MATIUS 26:53 - Allah Wene Fano Wene Hupla Inane

⁵³ Yogondak an nebe elele wo'nabuageluk he, neisena kino yagasumo, aren it malaikat Allah nen pogoroba yonggo pelakfisa wagarek mene omanogo inebe esa 12 nen endebat meneat he, esa mondok hokhorogo inayonggo foumo, folfuluk telnabi wesugun elo'lek anggegen?

MATIUS 26:53 ပူးပေါင်းရင်းမြစ်များ

2 RAJA-RAJA 6:17

A'nogo yagatikhesik, Elisa samban mel isikhe: ”Tuhan neisena, an namingmingengge yi nen eilenggen ekhe hoageluk fenggenogo fein o,” iluk yagatikhemo, Tuhan at ane esanggo holhikhesik he, Elisa amingmingengge a'nogo eilenggen fenggenogo fesikhemo, eilenggen yethasikhe re, tom it welagaukwa a'nogoba, wam kuda endu mene inom, nen, kereta, endu mene inom, tom a'nogo mondok hinagaisogo at Elisa era'lu yiling-waling were'ma yethasikhe.

DANIEL 7:10

Nen, kursi hurek welaga mene andiba nen, i endu mene elesi wilibisogo lagunem higi. Nen, yi afuni ti afuni inebe mondok hokhorogo ribuan mene re At faget hilingiti lagaikha. Nen afuni inebe inenggi wenasu mondok elo'lek jutaan mene re At elokhoma mendek welagaikha. A'nogo logolik, afuni inanema waganogo wene inoba figik, kotik, igiluk suesingga omanogo mondogat funggulhunem neilenggen yerogo welagi.

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

MATIUS 4:11

A'nogo yagatikhemo re, Iblis a'nogo Yesus herakfisaluk lagaikhemo re, malaikat pogoroba nen Yesus oba pi wagaukwasik he, kwalogo welagaukwa.

MARKUS 5:15

Wagaukwa re, ap attagat munggwarengge inobabut weak mene esa hokhorogo endawimo kwisukwasik welagaukwa mene a'nogo, ebe hebelagaikhesik, asu laberogo hurek were'ma ineilenggen hasukwasik, inailo agaikhe.

MARKUS 5:9

Ane hokhorogo isikhemo re, at Yesus nen he: ”Hat henu sa,” iluk heinok oba wanhikhemo re, aren he, mel yagatikhe: ”Ninebe hokhorogoat welago andi nen he, nenu esa hokhorogo u hak, nenu Legiun,” yagatikhe.

LUKAS 8:30

A'nogo yagatikhemo re, at Yesus nen heinok wokhikhi logolik, mel isikhe: ”Hat henu sa,” iluk yagatikhemo, ap a'nogo munggwarengge inobabut weak mene esa hokhorogo endawimo kwisukwasik welagaukwa andi nen he ”Ninenu esa hokhorogo,” u hak, ”Ninenu Legiun,” isikhe.

YOHANES 10:18

An nen wa'lasigin anggigi le'maat, it afuni ekhe nen obakheba noasumo elo'lego. We, An nonggwarek nendawimo nenat, nebe wa'lasigin anggagain obaat wa'lasigin o. Wa'lasumo, hobuk nambotkwe neluk asigin andi nonggwarek nendawimo nen anggagain oba aro. A'nogo hilingisuageluk neisena nen laknobagai wagaikhe meneat hilingisigin o, iluk eberogoat yagahisigi,” iluk yagaisasikhe.

YOHANES 18:36

at Yesus nen he, mel yagatikhe: ”An nen afuni nawe a'ma fisigirek andi re, afuni kweangma mene nen inawe a'ma fisagarek andi hak fuk. Lego. We, an nawe a'ma fisigirek andi re, kweangma mene logoilepma re, nagoromi nen an nebe it ap Yahudi mene wogisogoin lek iluk, nebe elele wo'nabuogeluk inom ilep meneat he, an nawe a'ma fisigirek andi kweangma mene lek andi nen he, elele wo'nabugun lego,” iluk yagatikhemo,

YUDAS 1:14

Omanggum Adam huliba nen ta'larik waga lagaukwasik, huli 7 ba mene huli, at Henokh ta'lagaikhe mene nen, it afuni andi wene inoba fagain mene faget mel isikhe: ”Yethani. Ninoe Enupogot a'nogo nen agoromi at onggwaregen yonggo pelakfisa wagarek mene inebe mondok hokhorogoat woginarek pi wesigin o.