MATIUS 27:31 - Allah Wene Fano Wene Hupla Inane

³¹ A'nogo hilingiti lagaukwasik he, su elokhonggen kibi-kibi warek hangge mene a'nogo nonggologo re, at onggwarek asu mene labetfigik, isukwasik he, eba menfuluk wasuogeluk waluk wulibi wagaukwa.

MATIUS 27:31 ပူးပေါင်းရင်းမြစ်များ

1RAJA-RAJA 21:10

A'nogo yagasimbik he, ap inebe pire inobabut mondok weak mene at Nabot elokhoma hu'lasimbik, enggali warogo wene oba fikhi logolik, mel yagasuak: Haren Allah inom, raja Ahab inom, inenu weak hilingisogo fisegen andi, mondok weak hilingiten o, iluk o kota leget pa'leget abel endakwe waluk wulibi lambik, ebe helep oba fukhogo mondok pinggi wasuagen yagaisano o,” iluk lisu palogo lakfesikhe.

1RAJA-RAJA 21:13

A'nogo yagatukwasik, ap inebe pire inobabut mondok weak mene at Nabot elokhoma hu'lasuagaluk yagaisasukwama, inebe hu'lagaukwasik afuni ineilhanem enggali warogo wene oba fikhi logolik, mel yagatukwa: ”Haren Allah inom, raja Ahab inom, inenu weak hilingisogo fisegen andi mondok weak hilingiten o,” iluk yagatukwasik ebe o kota leget pa'leget abel endakwe waluk wulibi lagaukwasik helep oba fuk fakhogo mondok pinggi watukwa.

YESAYA 53:7

At oba wiik weakhogo hilingisogo fugu kwelek, afe morogo welaga. Wam domba wasuogeluk waluk lagu kwelek hea, athe domba isa mene esi palhu kwelek hea, ane legat welagarek andi hak, at ebe weak hilingisogo fugu kwelek meneat he ane igi'legat welaga andi.

BILANGAN 15:35

Tuhan nen Musaba yagati logolik he, ”Ap andi re ebe pinggi wasugun. At ebe waluk he o sabu wurik mene omanogo abel endakwe fikhit wulibi laluk he, it afuni a'nogo nen helep oba tunghogo pinggi warogo foumo wa'lasigin.” iluk yagatikhe.

MATIUS 20:19

Wene noba fembik he, it ap endakwe mene nen inane asegen yaganetik, yei lambisogengge noatik, imbik he, nebe eba mennobagambik noasuageluk wogisogoin o. Nen, arat noatunem, nenggi pire warek logombik he, henaganek he neisena Allah nen neluget nabigin o,” iluk, yagaisasikhe.

MATIUS 21:39

ebe fakfuluk yabumo nen leget enda'ma wulak fesukwasik, ebe mondok watukwa.

MATIUS 26:2

”Ninenggi pire logombigen seni Paskah hilingisugun andi hit hineluaro. A'nogo hilingitu kwelek, an abat ta'lasi wagagi a'nogo, aben yonggo lambik, it ekhe nen eba mennobagambik noasuageluk inenggiba nobagagun o,” iluk yagaisasikhe.

MARKUS 15:20

A'nogo arat hilingitukwasik, su uan elokhonggen kibi-kibi warek hangge mene nonggologo fesukwasik he, onggwarek asu mene ambotkwe labetfesukwasik eba menfuluk wasuogeluk leget enda'ma waluk wulibi wagaukwa.

YOHANES 19:16

at Pilatus nen Yesus ebe eba menfuluk wasuageluk wogisasikhe. A'nogo wogisasikhemo re, Yesus ebe waluk wulifukwa.

YOHANES 19:27

at agot a'nogo yagati logolik he, ”Nagot. Hat hagaisa ari aro,” iluk ugu kwelek aremnogoat Yesus agaisa a'nogo, at agot a'nogo ouwa'ma logouwageluk awiba waluk lagaikhe.

KISAH PARA RASUL 7:58

Oba hop-hop kwisukwasik, o kota nen leget endakwe hambokhogo wulakfesukwasik he, helep oba tamuk-tamakhogo watukwa. Ebe wasuogeluk he, irat ane ugunem inesanggo holhukwasik, wene oba fesukwa mene omanogo inasu endakwe mene nonggologo re, ap alage mene enu Saulus awe a'ma fesukwa.

IBRANI 13:12

A'nogo hilingiti lagaukwa andi nen, at Yesus onggwarek amep oba againafuri weak hilingitarek mene horogo, inebe Allah faget fisageluk leget pa'leget ambe palek abel endakwe wa'lagaikhe andi.