi wagaikhesik, kwe helep mene to'morogo yagatukwa a'nogo lenggakhogo lakfesikhesik he, oba hu'lagaikhe.

YOHANES 20:1

Warek a'nogo fesukwama nen, o hari Minggu ba, at he Maria awi o Magdalena mene a'nogo o mum werek kwelek hup siakhogo warek oumo fesukwaba a'nogo wagaikhesik eilenggen kwelakhasikhe hak he, kwe helep yagarogo fesukwa mene a'nogo, lenggakhogo lakfesukwama kwe hurik were'ma hasikhe.

2 TIMOTIUS 2:19

Mene re, Allah nen o tik hak watikhe mene ningsek mondogat logogin andiba lisu mel iluk palek werek andi: ”Ninoe Enupogot onggwarek againafuri wenaginafikhe mene andi inebe elu o,” iluk isikhe. Nen, wene ekhe re, ”It ekhe nen he, An nebe ninoe Enupogot amlogo aro, iluk, ili'lagwi mene halok, Weak hilingisugun ninabiro, iluk herakfisaluk kwanirogo helalaga logouwago,” iluk, isikhemo lisu palek werek andi.

YOSUA 10:18

Yagasi lagaukwama at Yosua nen ikhi logolik he, ”Helep hokho mene limbilogo oumo andi elema yagat fuluk he, ap kagalek mene ekhe yaga logouwageluk fisano.