MATIUS 27:22 - Allah Wene Fano Wene Hupla Inane

²² A'nogo yagatukwama, at Pilatus a'nogo nen he, ”Halok he, Yesus enu ekhe Kristus yi ninggi'nogo hilingisik,” iluk yagaisasikhemo, it omanogo nen he: ”Eba menfuluk wa'no o!” iluk yagatukwa.

MATIUS 27:22 ပူးပေါင်းရင်းမြစ်များ

AYUB 31:31

An nobabut he, ap pok we, koma nen, naiba wagunem herakfisigi'lek woginafirek a'nogo re, afuni yabu an faget hilingitarek mene re inelu o. An naiba ap pok wagunem woginafu mene fagerat welagarek andi nen he, ap pok wagunem ebekhalem nogo i loagaluk herakfisigirek mondok lego.

YESAYA 49:7

Allah Horek Mondok logolik Is rael mene inagap telinaferek mene a'nogo nen, mel ikhe ap andi oba li'norogo inabit oba fagarek mene inom, nen it inunggulenu lombok welagaikharek mene omanogo nen at oba inabit anggagarek mene inom, nen it ap inenu werek mene inamingmingengge a'luk werek mene a'nogo nen inom, at oba ikhi logolik, ”Raja-raja andoma nen he, An nen hilingisigin mene neogoin aro, it inebe menla'luk An fogetnafi logogun. hilingisigin mene omanogo ineilenggen haluk he it hobuk hebekhogo An fogetnafi logogun aro. A'nogo hilingitunem it ap inenu werek inap logogun mene omanogo nen ogo ineilenggen haluk he ineindep awi yagaisogo fogetnabugun aro,” iluk ikhe. Andi hilinglasigin andi re, At Tuhan nen Amingmingengge a'nogo mondogat wenagaisogo fikhe andi nen hilingisigin. At Allah Horek mondok logolik Israel mene ineisena welagarek mene andi nen, Aren wene ikherek meneba tiphogo nek hilingiri'lago andiba hilingisigin.

ZAKHARIA 11:8

An nen a'nogo halinafunem he, ap gembala inebe henagan mene nen an li'norogo wena'neti logolik inabit noba fugunem he, an na'mage sebelu mondok elo'lekhogo hilingnafi laga. A'nogo hilingnafu nen he, tugi misik meneba nek he, it a'nogo mugusogo wulakfisigi.

MATIUS 1:16

Yakub en Yusup he Maria agun a'nogo, tatik, he Maria nen he, Yesus, niren Kristus ikhi lago a'nogo tatik, eroba nen taginabik wagaukwa.

MATIUS 27:17

afuni hokhorogo andogotu kwelek, at Pilatus a'nogo eilenggen hasikhesik he, ”It yoma re, Yesus oba wene palogo nenat waluk wagaikha anggigi,” iluk, futfesikhesigat he, mel yagaisasikhe: ”Hit hinendawimo nen he, ap enu sa fikhalogo wo'nisoak anggikhi lagep. Yesus Barabas? I a, athe, Yesus enu ekhe Kristus agarek a'nogo a?” iluk, yagaisasikhesik he,

MATIUS 27:21

at Gubernur a'nogo nen, ”Ap inebe pire ya re, at sa hak hele fikhalnisoageluk anggikhi lagep,” iluk yagaisasikhemo iren he, ”Barabas andi hele fikhalnisan o,” iluk yagatukwa.

MATIUS 27:23

A'nogo yagatukwama, aren he, ”Aren weak ebe ki mene hilingitemo,” iluk yagaisasikhemo re, iren inane ninghogoat yagati logolik, ”Eba menfuluk wa'no o!” iluk yagatukwa.

MARKUS 14:55

It a'nogo sogoi sakhugu kwelek he, it ap Allah eisewerek mene inogogwi kaindek omanogo inom, wene Allah ane faget ero pilingitarek mene inebe mondogat inom, inom logolik, wene Yesus oba fesukwasik wasuogeluk he, mel isukwa: ”Afuni at weak hilingitunem ineilenggen haga mene uagen heraginabini o,” iluk isukwama heraginafukwa meneat he, lek agaikhe.

YOHANES 4:25

A'nogo yagatikhemo, at he a'nogo nen he, mel yagatikhe: ”Afuni telninabuageluk Allah nen kain enu Kristus andi lakfei wesigin. Lakfei wagunem ebe wesimbik he, yi wene ti wene mondogat nit yaganisikhi logogin iluk an nelu o,” iluk yagatikhe.

KISAH PARA RASUL 13:28

Iren he, wene ki mene oba fembik wasuok, iluk ero heratukwa meneat he, wene oba lek agaikhe andi nen he, at Pilatus nen ebe wasuageluk wogetukwa andi.

KISAH PARA RASUL 13:38

Nerugwi nagaila'lak. Wene yi hinelurogo logoino o. At Yesus Allah nen a'nogo eluget fesikhe andiba, hit weak hilingiti lagep mene andi, aren sebelogo legetfisoageluk yagahisikhi lago andi.