MATIUS 26:15 - Allah Wene Fano Wene Hupla Inane

¹⁵ ”An nen Yesus andi wokhisigi halok he, hiren onggo nena mene wo'nesugun anggegep,” iluk yagaisasikhemo, it ap omanogo nen he, ”Onggo uang perak mene 30 nen wokhesugun o,” iluk yagatukwasik he, wogetukwa.

MATIUS 26:15 ပူးပေါင်းရင်းမြစ်များ

KEJADIAN 38:16

A'nogo hilingitikhesik at Yehuda a'nogo he a'nogo era'lu ebekhalem aremnogo asi lagaikhesik he, at Yehuda nen he andi at eamalhe a'nogo onggothogo yagati logolik he, ”Noe haren miren hak wo'nesigin andire we haren enek,” iluk yagatikhemo, at he Tamar a'nogo nen ikhi logolik, ”Noe haren nenangge wo'nesigin e?” iluk yagatikhe.

KELUARAN 21:32

Wam sapi nen wasigin mene andi ambi, inamingmingengge ogo, he ogo, wasigin halok he, ap anggo eisewerek mene andi nen onggo uang perak mene 30 nen ap inamingmingengge ineisena andi oba onggo wogosigin, nen anggo sapi ai mene andi ogo ebe helep oba pinggi wasugun.

YESAYA 56:11

It inebe re, mene hugurue mene nen inoba homot fisikherek lek a'nogo hak werek. Ap inogogwi ferinarek welagaikharek mene andoma re fut fili'lagwi lek. It inebe lombogen he inendawimo anggili'lagwi mene omanogo faget enek hilingiti logolik, ambisangma helogoin mene faget heratu welagaikharek.

MATIUS 10:4

Simon ”O Kanaan yoma ninawi werek mene nek logouwogo,” iluk ikhi lagaikhe mene a'nogo inom, Yudas Iskariot Yesus wasuageluk yonggo lagaikhe mene a'nogo inom, inenu andem menfisasikhe.

MATIUS 26:16

Onggo arat fesukwama re, at Yudas Iskariot a'nogo nen he, ”Yesus ebe fanoasuak ninggi'nogo were'ma inenggiba fagain he,” iluk weim abok endawimo logolik menenei ebeti lagaikhe.

KISAH PARA RASUL 1:18

(At Yudas weak hilingitikhe andi faget, onggo wogetukwama re, kweang onggo pali lagaikhe. Pali lagaikhesik andoma lagaikhesik elokhe sagaum warikhi logolik, alabut supukhogo wulifikhesik wa'lagaikhe.

1 TIMOTIUS 3:3

i anggur amusu ninggerek lek mene halok, obabut asialokhogo hilingiti'lek enago liokhogo welagarek mene halok, endawimo nen uang hokhorogo namolo anggikherek lek mene halok,

2 PETRUS 2:3

It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.

HAKIM–HAKIM 16:5

A'nogo nasikhemo re, ap Filistin mene inogogwi kaindek inebe fuaben mene he a'nogo ambit lagaukwasik yagati logolik, ”Simson nen he, an yi'nogoba nen nomame agarik hilingiti lagi o. Enggere yi'nogo hilingnabumo nek he nomame lek asu hago, iluk ikhenggere, wene hinago mene andi yagahesuak hogore endawimo kagali lano. A'nogo yagasigin andiba re, niren ebe wasuogeluk he higit senesi wesugun. Haren a'nogo hilingisigin halok he nit ninebe lombogen he uang perak hokho mene 1.100 nen hat wokhesugun,” iluk yagatukwa.

HAKIM–HAKIM 17:10

Andi isikhemo at Mikha nen ikhi logolik he, ”Hat hebe nit komotninafu mene agik, nen yabu imam mene hilingitik ikhi logoinogen he, an ninom yoma logouwogo, an nen he tahun ebe lombok andoma uang perak 10 nen inom, su labetu mene inom, nunggu mene inom wokheti logogin o,” iluk yagatikhe.