MATIUS 26:39 - Allah Wene Fano Wene Hupla Inane

³⁹ at ale'ma horogat lagaikhesik elokhe sagaum weing lagaikhesik he, Allah ayonggo fikhi logolik, mel yagatikhe: ”Neisena! An weagetnabugun andi telnabigin halok he, telnabino,” iluk u hak, ”Amusu hinago noageluk wo'nesugun andi, wokhagain halok he, wokhano. Nen, lek halok he, an nendawimo anggigi mene andi lego. We, hat hendawimo anggegen mene andiat hilingnabino o,” iluk samban isikhe.

MATIUS 26:39 ပူးပေါင်းရင်းမြစ်များ

KEJADIAN 17:3

A'nogo yagatikhemo, at Abram eindep awi yagaisogo Allah fogeratikhemo, at Allah nen he, mel yagatikhe:

2 SAMUEL 15:26

A'nogo meneat he, At Tuhan nen an nebe endawit nafi'lek halok he, an nebe faget andi re At endawimo anggagain mene higithogo hilinglasuak anggikhi lagi o,” iluk yagatikhe.

1 TAWARIKH 21:16

A'nogo yagatikhemo at Daud eilenggen liakhasikhe re malaikat a'nogo pogot hilingi'luk kweang hilingi'luk tulem honggole'ma andoma tarik nikhi logolik o Yerusalem legaphogo fagain iluk enggarok enggimo fanghogo were'ma hasikhe. Arigini'mo hasikhe andem sambul he at Daud inom, it afuni melalinafu mene inogogwi a'nogo inom, nit weak hilingitosik iluk inendawi warikhi logolik fong warogo inasu pelagi su laberogo ineindep awi kweangma yakfesukwasik welagaukwa.

YESAYA 50:5

Tuhan nen an wenggelhu mene wo'netunem he, At ane oak sagalogo fuluk At werek oba nen sugulogo laga lagi lek.

YESAYA 53:12

At onggwarek endawinggen nenat, nebe noasuak, iluk anggasikhesik, ebe afuni weak hilingitarek mene ninom misi'mo inenggi wena'ninabuak iluk anggikhe. Aren afuni hokhorogo inaweak hatesik, inaweak legetfisoageluk inobaget samban ili'logo. Andiba re aren hilingite onggo An nen yi afuni ti afuni hokhorogo at enggiba wogetik, at ebe ap kain enu werek hilingisogo figik, igin o,” iluk ikhe isikhe.

YEHEZKIEL 1:28

a'nogo hilingitunem elokhonggen hunik-hunik uare o meiso nunggunem ohena anggelegelekwe lagaikherek hangge hilingi'mo yethigi. Wene andi re At Tuhan ebe ombak-bak hokho meneba logolik yararet hugunem neilenggen higi menere, andi.

BILANGAN 14:5

A'nogo yagaisasukwama, it Musa Harun emberek it afuni omanogo mondogat ineilhanem ineindep awi yagaisogo nen hai warinafukwa.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

MATIUS 20:22

A'nogo yagatikhemo, at Yesus nen he, ”Hat kino yaganeten andi re, wene ebe honggorat logolik yaganeten o. An yi enggin ti enggin hilingnabugun andi re, hat a'nogo hilinghinabugun elok anggegen?” iluk u hak he: An nagai hinago nagain andi re, hit elok nogoin anggegep? iluk yagaisasikhemo, iren he, ”Elok nogoin aro,” iluk yagatukwa.

MATIUS 26:42

samban attak isikhe hagat, hobuk ambotkwe lagaikhesik he, mel isikhe: ”Neisena a! An weaget nabugun yi re, telnabigin elo'lek halok he, hat hendawimo anggegen andi higithogoat hilinglasuago,” iluk, samban isikhe.

MARKUS 13:22

It afuni ekhe ineranenat ikhi logolik he, Kristus a'nogo nebe an aro, igik, nen, it ekhe nen he, Allah ane yagaisigirek mene re an aro, igik, i wesugun o. Wesimbik he, ”Afuni Allah nen wenaginafikhe mene omanogo lalinabugun hea? Lek hea,” iluk lalinabuogeluk he inane eberogoat anggoageluk elalin hilingisu lek mene hilingirik wesugun o.

LUKAS 17:16

Wagaikhesik, Yesus awe a'ma eindep awi yagaisogo ot lumbuk hai watikhe. Ap andi awi o Samaria mene.

YOHANES 11:41

iren helep a'nogo lenggakhogo lakfesukwama re, Yesus eilenggen pogoroba liakhasikhesik he, mel isikhe: ”Allah neisena. An nane hesanggo holhen andi nen he, hai wathafi lagi o.

YOHANES 14:31

A'nogo meneat he, an neisena nendawinggen hundik welagirek andi afuni kweangma mene inelu asuageluk, an neisena nen komorogo yaganeterek meneat hilingiti lagi o,” iluk yagaisasikhesik he, ”Nagoromi. Louwogen siakhogo menla'ni o,” iluk yagaisasikhe.

YOHANES 18:11

A'nogo lakfesikhemo, at Yesus nen he, mel yagatikhe: ”Petrus. Henggarok obali'mo hou a'ma kwelakfakhan o. Afuni nen i hinago wogisugunem nenggarek andi hak, an neisena nen, hat yi enggin ti enggin hilinghabugun o, iluk yaganetikhe mene andi higithogo, an hilingnafunem elo'lek anggegen a? Lego. Hilingnabugunaro,” iluk yagatikhe.

YOHANES 5:19

Weim abok a'nogo isukwama, at Yesus nen he, ap omanogo wene yi'nogo yagaisasikhe: ”Yi mene ti mene an neisena nen hilingitunem neilenggen higi'lek, we, an nendawimo nen kagalogo hilingisu elo'lek andi nen he, an neisena hilingiterek meneat higithogo hilingiti lagi o, iluk eberogoat yagahisigi.

YOHANES 5:30

A'nogo yagaisasikhesik he, wene ekhe mel yagaisasikhe: ”An nalegat nendawimo nen kagalogo yi mene ti mene hilingisu elo'lek andi nen he, an nen nendawimo anggaluk hilingiti lagi lego. We, at an laknobagai wagaikhe mene endawimo anggikherek mene hilingisigeluk ikhi lagi andi nen, neisena ane murogat, afuni oak lologo wene inoba figik, kotik, ikhi lagi andi, higithogoat ikhi lagi o,” iluk yagaisasikhe.

KISAH PARA RASUL 10:25

Wagaukwasik he, at Petrus ebe oloba kwigeluk ugunem, at Kornelius nen at ebe wanhikhesik he, eindep awi yagaisogo Petrus awe a'ma soma isikhesik fogeratikhe.

FILIPI 2:8

At onggwarek ebe sebel fakhaluk: ”An nobabut he, neisena nen, wa'lasuak, iluk, anggikhe higithogoat ane hologo logogin,” iluk, ebe eba menfuluk wasuageluk anggasikhe higithogoat e nunggulik oba wa'lagaikhe.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.