MATIUS 26:43 - Allah Wene Fano Wene Hupla Inane

⁴³ Samban iluk hobuk wagaikhe re, it agoromi omanogo nogo ineil agaikhemo nogo ikhi logolik were'ma isa wagaikhesik,

MATIUS 26:43 ပူးပေါင်းရင်းမြစ်များ

AMSAL 23:34

Haren anggikhi logolik he an kapal ambisangma i laut agum oba andoma welagi anggikhi logogin. Nen hunggul mirogo i lugu-lugwi palharek mene naluk hilingitarek higit tung tungenggeti logogin.

YUNUS 1:6

it ap kapal waluk laga-lagaukwa mene omanogo inoe ekhe kapal a'nogo elema huli warek a'ma meneba pisikhe re, at Yunus a'nogo nogogunem eilenggen hasikhesik, mel yagatikhe: ”Yi'nogo hilingitu kwelek meneat he, nogo u hak nogo a? Heluk ame o! Hat heisena fogerati lagen mene andi nen nit endawit ninabimbik, ninebe weaget ninafi, lek telninabuageluk ayonggo feino o iluk yagatikhe,” iluk yagatikhe.

MATIUS 26:42

samban attak isikhe hagat, hobuk ambotkwe lagaikhesik he, mel isikhe: ”Neisena a! An weaget nabugun yi re, telnabigin elo'lek halok he, hat hendawimo anggegen andi higithogoat hilinglasuago,” iluk, samban isikhe.

MATIUS 26:44

samban attak enggi pireba isikhesik, hobuk ekhe inom igeluk lagaikhesik he, attak isikhe hagat isikhe.

LUKAS 9:32

A'nogo ugu kwelek, at Petrus agaila'lak aremnogo inom nogo ineil agaikhemo nogo isukwasik, ineluk agaukwasik he Yesus ebe amulit hokho yegelhugunem, ap inebe pire aremnogo Yesus inom were'ma ineilenggen isasukwa.

KISAH PARA RASUL 20:9

A'nogo andogosugusik he, ap alage mene ekhe enu Eutikhus, jendela ambe pale'ma hurek welagaikhe. Hurek logolik he, Paulus wene uanat ikhi welagaikhe andi nen, nogo eil agaikhesik he, kunalek nogo isikhe. Nogo ugunem, o henambo silama henagan sep hun-hun wuri'mo ebe ponggwe andoma nenat tunghogo pile pi wagaikhe. Pile pi wagaikhemo, ineilenggen ha pi wagaukwasik hambokhogo wanhunem en he, ebe pinggi warek welagaikhe.

ROMA 13:1

Hinogogwi kaindek pemerintah mene andi, ero alek mene fugo. Ero at Allah aro. Arenat menfisasikhemo kain welagaikharek andi nen he, hit hinebe lombok it inane hologo logoino o.