MATIUS 27:54 - Allah Wene Fano Wene Hupla Inane

⁵⁴ Nen, ap tentara mene inoe kain mene inom, agoromi fena Yesus era'lu kagalek welagaukwa mene omanogo inom, lugul langethigik, yi elalin mene hilinglagik, isikhe omanogo ineilenggen hasukwasik inailo hokhorogo agaukwasik he, ”Ap yi re, Allah amlogo eberogoat higi o,” iluk isukwa.

MATIUS 27:54 ပူးပေါင်းရင်းမြစ်များ

MATIUS 26:63

at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,

MATIUS 27:36

Arat sumburogo helasukwasik he, Yesus era'lu aremnogo kagalek welagaukwa.

MATIUS 27:40

”Wi! Haren he, mel isigin anggigi: Allah awi wurik yi meisalogo fembik he, nenggi pireba wuti logombik ekhe henaganek meneba katokhogo wusigin, iluk isigin a'nogo re, hebe Allah amlogo halok he, honggwarek hebe e ariba nen telogo pi me ta!” iluk inunggul kwanit hikhi logolik inane asegen wokhikhi lagaukwa.

MATIUS 27:43

Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.

MATIUS 27:51

Wa'lagunem, Allah awi wuri'mo su kain mene o senggelek ti'mokwe palek welagaikhe mene a'nogo tulem heirogo pelangerik pi wagik, lugul langethigik, helep heirogo kagalagik, isikhemo re,

MATIUS 4:3

A'nogo nele were'ma re, at Iblis inendawimo kagalik nikherek mene a'nogo oba wagaikhesik he, ”Hat eberogoat Allah amlogo halok he, helep yoma sumburu roti mene hilinglasuagen yagasin o,” iluk, yagatikhemo,

MATIUS 8:5

A'nogo yaga'luk he, o Kapernaum kugunem he, ap tentara mene inoe kain ekhe Yesus oba wagaikhesik he, ane elagaik ane mel yagatikhe:

MARKUS 15:39

Yesus a'nogo wa'lagunem he, it ap tentara mene inoe kain mene Yesus elokhoma higithogo logolik, a'nogo wa'lagunem eilenggen hasikhesik he, mel yagaisasikhe: ”Ap yi eberogoat Allah amlogo higi o,” iluk yagaisasikhe.

LUKAS 22:70

it mondogaren he, mel yagatukwa: ”Halok he, hat Allah amlogo nogo?” iluk yagatukwama, aren he: ”Hit hinonggwaregen egep andi aro,” iluk yagaisasikhemo,

YOHANES 19:7

it ap Yahudi mene omanogo nen he, mel yagatukwa: ”Aren ikhi logolik, An nebe Allah amlogo, isikhe andi nen, wene Allah nen komotninafikhe wene, niren hilingitorek andi higithogoat ebe wasu higit aro. Halok he, wasugun anggikhi lago,” iluk yagatukwa.

KISAH PARA RASUL 10:1

O Kaisarea andoma ap ekhe enu Kornelius welagaikhe. At andi re ap esa hokho logalharek mene enu Italia ikhi lagaukwa andi faget inoe kain welagaikhe.

KISAH PARA RASUL 2:37

A'nogo yagaisasikhemo, inesanggo holhukwasik, wene andiba inendawinggen abolok isikhemo re, iren Petrus inom, it ekhe Yesus nen wenagaisogo inayonggo fuluk lakfisasikhe mene ekhe inom, yagaisikhi logolik he, ”Nagaila'lak. Nit ninobabut ninggi'nogo hilingisu,” iluk yagaisasukwa.

KISAH PARA RASUL 21:32

Yonggo lagaukwama, aren he, agoromi tentara mene kaindek inom, inagoromi inom, woginarek afuni inane sagalhi lagaukwaba andoma fungusegat lagaikhe. Lagaikhemo, ineilenggen hasukwasik, ”Tentara inoe kain a'nogo agoromi woginarek waga,” iluk inailo nen Paulus yei wati lagaukwa mene a'nogo herakfesukwa.

KISAH PARA RASUL 23:17

Elurogo yagasi kwisikhemo, at Paulus nen ap tentara mene kain ekhe ebe wolhasikhesik he, mel yagatikhe: ”Noe. Ap alage yi nen, hinoe kain a'nogo wene ekhe yagasigin werego. Halok, haren at oba waluk lan o,” iluk yagatikhe.

KISAH PARA RASUL 23:23

A'nogo hilingitikhesik ap tentara esa folhi lagaukwa mene inoe kain a'nogo nen he, ap kaindek at awe a'ma welagaukwa mene inebe pire wolisasikhesik he, mel yagaisasikhe: ”Hiren ap tentara mene inebe 200 nen inom, wam kuda oba inebe hurek logolik weim yafarek mene inebe 70 nen inom, sikhe sigeba inoatarek mene inebe 200 nen inom, inom hokhorogoat andogerinabimbik he, yogondak hubanggo jam 9 o Kaisarea lobagaigen iluk wendeberogo fisano o.

KISAH PARA RASUL 27:1

Iren nit i soba o Italia lakninobagai wesuogeluk, wene arat palhukwasik he, ap tentara hokhorogo Kaisar agot esa folhi lagaukwa mene inoe kain enu Yulius nen Paulus inom, afuni inenggi hele warek mene ekhe inom, woginarek wesuageluk enggiba fesukwa.

KISAH PARA RASUL 27:43

A'nogo inoasuogeluk isukwa meneat he, it inoe kain a'nogo nen Paulus teligeluk he, ”A'nogo hilingisugun lego,” iluk wene palhikhe. Wene palhikhesik he, ”Kume hinelu mene tak pokharogo ima pimbik i aik oba wulibi lani o.

WAHYU 11:13

O andi sambul he, lugul hokho inailo mene ekhe lang-fanget hikhi logolik, o kota andi ebe 10 ba minggilogo fikhesik, hokhorogo herakfikhi logolik, misigat ekhe mondok wolelenggen tagalogo fikhi logolik, afuni inebe 7.000 nen inoatunem, it fena inoati'lek mene inailo hokhorogo agaikhasik, iren he, ”Allah pogoroba mene, nailo e,” iluk fogeratunem isigi o.