MATIUS 27:48 - Allah Wene Fano Wene Hupla Inane

⁴⁸ ap it mene ekhe fungusek lagaikhesik he, hali esinggen hangge mene anggur enggen amusu ale weak mene magaisogo nen noageluk esunggwat oba fo'lokhogo wogetikhe mene re,

MATIUS 27:48 ပူးပေါင်းရင်းမြစ်များ

MAZMUR 69:21

An nebe afuni nen seramet nobagali'lagwi andi faget, nendawinggen warikhi logolik he, nobakheindok palagunem welagi. Nebe inendawit nabuagaluk heraginafi lagi meneat he, we tulemat heraginafirego. Nendawinggen sebeluageluk heraginafirek oba nen he, inebe isigirek mondok legaro.

MATIUS 27:34

Wagaukwasik he, anggur enggen amusu inom, wam amise hangge ale weak mene amusu inom, inom misikwe hilingisogo, at noageluk wogetukwama mikhasikhesik he, nabit iluk ninggi'lek, herakfesikhe.

MATIUS 27:47

A'nogo yagatunem, it afuni fena andoma welagaukwa mene inesanggo holhukwasik he, ”Ap yi Elia woleri'logo,” iluk isukwama

MATIUS 27:49

it fena ekhe nen he, ”Po'logoni! At Elia nen teli wesigin a? Lega. Nineilenggen logouwok,” iluk isukwa.

MARKUS 15:36

ap ekhe fungusek lagaikhesik he, hali esinggen hangge mene anggur enggen amusu ale weak mene magaisogo nen, noageluk esunggwat oba tokhogo wogeti logolik he, it ekhe mel yagaisasikhe: ”A! Elia nen he, at yi telogo pelakfei wesigin he a? Lek he a. Nineilenggen logouwok,” iluk yagaisasikhe.

LUKAS 23:36

Nen, it ap tentara mene omanogo oba horokhogo wagaukwasik, anggur enggen amusu ale weak mene a'nogo hegethasukwasik he, inane asegen wokhikhi logolik, ”Hat afuni Yahudi mene inoe kain henupogot eberogoat halok he, honggwaregen telan he,” iluk yagatukwa.