MATIUS 27:45 - Allah Wene Fano Wene Hupla Inane

⁴⁵ A'nogo yagatu were'ma re, o lingge tulem jam 12 oba o mum agaikhesik he, o andoma mondogat huli jam 3 mumat welagaikhe.

MATIUS 27:45 ပူးပေါင်းရင်းမြစ်များ

YESAYA 50:3

Pogot he elokhe mumeak mene hilingisogo figik, su kain afuni wa'lagunem yanggulharek andi hakhogo salogo figik isigi andi,” iluk ikhe.

AMOS 8:9

An nen he, o linggene werek kwelek mo ubukhogo kuageluk hilingitik, mum asuageluk hilingitik, igin oba werego, iluk An hineisena Tuhan Lego Mondok welagirek mene a'nogo nen nane arat igi.

MARKUS 15:25

Yesus ebe watukwa andi re, ohealek jam 9 eba menfesukwa.

YOHANES 19:14

Hu'lagaikhe andi sambul he, ohealekwe seni enu Paskah a'nogo nilik louwogeluk, yi mene ti mene andogorogo fugu kwelek, jam 12 hangge lingge tulem hu'lagaikhe. Hu'lagaikhesik, afuni Yahudi mene mel yagaisasikhe: ”Ap yi sani. Ap yi hit hinoe Enupogot yi hineilenggen hani!” iluk yagaisasikhemo,

KISAH PARA RASUL 3:1

Inenggi ekhe sambul he, jam 3 oba, mo hea i lageluk ugu kwelek, Petrus Yohanes emberek, afuni Allah awi wuri'mo samban ikhi lagaukwa hak uogeluk ugunem, inoba lagasukwa.

WAHYU 8:12

A'nogo malaikat inebe henagan andem inambinggong anet hagasik oba nen, ekhe ambinggong anet hugunem he, mo inom, tugi inom, hesagal inom, afuni yei inoatunem inomame lek agarek andi hak, inamulit henagan oba hakhogo minggilogo fuluk, pire herakfikhi logolik, ekhe mum a'luk yati'lek kamo ikhi logolik, o lingge misigat mene, hokhokwe mo yati la'lugen, endepkwe yati'lek kamo igik, o hup misik mene minggilogo, hokhokwe selek wela'luk, endepkwe mum mondok agik, ikhi laga higi.

WAHYU 9:2

Pi wagasik, kweang a'ma ma'lima kwe hutunem he, endu so'le lei fatunem hokhorogo lagaikherek andi hak, kwe hurikwe andi nen, so'le lagakhi logolik he, mo inom, pogot inom, mum hilingisogo fugunem yethigi.