MATIUS 27:50 - Allah Wene Fano Wene Hupla Inane

⁵⁰ A'nogo isukwama, at Yesus hobuk ane misik oba hokhorogo isikhesik he, arat lebekhogo wa'lagaikhe.

MATIUS 27:50 ပူးပေါင်းရင်းမြစ်များ

DANIEL 9:26

A'nogo 62 kali 7 tahun logombik, ap Allah nen wenagaisogo menfagain mene andi weak hilingiti'lek meneat ebe wasugun. A'nogo wasumo, ap enupogot omame hokho mene agoromi tentara mene nen o kota Yerusalem inom, Allah awi wurik andi inom, meisalogo mondok leget fisagain. A'nogo logogun andem oba elugun kobokhogo re, Allah nen isikhe higithogoat, i fu nen yi mene ti mene waluk lagarek andi hak, weim yafik, yi mene ti mene mondok weaget figik, ugun.

MATIUS 27:49

it fena ekhe nen he, ”Po'logoni! At Elia nen teli wesigin a? Lega. Nineilenggen logouwok,” iluk isukwa.

MARKUS 15:37

A'nogo yagaisasikhemo, at Yesus ane misigam oba hokhorogo isikhesik, arat lebekhogo wa'lagaikhe.

LUKAS 23:46

A'nogo hilingitikhemo, at Yesus ane hokhorogo Allah yagati logolik he, ”Neisena e! An nareagun selokhogo, hat henggimo waninogen, iluk yagaheti o,” iluk yagatikhesik he, arat lebekhogo wa'lagaikhe.

YOHANES 10:11

Domba eisewerek logolik kwalogo welagirek mene, nobabut fano re, An nebe aro. Domba eisewerek fano mene andi re, anggo domba elelerogo wa'lasigin iluk endawimo anggikherek.

YOHANES 19:29

A'nogo isikhemo, andoma iwak anggur enggen amusu ale weak mene hinago were'ma, hali esinggen hangge mene sobalogo eba tokhogo Yesus ambeba fesukwa.

YOHANES 19:30

A'nogo wogetukwama, enduk mikhasikhesik he, mel isikhe: ”Arat hilingiti o!” iluk isikhesik, ot soma isikhesik he, ebe arat wa'lagaikhe.

IBRANI 2:14

Aren he, ”Afuni andi an nagainafuri,” iluk isikhe andi re, nit afuni wa'lagorek mene faget isikhe andi nen he, at ebe wa'laga logolik, nit afuni wa'lagorek mene ero at Iblis enggiba welagarek mene andi, at Yesus nen at Iblis ebe mabenet fisigik,

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

IBRANI 9:14

It inagap endakwe mene faget wam amep elo'lek meneba elok fano horinafi lagaukwa. Halok, nit Kristus amep esin meneba, ”Wene hinoba lek,” iluk ninendawimo selekhogo elok mondok ninobagaikherego. Nit Allah eluk welagarek mene endawimo fanorogo hilingiti logouwageluk, wam esi fano mene Allah wareti lagaukwa andi hak, at Kristus Allah Areagun etok mondok welagarek mene omameba, wa'laga logolik, ebe Allah wogetikhe andiba, nit attagat lek asigin mene tulemat hilingiti lagagu mene, aren, ”Wene hinoba lek,” iluk, at amep oba ninendawimo selekhogo ninobagaikhemo welago.