MATIUS 26:22 - Allah Wene Fano Wene Hupla Inane

²² A'nogo yagaisasikhemo, it omanogo inendawimo mondok weak agaukwasik mel yagatukwa: ”Noe! An he a? An lek anggigi,” iluk, inebe lombogen ayo wurik ilik lagaukwa.

MATIUS 26:22 ပူးပေါင်းရင်းမြစ်များ

MATIUS 26:21

hu'lagaukwasik seni Paskah a'nogo ninggi logolik mel yagaisasikhe: ”Hit ap ya mene ekhe nen, an nebe noasuageluk yonggo lagain o, iluk, eberogoat yagahisigi,” iluk yagaisasikhe.

MATIUS 26:23

A'nogo ilik lagaukwama re, at Yesus nen he: ”Hat ekhe an nemberek ninenggi ambineat piring elema pelakfuluk amusu yugulogo nonggo mene andi nenat noasuageluk yonggo lagain o.

LUKAS 22:23

it-it mel isukwa: ”Andi sa nen hilingisigin mene ikhe,” iluk he, heinok-hanok ilik lagaukwa.

YOHANES 21:17

Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.

1 KORINTUS 11:28

It ekhe nen, at Ebe futfigi'lek logolik, sumburu andi mene ninggik, enggen amusu andi mene ninggik, ninggi logolik he, inonggwaregen wene inoba fakhili'lagwi andi nen he, hit hinebe lombok he, hinonggwaregen hinobabut palano. A'nogo palalugen, sumburu andi mene ninggik, enggen amusu andi mene ninggik, ugun o.