MATIUS 26:46 - Allah Wene Fano Wene Hupla Inane

⁴⁶ Halok, nit he louwogen menla'ni o. Ap an noasuageluk yonggo laga mene a'nogo re, arat horogat waga ari,” iluk yagaisasikhe.

MATIUS 26:46 ပူးပေါင်းရင်းမြစ်များ

MATIUS 26:45

Arat iluk agoromi inoba wagaikhesik he, mel yagaisasikhe: ”Hit set walogo nogo ikhi logolik mondok logogun a? Ap ekhe nen ap weak hilingitarek mene nen an abat ta'lasi wagagi a'nogo noasuageluk inenggiba nobagagin andi arat nobagagin yi yethani!

MATIUS 26:47

Yesus nen, ”Horogat waga ari,” iluk ugu kwelek aremnogoat he, at Yudas, ebe Yesus agoromi inebe 12 omanogo mene yonggo lagaikhemo, it ap Allah eisewerek mene inogogwi kaindek omanogo inom, inaluendek omanogo inomen, it ap inebe esa hokhorogo inayonggo fesukwasik lakfisa wagaukwama, karok inom, yei inom, waluk inebe mondok esa fologo wagaukwa.

MARKUS 14:42

Halok louwogen he, menla'ni o. Ap an noasuogeluk yonggo laga mene a'nogo re, horogat asi waga,” iluk yagaisasikhe.

LUKAS 12:50

Afuni yoma ima pelaginafarek andi hangge, an yi enggin ti enggin hilingnabugun mene re, oan werek kwelek, nendawinggen mondok heiselnafunem welagi.

LUKAS 22:15

Hu'lagaukwasik, aren mel yagaisasikhe: ”An yi enggin ti enggin hugu kwelek noasugun andi, oan hilingnafi'lek werek kwelek, seni Paskah nagoromi ninom nelo e, iluk, nendawimo namolo anggigi hagat ninom nogoin o.

LUKAS 22:21

”Nagoromi! Yethani! Ap ekhe sumburu e talek oba nemberek misi'mo ninggi lago mene nen an noasuageluk yonggo lagain o.

LUKAS 9:51

A'nogo yagaisasikhesik he, at Yesus ebe Allah nen pogoroba liakfagain arat higit asi wagaikhemo re, at endawimo nen, o Yerusalem pigin, iluk ninghogo menenei ebetikhesik he, kwe wanhikhe.

YOHANES 14:31

A'nogo meneat he, an neisena nendawinggen hundik welagirek andi afuni kweangma mene inelu asuageluk, an neisena nen komorogo yaganeterek meneat hilingiti lagi o,” iluk yagaisasikhesik he, ”Nagoromi. Louwogen siakhogo menla'ni o,” iluk yagaisasikhe.

YOHANES 21:20

At Yesus nen wene a'nogo yagatikhemo, at Petrus elokhe hebekhogo eilenggen ambotkwe yethasikhe hak he, Yesus agot ekhe endawinggen hundik mene a'nogo inombo'ne wagunem yethasikhe. At andi ebe re, attagat sumburu ninggi logolik Yesus era'lu horokhogo hurek logolik he, ”Yesus noe. Sa nen noe Henupogot hoasuageluk yonggo lagain,” iluk oba heinok wokhasikhe mene a'nogo.

KISAH PARA RASUL 21:13

Yagatunem, aren he, ”Hit le aga logolik, nendawinggen engginet fikhi lagep andi nenahalok? Ninoe Tuhan Yesus faget he, o Yerusalem andoma nen nenggi hele nek wasugun anggikhi lageba? Lego. Nenggi hele watik, nebe noatik, umo fano aro. A'nogo hilingnabugun elogat anggikhi lagi,” iluk yagaisasikhe.

1 SAMUEL 17:48

A'nogo yagatikhemo, at Goliat a'nogo Daud oba higit horokhogo wagaikhemo, at Daud ogo weak-weagat ap Filistin mene inoba higit at Goliat oba lageluk lagaikhe.