MATIUS 26:74 - Allah Wene Fano Wene Hupla Inane

⁷⁴ at Petrus nen he, ”Ap andi ebe an nonggoro, Neisena Allah oak! Nera nen igi halok, aren noasuago,” iluk, hombuk palhu kwelek aremnogoat sue ayam ane arat isikhe.

MATIUS 26:74 ပူးပေါင်းရင်းမြစ်များ

MATIUS 10:28

Afuni nen hinareagun inom hinoasugun elo'lek. We, hinebe nek hinoasugun andi nen he, hinailorogo logogubo. Meneat he, at Allah nek he, hinareagun inom, hinebe inom, elok mondok warogo endu ai'mo lakhinobagagin werek andi nen he, at Allah oba nek hinailorogo logoino.

MATIUS 26:34

at Yesus nen he, ”Yogondak hubanggo sue ayam ane oan igi'lek werek kwelek, haren he,” Yesus andi an nonggoro, iluk, henggi henagan oba labeligin a'naga, iluk, eberogoat yagaheti,” iluk yagatikhemo,

MATIUS 26:73

aremnogoat were'ma, it afuni hokhorogo omanogo Petrus oba wagaukwasik he, mel yagatukwa: ”Hat hebe eberogoat it mene aro. Hane enegat futfikhi lago,” iluk yagatukwama,

MATIUS 26:75

Sue ayam ane arat isikhemo, at Petrus nen he, ”I o. Yesus nen an yaganeti logolik, Sue ayam ane igi'lek werek kwelek, haren he, Yesus nonggoro, iluk henggi henagan oba labeligin, iluk yaganete mene a'nogo ebe arat labelhi yi higi,” iluk, endawimo ebetfuluk wulifikhesik he, le mondok hokhorogo endawi fit-fit le agaikhe.

MATIUS 27:25

it omanogo inane ninghogoat ikhi logolik he, ”At amep andi re, nit ninagainafuri ninomat ninoba logouwago!” iluk yagatukwama re,

MARKUS 14:30

At Yesus nen he: ”Yogondak hubanggo yiat, sue ayam ane attak imbigen, hobuk igi'lek werek kwelek, haren he: Yesus andi nonggoro, iluk henggi henagan oba labeligin a'naga, iluk eberogoat yagaheti o,” iluk yagatikhemo,

MARKUS 14:68

Yagatikhemo, aren he, mel yagatikhe: ”An nonggoro. Hat egen andi futfigi lego,” iluk labelhikhe. Labelhikhesik he, kwe hokho ambe pale'ma wulifarek oba wulibi wagaikhesik werek kwelek he, sue ayam ane isikhe.

LUKAS 22:60

at Petrus nen he, ”Noe! Hat egen andi, An nonggoro,” iluk ugu kwelek aremnogoat he, ayam ane isikhe.

YOHANES 18:27

at Petrus nen he, ”Lego,” iluk labelhikheat. A'nogo labelhu kwelek aremnogoat sue ayam ane isikhe.

1 KORINTUS 16:22

At ekhe nen, ninoe Enupogot endawi hundik lek halok he, Allah nen at andi ebe homan fouwago. Mene re, ninoe Enupogot weak-weak eme o, u hak, Maranatha, iluk igi andi.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.

HAKIM–HAKIM 17:2

Logolik linggene misik sambul he aren agaisaba ikhi logolik, ”Heisa, hat uang perak mene ebe 1.100 nen longgo ikhe sambul aremnogo an nen nesanggo holhugunemen he, heisa haren he ap hinate mene a'nogo homan fikhi lagen hiigi, nagaisa. Nagaisa ebe an nen hinatinggere uang ebe yi!” iluk isikhemo agaisa nen onggo ikhi logolik he, ”Namlogo, hebe Tuhan nen fanot hobagauwago!” iluk yagatikhe.