MATIUS 26:56 - Allah Wene Fano Wene Hupla Inane

⁵⁶ it ap Allah ane yagaisikhi lagaukwa mene nen lisu palhukwa a'nogo emberek higit asuageluk hilingnafebo,” iluk, yagaisasikhemo re, it ap at ane wanhi lagaukwa mene omanogo, at ebe hebisaluk heise mondok pugulhukwa.

MATIUS 26:56 ပူးပေါင်းရင်းမြစ်များ

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

YESAYA 44:26

An nenat, An namingmingengge mene nen wene ili lagwi mene andoma omamet figik, hilingitu mene iluk werek mene omanogo An nayonggo mene nen inamolo anggagarek mene omanogo hilingitik, ikhi lagagi. An nen ikhi logolik, o Yerusalem hobuk ambotkwe afuni logogun o, nen o Yehuda ba kota-kota andoma re An nen ambotkwe wusigin, meisalhigik laga mene andoma hobuk obalikwe menegeisogo wurik lagain.

RATAPAN 4:20

Iren ap raja Tuhan nen wenago mene a'nogo seneta, ap iren anggikhi logolik nineluk wo'nisa mene, nen nit ninaselei mene inoba nen aren telninabu mene. iluk anggikhi lago mene a'nogo re iren seneta.

DANIEL 9:24

Inenggi yi teng ti teng kofokhogo wenatarek hak, 7 kali 70 tahun logogun andi ebe re, Afuni hat hinom hinunggulenu misigat mene hinebe o kota Allah onggwarek awi hat were'ma andoma logolik, Allah ane sagalogo hilingitik, weak hilingitik, ikhi lagep mene andi, Allah nen herakfisigik, sagalogo legetfisigik, higithogo hilingitu mondok logouwageluk esinet figik, ugunem he, Yi'nogo hilinglasigin, iluk habikanggo oba yethegen mene andi ebe agik, Allah onggwarek awi tegelek mondok welagaikhe mene weaget fesukwa mene andi hobuk fanot figik, igin mene faget, Allah nenat huli warogo fesikhesik hobuk ebe andi huliba hilingisigin mene faget hegenma o.

DANIEL 9:26

A'nogo 62 kali 7 tahun logombik, ap Allah nen wenagaisogo menfagain mene andi weak hilingiti'lek meneat ebe wasugun. A'nogo wasumo, ap enupogot omame hokho mene agoromi tentara mene nen o kota Yerusalem inom, Allah awi wurik andi inom, meisalogo mondok leget fisagain. A'nogo logogun andem oba elugun kobokhogo re, Allah nen isikhe higithogoat, i fu nen yi mene ti mene waluk lagarek andi hak, weim yafik, yi mene ti mene mondok weaget figik, ugun.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

MATIUS 21:42

A'nogo yagatukwama, at Yesus nen he, ”Hiren, Allah ane yi'nogo lisu palogo fesukwama enu salhi'lek welagep nogo? Iren he, It ap tukang o helep meneba wutarek mene nen o ebe wuti logolik, Helep yi weak, iluk herakfisasukwa mene andi obuleat ya'lagama o. A'nogo hilinglaga andi re, nineisena Allah Enupogot enat hilingite o, iluk nineilenggen hogosik he, Ohuk! iluk fogerati lago, iluk lisu palogo fesukwa mene andi enu salhi lagep lek nogo? Enu salhi lagebaro.

MATIUS 26:24

An abat ta'lasi wagagi a'nogo, hilingisigin mene lisu palek werek higithogoat hilingisigin meneat he, at ap nebe noasuageluk yonggo lagain mene andi nek he, Eigo. Mondok weagat asigin o. At ap andi ta'la'lep le'ma re, fanoat logoilep mene,” iluk yagaisasikhemo,

MATIUS 26:31

Punu Zaitun oba lagasukwasik, at Yesus nen agoromi yagaisikhi logolik, ”At Allah nen, At ap wam domba kwalogo welagarek mene andi ebe An nen watunem he, anggo misi'mo andogorek welagarek mene andoma re, heise pugulugun o, iluk isikhemo, lisu palogo fesukwama werek andi nen, yogondak hubanggo yi, hit mondogat an heraknobagaluk heise pugulugun o.

MATIUS 26:54

Telnabi wesigin elok meneat he, telnabilepma re, Allah nen, ”A'nogo hilinglasigin, iluk isikhemo lisu palek werek a'nogo re, ninggi'nogo emberek higit a'lep anggegen. Lego. Higit asuageluk a'nogo yagati'lek kamo igi andi,” iluk, yagatikhesik he,

YOHANES 16:32

A'nogo yagaisasikhesik he, ekhe mel yagaisasikhe: ”Hit mondogat pugulogo wulakhinobagaumo, an namu nek heraknobaluk hinawilokwe lombok pugulugun oba oan welago meneat he, yogondak arat asi waga o. Hit a'nogo pugulumo, an neisena nemberek logogun andi nen he, nalegat logogin lego, iluk eberogoat yagahisigi,” iluk yagaisasikhesik,

KISAH PARA RASUL 1:16

”Nerugwi nagaila'lak. At Yudas a'nogo re, nit ninom yabu fano hilingiti logouwageluk Yesus nen ayonggo fesikhesik menfesikhemo, nit ninom fano welagosik meneat he, attagat wene Allah Areagun nen at Yudas faget isikhemo, at Daud en lisu palogo fesikhe mene were'ma, at Yudas nen aben Yesus ebe fakfouwageluk woginarek waga andi, hilinglasigin obaat hilinglaga o,” iluk yagaisasikhe.

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

2 TIMOTIUS 4:16

Afuni nen wene noba fesukwasik, nanema omanggum wanhunem, an nen he, ”An noba le'ma aro,” iluk wene noba korugunem, it mondogat an nera'lu ekhe welagi'legat heraknobagaluk wulifa andi faget, Allah nen wene inoba figi'lek logouwageluk samban ikhi lagi.