MATIUS 27:5 - Allah Wene Fano Wene Hupla Inane

⁵ at Yudas nen uang perak mene 30 nen wogetukwa a'nogo Allah awi wuri'mo woukhogo kwelakfisaluk he, onggwaregen alonggop hele kelogo ebe pinggi waralagaikhe.

MATIUS 27:5 ပူးပေါင်းရင်းမြစ်များ

2 SAMUEL 17:23

Nen, at Ahitofel a'nogo endawimo nen he, ”An nen wene igi mene hologo hilingiti'lek herakfisaga andi weak higi,” iluk futfesikhesik he, inebe woginarek lagungge wam keledai ambot oba kelogo fesikhesik, ebe oba lagasikhesik he, at onggwarek aiba lagaikhe. Lagaikhesik, yi mene ti mene aren hilingisu mene mondogat arat katokhogo hilingitikhesik, ebe onggwaregen alonggop hele kelogo warasikhemo, at eisena wa'lagaikhemo salhukwaba andoma salhukwa.

1RAJA-RAJA 16:18

A'nogo hilingitukwama re, at Zimri nen hasikhe re kota a'nogo iren mondogat sebel fakhasukwama hasikhesik he, at ebe awi istana ba omanogo kwi lagaikhesik, at ebe inom, o at ebe werek oba omanogo inomat endu fakfesikhemo ninggi logolik at ebe inomat nasikhe.

AYUB 2:9

A'nogo kibilhu were'ma, at agwe nen he, mel yagatikhe: ”Hat he, Allah oba lombokhogo mondok logogiluk hilingiti lagen a? Elo'lego. Haren he, Allah weak. Ebe nabit, iluk kofologo herakfisaluk he, hebe wa'lakhan o,” iluk yagatikhe.

AYUB 7:15

Andiba re an noba ou-pou hugu mondok welagirek mene andi herakfuluk he, nalonggop perelogo wa'la'le iluk anggikhi lagi.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

MATIUS 26:61

”At yi nenat, ”Allah awi andi meisalogo lakfembik he, obali'mo, hobuk nenggi pireba wuti logombigen ekheba arat wurep kobokhogo wusigin o, iluk isikhe mene,” isukwama re,

MATIUS 27:6

A'nogo hilingitikhemo, it ap kaindek Allah eisewerek mene omanogo nen uang perak mene 30 nen a'nogo wanhukwasik he, ”Uang yi ap amep onggo palagama Allah faget uang fagarek oba andoma fogoin mondok lego,” iluk isukwasik he,

LUKAS 1:21

A'nogo yagatu kwelek he, it afuni olulu samban ugu welagaukwa mene omanogo nen he, ”Zakharia a'nogo olulu mondok wulibi wagi'lek Allah awi wuri'mo oloba mondok werek andi nailo e!” iluk a'nogo ugunem,

HAKIM–HAKIM 9:54

Ariginhikhemo at Abimelekh en weak-weak ap alage mene nen at asikhe waluk laga-lagaikhe mene a'nogo woletikhe. Woletikhesik yagati logolik, ”An he, he mene nen wate ikhi logogun andi re nabiro, henggarok andi lisogo an nebe pinggi noasin” iluk isikhemo re, ap souge mene a'nogo nen at Abimelekh a'nogo talogo watikhemo ebe pinggi wa'lagaikhe.