MATIUS 26:65 - Allah Wene Fano Wene Hupla Inane

⁶⁵ it ap Allah eisewerek inoe kain a'nogo asu tiliphogo lakfisikhi logolik he, mel yagaisasikhe: ”Allah endawimo sebelfikhesik enu weagetfikhe andi hegeba? Afuni nen at weak hilingitunem ineilenggen haga mene wene furogo uageluk nenahalok yerinarek logogun. Aren Allah endawimo sebelfikhesik enu weagetfikhe andi arat hinesanggo holhep.

MATIUS 26:65 ပူးပေါင်းရင်းမြစ်များ

2 RAJA-RAJA 18:37

A'nogo hilingitukwama, it Elyakim inom, Sebna inom, Yoah inom, aremnogo re, inendawimo weakhogo re, inasu laberek mene tibilhogo lakfisaluk, ap tentara Asyur mene inoe kain perwira a'nogo nen wene isikhe mene omanogo at raja Hizkia yagasi wagaukwa.

YEREMIA 36:24

A'nogo hilingitunem at Elnatan inom, Delaya inom, Gemarya inom he, ineisenaba a'nogo hilingitu lek iluk kini wani agama nen he at raja nen it inane holhi'legat hilingite. At raja ebe inom nen it yabu legoma hilingitarek inaben inomen he buku a'nogoba palek mene inesanggo holha mene omanogo faget inailoratik, nen inendawimo warigik, hilingitarek mene omanogo a'nogo ekhe hilingita lek.

IMAMAT 21:20

ambol konurek mene, eisok horok mene, eilenggen sigilik mene inom, agap oba oumo werek mene, ouwali waganek mene halok he An nobaget waluk wo'nesi waga logogin lek.

BILANGAN 14:6

A'nogo hilingitukwama, it afuni ineil penesi lagaukwa omanogo mene inebe pire, ap Nun amlogo Yosua inom, Yefune amlogo Kaleb inom, emberek it afuni nen he, ”Inendawimo weak agasigen hilingita,” iluk futfouwageluk inasu ugu mene tiliphogo lakfisasukwa.

MATIUS 9:3

A'nogo yagatikhemo re, it ap Allah ane lisu palek inelu mene ekhe inendawimo nen he: ”Eige! Ap yi Allah endawimo seramet fuluk enu weaget fili'logo,” iluk anggasukwa.

LUKAS 5:21

A'nogo yagatikhemo, it ap Allah ane lisu palek inelu mene inom, it ap Farisi mene inom, inendawimo nen he: ”Nit afuni weak hilingiti lago mene andi, it afuni ekhe nen sebelogo legetfisogoin nogo? We, at Allah alegaren elok sebelogo leget fisikherek meneat he, at yi nen Allah endawimo seramet fikhesik enu weaget fili'logo yi sa anggegep,” iluk inendawimo anggasukwa.

YOHANES 10:33

iren he, mel yagatukwa: ”Hat fano hilingiti lagen andiba helep oba hoasuogeluk ikhi lago fuk. We, hat hebe afuni meneat he, Allah enu weagerogo, mel ikhi lagen: An Allah nemberek higit, iluk ikhi lagen andi nenat hoasuogeluk ikhi lago,” iluk yagati lagaukwama,

YOHANES 10:36

An nen he, Nebe Allah amlogo, igi andi nen, Allah enu weagete, iluk nenahalok ikhi lagep? Allah nenat nayonggo fuluk eberogoat nebe wenagaisogo kweangma yoma laknobagai wagaikhe meneat he, nenahalok ikhi lagep.

KISAH PARA RASUL 14:14

Warisuogeluk ugunem, it Paulus Barnabas emberek Yesus nen inayonggo fuluk lakfisasikhe mene omanogo inesanggo holhukwasik he, kamo uageluk, inonggwaregen inasu endakwe mene tilip-talaphogo lakfisaluk he, afuni hokhorogo andogorek were'ma inoba fungusek lagaukwa. Lagaukwasik he, inane hokhorogoat yagaisikhi logolik,