MATIUS 27:19 - Allah Wene Fano Wene Hupla Inane

¹⁹ wene ero pilingitare'ma aremnogo hurek were'ma, at Pilatus agwe nen ap ekhe wene warogo lakfei wagaikhe. Lakfei waga logolik he, mel isikhe: ”An hubanggo nogo ugunem ap andi fagerat nabi mondok weak higirigo. Halok he, at obabut fano mene andi hat hinomen wene oba fugubo,” iluk isikhemo yagasi wagaukwa meneat he,

MATIUS 27:19 ပူးပေါင်းရင်းမြစ်များ

KEJADIAN 31:11

Nen, an nabi hugunem aremnogo, At Allah ebe malaikat higit a'luk an nabiba yaganeti logolik, ’Yakub ahwi!’ ugunem an nen, ’Wui!’ iluk yagati.

KEJADIAN 31:24

Andoma wagaukwasik hup nogokhi logolik Laban abi wokhugunemen, Allah ambit wagaikhesik yagati logolik, ”Hat haneba nen wene misik iluk at Yakub ailo asu mene ekhe yagatun o,” iluk yagatikhe.

KEJADIAN 31:29

Andi nen wene andi re an nen hat hoba weak hilingisogo fouba nen he, o yogondak hubanggo Allah hat heisena nen fogerati laga mene a'nogo nen nabiba yaganeti logolik, Haren Yakub oba yi'nogo ti'nogo ekhe hilingisu fuk, iluk komotnafe.

AMSAL 29:1

Ap ekhe hundik komotu werek kwelek oba nen ap ane sagalhu mondok werek halok, misik sambul ekhe alperelogo foumo, hobuk obabut hebelasigin mondok lek.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

BILANGAN 12:6

mel yagaisasikhe: ”An nen wene yagahisagain yi hinesanggo holini o. Ap hit mene nen An nane yagaisagarek mene were'ma, An hineisena Tuhan nebe inabikanggoba inelokhoma menlagik, wene inabiba yagaisigik, igirego.

MATIUS 1:20

A'nogo anggikhi logolik, hubanggo nogo ugunem he, at malaikat Allah pogoroba nen yonggo pelakfisa wagarek mene ekhe oba wagaikhesik he, mel yagatikhe: ”Yusuf Daud omba yi. Hat he, hele Maria andi wanigin nabit, iluk hendawimo anggagun o. Omalik andi Allah Areagun en at a'mat fikhemo. Halok he, wanin o.

MATIUS 2:19

At kain Herodes a'nogo arat wa'lagaikhemo re, malaikat Allah nen lakfei wagaikhemo wagaikhesik he, Yusuf o Mesir andoma logolik nogo ugunem hubanggo abiba re, mel yagatikhe:

MATIUS 2:22

Wagaukwama re, it afuni nen he, ”O Propinsi Yudea tonggwe omanogo hobuk ap kain he, enu Arkelaus, andi eisena Herodes obali'mo menfagama werego,” iluk isukwama, Yusuf esanggo holhikhesik he, o andoma lagain ailo agaikhesik were'ma, at Allah nen, ”O Yudea andoma lagun o,” iluk, abiba husumbi yagatikhemo, o Galilea andomaat wagaukwa.

MATIUS 27:24

A'nogo yagatukwama, at Pilatus nen he, ”It afuni yoma nen, wasugunat, iluk inane ninghogoat ikhi logolik wurep oba weak asigin meneat, an nane tulemat alemarogo ikhi lagi higi,” iluk, i hinago ekhe wanhikhesik he, afuni omanogo ineilenggen werek kwelek enggibene sobalhi logolik he, mel yagaisasikhe: ”Ap yi amep he, an noba asigin lego. Hirat hinoba asigin o,” iluk, yagaisasikhemo,

MATIUS 27:4

”Eige! Ap andi weak hilingiti'le'maat wasubagaigeluk yonggo wagimo o. Halok he, weagat hilingitimo higi o,” iluk, yagaisasikhemo, it omanogo nen he ”Wene andi nit ninoba agama anggegen? Lego. Andi hat hoba lombogaro,” iluk yagatukwama re,

LUKAS 23:41

Nit he, weak hilingiti lagoma ninobabut oba ninoasugun higithogoat ninoata meneat he, at yi nek he, weak ekhe a'nogo hilingiti'lego,” iluk yagatikhesik,

LUKAS 23:47

A'nogo hilingitikhemo ap tentara mene inoe kain a'nogo eilenggen hasikhesik Allah fogerati logolik he, ”Ap yi eberogoat weak hilingiti'le'ma higi o,” iluk isikhe.

