MATIUS 26:70 - Allah Wene Fano Wene Hupla Inane

⁷⁰ at Petrus nen afuni hokhorogo ineilhanemat he, mel yagatikhe: ”Hat egen andi an nonggoro,” iluk,

MATIUS 26:70 ပူးပေါင်းရင်းမြစ်များ

AMSAL 28:26

Ap ekhe nen at onggwaregen ikherek mene nek fano anggikhe halok he, aren wenggelherek mene andi re fano mene re fuk, oba nen at ekhe ap hebelek mene nen yagatu mene higithogo hilingitu halok he agap telek logogin.

AMSAL 29:23

Ap legeisogo fakhikherek mene andi re hobuk sebelasigin, nen ap obabut sebelek mene re hobuk fogerasugun.

AMSAL 29:25

Aben ugu mene faget hailoti logogin mene halok he weak mene ambisangma hoba asigin, nen Tuhan oba hendawinggen tiphogo logogin halok he hat hobuk hili waganek logogin.

YESAYA 57:11

Tuhan nen ikhi logolik, ”Sa nen tugwi kembu andomaba hinailo mene hilingfugunem hiren hineranen wene ikhi logolik An noba ebetniikhi lagep lek nogo? An nane igi'lek aloksek welagi andiba hiren An fogetnafi lagep lega?

YEREMIA 17:9

Afuni inendawinggenma re yi'nogo hilingik iluk futfisa lek hak, yi mene ti mene andoma we endep harek hak, oba nen he afuni inendawinggen andi re awulagam mondok weak, nen obabut ogore mondok weagat.

MATIUS 26:51

Fakfugunem he, ap ekhe Yesus inom welagaukwa mene a'nogo nen karok awingga elonggoma kwelabek mene oua'ma nen lisogo re, ap Allah eisewerek inoe kain mene amingmingengge ekhe wasigeluk fugethasikhe re, esanggo nek sabelogo lakfesikhe.

MATIUS 26:56

it ap Allah ane yagaisikhi lagaukwa mene nen lisu palhukwa a'nogo emberek higit asuageluk hilingnafebo,” iluk, yagaisasikhemo re, it ap at ane wanhi lagaukwa mene omanogo, at ebe hebisaluk heise mondok pugulhukwa.

MATIUS 26:58

Yesus a'nogo waluk lagu kwelek, at Petrus a'nogo hobuk inombo'ne igam-hegam laga lagaikhesik he, ap kain Kayafas a'nogo awililu kwisikhesik, ”Yesus ebe ninggi'nogo hilingisugun,” iluk eilenggen isageluk he, at Kayafas agoromi Allah awi wurik kwalogo welagaikharek mene ekhe inanggele'ma hu'lagaikhe.

MATIUS 26:69

A'nogo yagatu kwelek, at Petrus a'nogo olulu o honggole'ma hurek were'ma, helenggerek inamingmingengge mene ekhe oba wagaikhesik he, mel yagatikhe: ”Harogo re, Yesus Galilea mene andi hinom nikhi lagep mene anggigi,” iluk yagatikhemo,

MATIUS 26:71

kwe hokho ambe pale'ma wulifarek oba wulibi wesigeluk ugunem he, at helenggerek ekhe inamingmingengge hunogoat mene eilenggen yethasikhesik, afuni hokhorogo omanogo mel yagaisasikhe: ”Ap yi Yesus Nasaret mene a'nogo inom nikharek mene aro,” iluk yagaisasikhemo,

LUKAS 22:57

at Petrus nen labelhi logolik he, mel yagatikhe: ”Lego. Hele yi! Ap andi ebe an nonggoro,” iluk yagatikhe.

ROMA 11:20

A'nogo higirat anggikhi lagep meneat he, hinendawimo ebe'ni. It inendawinggen Allah oba himbiret figi'legen palogo lakfisasikhe. Mene re, hit enek he, hinendawinggen Allah oba himbiret fesigip andi nen wokhinafikhemo welagep andi. Halok he, hinonggwaregen fogerakhigi'lek, hinailorogo logoino.

1 KORINTUS 10:12

Andi nen he, hat ekhe hendawimo nen: ”An nendawinggen wurik, mendek welagi o,” iluk anggegen halok he, sanokhogo lagi hanogoluk hafe hebelogo logoino.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.