YOHANES 19:13

at Pilatus esanggo holhikhesik, Yesus ebe waluk wulibi wagaikhesik he, o sili enu Helep ma. It afuni Ibrani mene inaneba re, enu Gabata ikhi lagaukwaba andoma e talek oba hurek logolik wene inoba figik kotik agarek oba hu'lagaikhe.

KISAH PARA RASUL 12:21

Yagatukwama re, at Herodes nen he, ”Ninenggi yiba nen lambulugun,” iluk wene warisasikhe. Wene warisasikheba higit agaikhemo, aren su ap kaindek labetarek mene labetikhesik, wene elugun wati logolik alele e talek oba hurek welagaikheba hu'lagaikhesik, komorinabigeluk wene ero wulakfesikhe.

KISAH PARA RASUL 18:12

O propinsi Akhaya andoma ap kain Galio gubernur logouwageluk menfesukwama were'ma, it afuni Yahudi mene inebe andoget fesukwasik, Paulus ebe wasuogeluk fakfesukwasik he, anema wanuageluk ap wene inoba figik, kotik, agarek mene inoba waluk lagaukwa.

KISAH PARA RASUL 18:16

A'nogo yagaisasikhesik he, o wene inoba figik, kotik, agarek oba andoma nen mugusogo wulakfisasikhe.

KISAH PARA RASUL 18:17

Wulakfisugunem, it afuni ekhe mondogaren he, ap enu Sostenes, o afuni Yahudi mene samban agarek oba eisewerek kain welagaikhe mene andi, ebe fakfesukwasik he, o wene inoba figik, kotik, ikhi lagaukwaba andoma ebe yei watukwa. A'nogo watu kwelegat he, at Galio a'nogo nen elele wanhi'lek obakhe nene kamo isikhe.

KISAH PARA RASUL 25:10

Yagatikhemo, at Paulus nen he, ”An yogondak he, wene inoba figik, kotik, agarek oba yoma, ninoe kain Kaisar Roma mene enggiba welagi. Halok, wene noba faga mene yi, at were'ma andoma nenat ero heragaisogo elugun wasuak. An nen it Yahudi mene weak ekhe hilinginafi'lek andi, hat helu aro.

KISAH PARA RASUL 25:17

A'nogo yagaisigirik, inebe ninom yoma wagosik, ninenggi welagi'legat he, ohealekwe nagoromi nen ap andi o afuni wene inoba figik, kotik, agarek oba waluk wesuageluk yagaisigi.

KISAH PARA RASUL 25:6

A'nogo yagaisasikhesik, enggi 8 en he a? 10 nen he a, inom o Yerusalem welagaukwasigen, o Kaisarea wagaikhe. Wagaikhesik, ohealekwe re, o afuni wene inoba figik, kotik, ikhi lagaukwaba hu'lasi kwisukwasik, agoromi nen Paulus ebe waluk wesuageluk yagaisasikhe.

1 PETRUS 2:22

Aren he, ”Weak ekhe hilingiti'legat. Nen, eranen ugunem, afuni ekhe inesanggo holhi'legaro.”

1 YOHANES 2:1

Nen, nagainafuri e. Hit weak hilingiti logoinogo iluk, wene yi lisu palogo hinoba lakfei wagi o. A'nogo meneat he, sa nen weak hilingite halok, nineisena Allah were'ma nit lebetnisikherek mene ap ekhe hulisanem werek. At andi ebe re Yesus Kristus obabut higithogo hilingiterek mene a'nogo aro.